مقهوورة حددي.. وين سياسة التقطير؟؟!!

[(وكراوية)]

السلام عليكم ورحمة الله وبركاته


ماعرف من وين ابدأ في موضوعي ... لكني راح ادخل بدون مقدمات... وبقوول اللي في قلبي واللي بيصير يصير...


انا خريجة يديدة من جامعة قطر وتوني توظفت في احدى الشركات اليديدة ... بدون ماذكر اسم الشركة ...

توظفت عندهم وصار لي اللحين 3 اسابيع ... واكتشفت اني القطرية الوحيدة في الشركة

للعلم ان عندهم سياسة التقطير .... وانا ما اشووف غير نرويجيين وهنوود وفلبينيين وجنوب افريقيا وموزبيق وغانا ...

وحتى مدير التوظيف مو قطري .... حتى مدير التقطير مو قطري...

انا سألت مدير التقطير ليش ما في شباب او بنات من دولة قطر ..؟؟!!!

رد علي وقال لي: في 3 قطريين مرشحين للتوظيف عندنا علشان سياسة التقطير...( بنت وشابين)

ومع مرور الايام سألته عن اخبار القطريين المرشحين .. رد علي مدير التوظيف وقال لي : الشابة القطرية تم رفضها من قبل مدراء اجانب وذلك لاسباب مجهوولة .. والشابين ما اعر ف عنهم اي شي ...

واليوم اكتشفت انهم وظفوا 3 اجانب ( هنوود) بدل ال3 القطريين ....

ولما استفسرت عن توظيف القطريين ال3 قال لي المدير بكل وضووح :

(( احنا مانبي خريجين جدد .. احنا نبي نااس عندهم خبرة...!! وخل اكون صريح معااج احنا جاتنا اوامر بعدم توظيف القطريين من قبل الوزيرلان القطررين اللي في كهرماء يبوون يستقيلوون وبيقدموون عندنا ...!!! ))


بالله عليكم هاي حجة؟؟؟؟

بصراحة اترك التعليق لكم .....

ملاحظة :::

للعلم مافي هتمام فيني من قبل الشركة دائما اكون مهمشة.. ادوام من الصبح لين العصر بدون ما اسوي شي..!! وكل ما اقولهم علموني شي يقولون لي بعدين بعدين..!!

مايبون يعلموني شي ماعرف ليش؟؟؟!!

[**قطـــــر**]

زين إختـــــى أنا أبى أقدم عندكم وأنا ما اشتغل فى كهرماء وأزيدج من الشعر بيت عندى سنوات خبره وبكالوريوس هندسه هــــــــــــاه متى أقدم عندكم علشان نعرف نهايه هالأجانب مع التقطيـــــــــر

[ديابلو]

لازم تذكرين الجهة اللي تشتغلين فيها

[ابن مانع]

الله يكون في العون
موضوع في اكثر شركاتنا ومؤسساتنا

[كاتم الاسرار]

مرحبااا اختي الصراحه الله يعييينج منهم وبعدين اي تقطير الي نسمع عنه بالعكس التقطير لنا احنا القطرييييييييين مش الاجانب وبعدين اشلون تقطير اذا مدير التوظيف من دول عربيه بالاخص عيووون زرق والله تعب الواحد وين ايروح وين يشتكي الله كريم تحملي يا اختي والله يقويج وان شاءالله لهم يوم والمشكله المسئول القطري بالعربي مايبغي القطري يبغي الاجنبي يخدمه في كل شي والمشكله يااختي وكراويه مش عندكم في الشغل في كل مكان في كل مكان حتى في اداراارارارارت حكوووووووووووميييييييييييه والله احس ان بسييييييير العكس الله يستر

[معيذر جنوب]

امممممممم شركة جديدة ؟؟؟ وش تطلع وشلون وصلتي لها هههههه

الحي الثقافي ؟؟؟

[ذيب النصر]

الله يعينج

بس وين تشتغلين وين هالجهة اللي كلها نرويجيين ؟

[ليث العرين]

والله تعبنه من هالموضوع

والله المستعان

[فرقة الصقور]

مشكلة سذاجة بعض المسؤولين وغياب الحس الوطني ما لها حل....!

والكارثة ان في ادارة القطير في وزارة العمل تراقب هالاقسام والادارات
في مختلف جهات الدولة ونايمة في العسل ومساء الخير ياسعادة الوزير

لكم صادق الود

[Villagio]

شله خايفين وماتذكرون اسم الجهات المعنية ؟؟؟؟؟؟
شفيكم سلبيين
تكلموااااا خل الناس تعرف وتسمع
ومنو هالوزير المقصود؟ وزير الطاقة ؟؟؟؟؟
ياناااااااس تكلموا احنا ببلد ديمقراطي (على قولتهم)
وقفي في بلعومهم اختي وكراوية و خل يعلمونج غصب ! مايبون يعلمونج عشان ماينشالون من مكانهم اذا مالهم حاجة
بس اذا الوزير اللي فوقهم عاجبه هالوضع !!!!