ما الذي حدث للمجموعة يا جماعة الخير .. أصبحوا في قمة السوء

**الزقروطي** · 15-04-2005 04:58 PM

أخوي احسينوه المجموعه شبعت فلوس علشان جذي مايردون

**أبو محمد** · 23-04-2005 12:40 AM

أنا معاك يا عضو قديم ,,,, الظاهر جالسين يشترون عشانهم أو عشان جهة أخرى مقابل نسبة ,,, وأنت تدري كل ماتشتري برخيص أفضل ,,,, يعني اذا شافت السعر بيرتفع وهي للحين مالمت ما دخل الطلبات عشان أتلم علي راحتها و بأسعار رخيصة .

والعكس صحيح .

**قطريه فديتني** · 23-04-2005 07:24 PM

بصراحه انا يوم كنت اروح المجموعه قبل سنه كانت معاملتهم ماعليها كلام

بس هالفتره صاروا يبطون الجبد

أرفعوا ضغط العالم الله يرفع ضغطهم كلهم

**roadrunner** · 24-04-2005 11:14 PM

المشاركة الأصلية كتبت بواسطة قطريه فديتني

بصراحه انا يوم كنت اروح المجموعه قبل سنه كانت معاملتهم ماعليها كلام

بس هالفتره صاروا يبطون الجبد

أرفعوا ضغط العالم الله يرفع ضغطهم كلهم

والله تبي الصج ..... مالومهم مساكين ... انت شفت العالم الي عندهم .. تقول يوزعون اسهم ببلاش .... صج ان المفروض يزيدون الموظفين الي عندهم ... لكن صدقني ... حتى لو زادوهم .... بعد بتتم الشكاوي

**ابوعلي** · 24-04-2005 11:36 PM

السلام عليكم ورحمة الله وبركاته

يا اخوان انا عطيت المجموعه امر بيع اسهم السلام عدد 3300 سهم وجاني الرد من عندهم على الجوال

( اسهم غير متوفره ) مع اني طلبت كشف حساب والاسهم موجوده بالكشف اني شاريهم بس مابعتهم

؟؟؟؟؟ مجرد سؤال للمجموعه وين ابحث عنهم

**LIMIT^UP** · 25-04-2005 12:10 AM

اخوي اذا كنت شاري الاسهم عن طريق المجموعه فلازم تكون موجوده عندهم وكشف الحساب اللي خذيته من عند المجموعه ولا من السوق لانه صارت معاي نفس الحركه في اسهم الناقلات والاسهم كانت موجوده في الكشف اللي خذيته من السوق لكن لما تحط امر في المجموعه مايطلع لك اسهم وبعد البحث والتحري تبين لي ان الاسهم موجوده في المجموعه الفرع اللي في السوق في الكمبيوتر الرئيسي ((الريجستري))لكن لازم تروحل للفرع اللي في السوق وتقولهم ينزلونها في السيستم واعتقد ان هذي حركه منهم لتاخير البيع والتلاعب

**ابوعلي** · 25-04-2005 12:56 PM

المشاركة الأصلية كتبت بواسطة limit^up

اخوي اذا كنت شاري الاسهم عن طريق المجموعه فلازم تكون موجوده عندهم وكشف الحساب اللي خذيته من عند المجموعه ولا من السوق لانه صارت معاي نفس الحركه في اسهم الناقلات والاسهم كانت موجوده في الكشف اللي خذيته من السوق لكن لما تحط امر في المجموعه مايطلع لك اسهم وبعد البحث والتحري تبين لي ان الاسهم موجوده في المجموعه الفرع اللي في السوق في الكمبيوتر الرئيسي ((الريجستري))لكن لازم تروحل للفرع اللي في السوق وتقولهم ينزلونها في السيستم واعتقد ان هذي حركه منهم لتاخير البيع والتلاعب

شكرا على الرد وان شاء الله اروح اليوم العصر واشوف ايش الي صاير ، بس انا تعاملي مع المجموعه

سواء البيع او الشراء وحتى الكشف اخذه من المجموعه

**هتلر** · 25-04-2005 06:59 PM

والله انا المجموعه مادانيهم و خليتهم ايولون ورحت حق و سيط ثانى
وسبه انى يوم عرض السهم الناقلات للبيع ما باع على اساس الاسهم مب عندهم و بعدين ا كتشفت ان الاسهم عندهم ..
اكبر دليل على التلاعب في سوق قطر والله يعينكم ياجماعه

**almazam** · 26-04-2005 12:23 AM

خلوها على الله
اذا انتو تعبتو من اوامر البيع والشراء
انا مضيعين مبلغ من حسابي سارلي اسبوع اركض وراهم
مع ان هم الي بايعين لي

**صبي الهوامير** · 26-04-2005 01:44 AM

اقول اذاعلى المجموعه حدث ولا حرج اذا اخوي شيرينله اسهم الناقلات وهو ماعنده رصيد لا ناوي ينكبهم ويبيعهم
بس قلناله حرام الي ابوق الحرامي حرامي الله كريم
وحسبي اللله ونعم الوكيل

الموضوع: ما الذي حدث للمجموعة يا جماعة الخير .. أصبحوا في قمة السوء

أدوات الموضوع

عرض

قصة اسهم السلام والمجموعه

شكرا على الرد

ضوابط المشاركة