ماهو الفرق؟

[$بنت شيوخ$]

اخواني عن تجربه مافي فرق بين البورسلان والرخام نفس الشي وصعب انك تميز ياخواني علموني شلون اقدر اعرف الفرق بين ناس مركبين رخام وناس مركبين بورسلان؟؟

[بويوسف]

لا اختي في فرق كبير .. الرخام هو حجر طبيعي .. والبورسلان حجر صناعي .. توجد انواع من البورسلان شبيهة بالرخام ولكن الخصائص تختلف بين النوعين ..

[$بنت شيوخ$]

انا اعرف ان الخصائص غير بس الشكل مافي فرق بلمره

[شموخ دائم]

,

,


مراحب

سؤال حلو والله

الرخام الطبيعي ما يجي متشابه كل قطعه فيها اختلاف عن الثانيه تحسينهم خوات

بس مو متطابقين باللون وحركه العروق والبقع اذا وجد وفيه فخامه مجرد النظر له

البورسلان مصقول وفيه لمعه قويه وكل قطعه تشابه القطعه الثانيه طبق الاصل
وعندك طريقه التركيب الرخام ( زيرو ) مافي فراغات بين القطعه والثانيه راصين على طول في بعض
والسيراميك والبورسلان يجي فراغ بينهم ومايضبط على ( الزيرو ) في التركيب

والاثنين حلوين
وانا من محبي الرخام اكثر من البورسلان
وبتلاقين كل شخص له ذوق ناس تحب الرخام وناس تحب البورسلان
مجرد اذواق طبيعيه بين الناس



,

,


اخوك


شموخ دائم

[أم وضحى]

,

,


مراحب

سؤال حلو والله

الرخام الطبيعي ما يجي متشابه كل قطعه فيها اختلاف عن الثانيه تحسينهم خوات

بس مو متطابقين باللون وحركه العروق والبقع اذا وجد وفيه فخامه مجرد النظر له

البورسلان مصقول وفيه لمعه قويه وكل قطعه تشابه القطعه الثانيه طبق الاصل
وعندك طريقه التركيب الرخام ( زيرو ) مافي فراغات بين القطعه والثانيه راصين على طول في بعض
والسيراميك والبورسلان يجي فراغ بينهم ومايضبط على ( الزيرو ) في التركيب

والاثنين حلوين
وانا من محبي الرخام اكثر من البورسلان
وبتلاقين كل شخص له ذوق ناس تحب الرخام وناس تحب البورسلان
مجرد اذواق طبيعيه بين الناس



,

,


اخوك


شموخ دائم

شنهو الفرق من ناحية الجوده ,, والزمن الاطول ؟؟

وشنهي مساوئ الرخام ؟

[بويوسف]

طبعا الرخام اجود وبلا منازع ..

لانه طبيعي اولا ..
وطبعا فيه انواع مختلفة .. يبتدي من سعر 100 ريال لين ماشاءالله ..

اما البورسلان فهو صناعي واسعار من 30 ريال واكثر .. وفيه انواع كثيرة ايضا ..

الزبدة: عندج خير والميزانية قوية روحي للرخام واختاري النوع الجيد ..
الميزانية محدودة: البورسلان ذو سعر 60 ريال للمتر منه انواع جيدة ويناسب المزانية ..

الرخام ما افضله لغرف النوم لانه بارد .. يصلح غالبا للمجلس ولغرفة الطعام ..

بالتوفيق .

[بدوي]

ماقصروا الاخوان في توضيحاتهم

من ناحية الجودة بالراحة الرخام أفضل

واعتقد فيه فرق كبير بينهم :

1- السعر
2- الرخام يجي متلاصق بدون فراغات عكس البورسلان
3- سماكة الرخام أكثر من البورسلان

ومثل ماقال بو يوسف .. الرخام يفضل لمداخل البيوت والصالات والممرات ودرج الصالة

اذا الميزانية اوكي .. توكلي على الله

[lwsail]

موضوعكم حلو ....فيه سؤال من ناحية تنظيف الرخام سمعت انه يتأثر بالتنظيف وله طريقه خاصه بالتنظيف...فهل هذا صحيح؟؟؟

[موضي قطر]

والله اللي اعرفة الرخام احسن

[العنان]

والله الرخام ماعليه كلام لكن يبي له ميزانيه قويه ، وبالنسبه للعمر الوالد مركب في البيت كامل رخام صار له فوق ال13 سنه وماتأثر ، يمكن كل 5 سنوات تحتاج تسوي له جلي عن طريق الشركات المختصه حتى يرجع لك كأنك امس مركبه.