نصيحه لكل قطري

[بـوصـالـح]

السلام عليكم ورحمة الله وبركاته

اخواني واخواتي

احب اقولكم نصيحه قالها لي الوالد من رجل له شأن في هذه البلد

ارجوا ان لا تنجروفوا وراء ارتفاع الاراضي والبيوت ( وتروحون تشترون ) خصوصا هالايام

الاسعار نار وكل شي نار والبورصه نااااازله وبتنزل اكثر يعني الناس خسرانه

وبالتالي اسعار الاراضي رح تنزل واسعار البيوت رح تنزل واسعار الايجارات رح تنزل

قد لا يرى البعض منكم حكمة عدم تدخل السوق القطري في البورصه هالايام

وذالك اولا : لتعديل قيمة الاراضي والبيوت والايجارات

ثانيا : حاولوا كثيرا الوزاره بتوعية الملاك لا ترفعون الاراضي لا ترفعون الايجارات لا ولا ولا ولا ولكن ما

مشاء معاهم الكلام

فاين الحل ( رأوو ان السبب في ارتفاع الاراضي وجميع العقارات والايجارات ) بسبب البورصه

طيب الحل وين ( لو طاحت البورصه ) يكمن الحل

وبالتالي العالم ما بتشتري

لانهم خسرانين ومب راضين يبيعون

ولا تنسون ان بعد 2006 البيوت بتكون بالهبل ( وتشتريها من الدوله )

فرجاء لا تمشون مع كلام الدلالين اللي اهما السبب الحقيقي وراء ارتفاع قطاع العقارات

وكذبهم ونصبهم عالزبون والكثير يحصل امامك كل يوم

الان ( ضربة البورصه رح تكون الحل الوحيد ) لعودة الاسعار , وقد لا تكون الى ما كانت عليه

ولكن الى الاسعار التي يستطيع الانسان العادي ان يشتري


وما ننسى حركة الكويتين ( ما ادري بالضبط ) باي اماره اماراتيه

يوم دشوا وارفعوا العقارات من تحت الى العلالي وشروا كل شي

والناس يوم اتشوف هالربح في ليلالي نفس الي صاير عندنا هالايام

تهب وتشتري وما تدري شالطبخ ( والسبب ) الدلالين يجونك والله الوزير الفلاني ناوي يبني ما ادري وشو

والدوله ناويه ما ادري شتسوي والقص ياي ومن هالخرابيط وكله كذب ونصب واحتيال

ويقصون على هالفقير ولد الامارات

ويجي يشتري ويشترون العالم ويبيعون الكويتين بارباح بحد ادني 300 % ووصلت الى 500 % ويبيعونها لمن ؟؟؟

لولد البلد المسكين الي يبي يبني ويستقر ويلحق على شي قبل لا يروح عليه كل شي

وبعدين تأتي العاصفه عندما ( اطلعوا الكويتين من السالفه ) ومحد يشتري

المشكله الان هي اين ( اولا اشترى بغالي جدا ) ثانيا مافي سيوله

ثالثا ( ما يقدر يبيعها الا بخساره اقل شي 200% او 300 % ) ويكون الرجال اتدبس مضبوط

والحركه هذي صاااااااااارت بقطر ونذكر قبل سنه او سنتين يوم دشوا الكويتين

وطيروا السوق ( واليوم شوفت عينكم ) الاسعار خيالي والشرايين قلووووو

والسبه المبالغه بالسعر

ومن وين انجيب الفلوس


( لان لما الدوله تعطيك انت يا الجنير ) 300 الف ولا السنير 600 الف

ما اعتقد انها تشتري نصر ارض فيها للجنير ,, ويللللللله ارض للسنير , لذالك احذروا بارك الله فيكم

واللهم اني بلغت اللهم فاشهد

ولو ما ابي لكم الخير , ما قلتلكم

والسلام عليكم

[منصور]

ابو علي اليافعي

جزاك الله خير

لكن تنزيل البورصه سيذهب باناس الى السجون لان الكثير رهنو واستدانو من البنوك

ولا شرايك

[الحزين]

الله يجزيك كل خير اخوي بوصالح اليافعي على نصايحك
والله يكثر من امثالك

[alsahm 12]

انا متوقع ان الاراضي بتنزل بعد الاسياد .. مثل مانزلت البورصه بعد الاجانب

[رأس المال]

والحل ؟؟؟؟؟؟؟؟؟؟؟؟؟؟؟

[ali]

مافي حل ياخوى غير
اذكرو الله

والله ان شاء الله بيفرجها

[السهم الازرق]

يعني زبدة كلامك يا بو صالح ان الكويتيين هم سبب كل هالمشاكل ؟!

والله حاله .. عسى ما صار شي قلتو الكويتيين و الكويتيين ..

اخي الكريم الكويتيين تجار من عمر و فاهمين السوق و عارفين متى يشترون و يبيعون ..

و اذا كان البايع او الشاري جاهل في ادارة حلاله و يبيع و يشتري مع الخيل يا شقرا ..

فخسارته يتحملها هو بسبب جهله و محد ضربه على يده و قال له بيع او اشتر غصب ..

اخوي بو صالح العقار تجاره مثله مثل غيره من السلع .. لازم يكون في رابح و خاسر ..

و الرابح هو الشاطر اللي عرف متى يبيع و متى يشتري ..

و اذا انت متضرر من الوضع الحاصل الحين ,,

الاجدر انك تلوم من كان السبب و ليس من استغل الفرصه ..

و السبب هم نفس الناس اللي مغرقه البورصه الحين بسهم ناقلات و مسببه نزول السهم كل يوم ..

و جعلت ملايين الاسهم معروضه بدون طلب و سببت الخسائر للكل ..

هالفئه شعارها ( يالله نفسي ) و لا تفتكر في المصلحه العامه ..

فالاجدر انك تصب غضبك عليهم بدل ما يكونون الكويتيين شماعه لكل خساره او مصيبه ..

تحياتي لك و السموحه على الاطاله

[حبيـ M ـبها]

بوصالح تسلم اخوي واحب ازيدك من الشعر من البيت ..

الاراضي اصلا عطها وقتها لين بعد الاسياد وكلنا بنحكم اشلون بتكون اسعارها واشلون الايجارات بتعدل ..

تسلم ايدك

[بـوصـالـح]

السهم الازرق

اولا احيك اخوي على ابداء رايك

وانا طال عمرك ما صبيت غضبي عالكويتين من فراغ

( انا ما انكر ان سبب ارتفاع العقار عندنا من سبب الكويتين وليس البورصه ) العقار

وانا ما جبت الكلام هذا من فراغ

الكل يشهد ان الكويتين جاؤ على زمن حكم سيدي سمو الشيخ خليفه بن حمد ال ثاني

ورفض دخولهم وتملكهم للعقار في قطر

بعد الازمه ( لما جاؤ عندنا )

ومن بعد تعديل قرار السماح للخليجين بالتملك

دخل الهوامير الكويتين بكل قوه ( والكويتين معروفين يدشون اجروب مع بعض )

بتقولي اشدراك ؟؟

بقولك لي ربع كويتين وكنا قاعدين بدوله اوربيه فتكلم الرجال وقال ترا الوالد عندكم بالدوحه

قتله يا مرحبا ويا مسهلا

قال : ايقولون ان عندكم استثمار ممتاز ( هالكلام سنة 2002 ) او 2003

قتله ( عندنا فالدوحه ) قال ايه راح هو وهوامير كويتين يدرسون دراسه عن الاستثمار بقطر

قتله : ترى الكويتين لا دشوا دشوا


قال : الله يعينكم ترى ناوين عليكم ( مثل ما سووا بالامارات ) وعطاني السالفه المذكوره اعلى

عموما : حنا ما انقول ان الهوامير الكويتين هم سبب البلا

لا انا اقول ان الكويتين مب هينين اذا دشوا دشوا ( ويدشون مع بعض ويطلعون مع بعض ) وهذا اللي مقويهم زياده

انا ما اتكلم عن الكل ( اتكلم عن جروب معين ) شيوخ وهوامير مع بعض

وهذا ان دل انما يدل على عقلية المستثمر الكويتي والكويتين ادرى مننا بهالامور لتاريخهم المعروف

ولاحظ كلامي انا ما قلت شي عن البورصه بالنسبه للكويتين

البورصه طارت لاننا اعطيناها اكثر مما تستحق وانا مابي اطلع حرتي عالكويتين علشان البورصه طايحه

ابشرك ( طلعت من السوق مع اول يوم دخول للاجانب وثاني يوم ) يعني ربحان ولله الحمد بما فيه الكفايه

يعني مب خسران شي

بس الي قاهرني بالسوق ان العالم الي بالجرايد اتقول لا تبيعون ولا تبيعون ولا تبيعون واهما يبيعون

ولما اجي اتكلم هنا بالمنتدى ( اتلاقي الرد ) انتوا الي بتطيحون السوق

وفال الله ولا فالك ( الشباب يشتروووون ) وما يبون يبيعون ( غلط )

خذ رزقك من السهم وعط غيرك الرزق ( مب كله لك )

وعمر البورصه ما كانت كلللللللللللله طلوع

لازم يوم طلوع ويوم نزول وهييييييييييييك السالفه طال عمرك

ولا اتقول ان احنا متحاملين عالكويتين لانهم اخوان وحبايب ولنا معارف وايده اهناك

ولكن كلمة الحق تنقال


والسوق مثل ما قلت ( عرض و طلب )

وحياك يالطيب بينا مره ثانيه

وعطني وجهة نظرك بالرد

[بـوصـالـح]

الحل يا رأس المال

انك تنتظر من كل الجهتين

لا تحط افلوسك بالبورصه حاليا الا ان تتعدل الاسعار

والعقار ( اللعب بيبدا فيه ) عقب 2006 وبتشوف اشلون النزول على اصوله


ولكن هالايام اتوقع اسعار الاراضي رح تختلف والايجارات ايضا


وكل هذا من مصلحة المواطن

( اما الملاك ) فنقول لهم

احتفظفووووو بالمؤجر لان الطلب على المؤجر رح يزيد بعدين

لما يكون سعرك انت وسعر مجمعات جديده نفس السعر

فتتوقع الرجال وين بيروح عندك ولا المجمع

وحتى لو الاختلاف بسيط ( رح يروح اهناك ) لاسباب كثيره

وسلامتكم