ارجو من المشرفين متابعت ردوود البرنس
ارجو من المشرفين متابعت ردوود البرنس
أنا معاج يا الدانة عنود
برنس على ما اعتقد الكل ايعرف اسلوب الكلام وما فيه داعي للمبالغة
اخوي بو صالح
الحين العرض طاف المليون والطلب صفر وانت تقول لنا بيعوا احسن !!
بذمتك اشلون نبيع وعلى منو ؟؟؟؟؟؟
لا يكون فاتحين فرع اسهم في الجمعية ؟؟؟
صراحة والله ردودك وايد حلوة لكن ردك الاخير هذي كان مثل السكين ... يا خي اللي صار صار واحنا تورطنا وصدقنا ان ادارة السوق ما راح تخلينا نتوهق هالشكل لكن الشكوى لغير الله مذلة وهذي الادارة اللي عندنا ما خذت عبرة من اللي صار في الكويت والامارات والسعودية وقاعدة تجرب فينا ...
كل اللي ارجوه ان سمو الامير الله يحفظه يشوف لنا صرفة لها المشكلة
ها الادارة لازم تتغير لانها ما حافظة على الامانة ( اللي هي اموالنا ) ولا نصحتنا بأي شي ... صراحة الموضوع يبي له تحقيق ... والا معقولة طلب مليوني وعرض صفري لمدة اسبوعين ... يا جماعة ما صارت ايام الطلوع ان الطلب مليوني والعرض صفري لمدة اسبوعين .. لكن هالشي صعب وايد اسبوعين وهالاحمر مولع ان شاء الله يخترب ويشتغل مكانه الاخضر الحبوب
الحين الشركات كلها خسرانة واسهمها طايحة في السوق مافي احد يبي يشتريها ليش ؟
هل لانها خسرانة ؟ ما اظن احنا بلادنا صغيرة والامير الله يحفظه ويخليه عطى الشركات احتكار في نشاطها . يعني وين الخسارة .
هل لان الشركات ما تقدر تسوي المشاريع اللي قالت عنها ؟ ما اظن لان الشركات راس مالها بمئات الملايين وغير هذي اي شركة تقول يا اكتتاب تحصل مليارات .. يعني الفلوس ممب مشكلة .
هل الشركات فاتحة هالشكل وما عندها شغل الا تعيين فلان مدير وعلان عضو في مجلس الادارة ؟ بعد هالكلام ممب صح وما يدش العقل.
هالهوامير اللي يلعبون في السوق الله يهديكم واتقوا الله وترى الايام دوارة ويوم لك ويوم عليك وانتم ناويين تسوون شركاتكم شركات مساهمة ... بتشوفون شركاتكم تطيح جدامكم ...
الحين ادارة سوق الهند تخاف على فلوس مواطنيها وتحركت وسوت شي ووقفوا التداول بعد ثالث يوم واحنا ادارة سوقنا قاعدة تتفرج وصار لنا اسبوعين واحانا لمت داوون ... لين متى ؟؟؟؟؟؟؟؟؟؟؟؟؟؟؟؟؟؟
اخوي البرنس ... الشماتة ممب زينة واحنا هلك واخوانك ..... الا انك تكون ممب منا @
رحمتك يارب
مالنا الا الله سبحانه وتعالى ثم سمو الامير ينقذنا ويلحق علينا
اخوي بوصالح شوي شوي على العالم والا ينطبق عليك المثل اللي يده في الماي ممب مثل اللي يده في النار
أتمنى ان يتغير الحال، وان لا تكون هناك عروض مليونية.
رأس المال
انا قلت من بداية دخول الاجانب
بالتحديد يوم الخميس الي يسبق دخول الاجانب
لو لاحظت ان كميات هائله انباعت في هذا اليوم
المصرف 100 الف سهم عاللمت اب طارت بدقايق الصناعات الوقود وكل الشركات في اخر ربع ساعه
صار عليها عرض وطلب
وحذرت يوم الخميس ان هالحركه ( وراها مشاكل )
ويوم الاحد بعد ما شفنا ان الشركات لم تستطع ان تضرب اللمت اب وبدت بالنزول
نصحت المنتدى بان يبيعوا اسهمم ( انا عن نفسي بعت اليوم الثاني ) بعد ما كتبت عندكم
ولكن الردود كانت ( لا لا هذي حركه ويبون يخوفون السوق ) والكل هنا يبي يشتري وما يبيع
المشكله ان بعض المستثمرين ( لما اشترى السهم ) ما عرف اشلون يطلع
السهم كل يوم في طلوع ( ويبي يستحوذ على كل الارتفاعات ) مستحييلللل الا اذا كنت عبقري بورصه
خذ رزقك وعط غيرك يترزق
انا نصحت والله يا راس المال
ولكن اتهموني باني اطيح البورصه
والمشكله ان كلمة الحق في بعض الاحيان تزعل
عموما اعذروني اذا زعلت حد والله يعوض علينا وعليكم
والسلام عليكم
لـيلـه مـن ألــف لـيـلــه و لـيـلــه
لـيـلــه مـن ألــف لـيـلــه و لـيـلــه
31 شركة لمت داون شدعوه طلبات متكدسه عروض بالهبل شسالفه تصحيح ولانهيار .حسبي الله ونعم الوكيل يقولك امتصاص لسيوله وكل واحد يغير الطلب اخبر المسجات ماتسكت لغز محير.المشاركة الأصلية كتبت بواسطة *فزعـــــ قطر ـــــة*
الله يفتحها عليكم يااهل انفيع والله تستاهلون كالخير
اقبضو على لسهم والباقي على رب لعباد والله لايخيب املكم
و الله ما الومكم اللي يصير مب طبيعي
و ناس كثير اغرقوا
............. يا جماعة انا قلت لكم ........... محد بينفعكم عق الله سبحانه وتعالا .... ألا الامير الله يحفظه
................................ ما يرضيه هذا الى ايصير .................... بس من هو الى بيوصله هلكلام
........... يابو مشعل شعبك قرب على الافلاس ........ والمركزى لنا فاتحن بابه