المشاركة الأصلية كتبت بواسطة عابر سبيل
الله ايسلمج يا موزاني
و شاكر لج هالاثراء...
تخلين الواحد ايحس انه مخرج و فيه ناس
قاعده تصفق له
ع العموم...موب غريبة ان بريشيا و صاحبتها يعجبونج
انتو النسوان بس دايم تصفون مع خواتكم!
هالمسكين...انطونيو...اللي بغا ينذبح
على يد هالـ" ـيهووودي"
ما عطيتيه وجه...ذلّ نفسه
و بعدين بغى يفقد عمره بس
عشان "رفيجه"..و هو الغني و ذاك اللي اصلا محتاج
بس الاخلاق..اخلاااق!.
يستاهل ان اللي مثله بهالاخلاق العالية
ايحصل بعد "تصفيق" موب "تسفيه"
***
عموما....لو تحبين
ترى هالثنتين قصتهم قصه بروووحهم..
من قبل زواجهم بهالاثنين..
و بعدين لما ارجعوا لهم ازواجهم بعد المحكمة...
فيه تفاصيل و احداث و حوارات جدا جدا رااائعة
لم نذكرها هنا...لاسباب عدة...
يعني..هم بس ما قالوا لهم هاكم الخواتم
(مثل ما نقرا هنا)!!
الا ذلوهم و قالوا لهم انهم اصلا
التقوا بالمحامي و رفيجهو و و..
عشان يسترجعون الخواتم...
كل هالشي...عشان ايحرقصون رياجيلهم
و ايثيرون غيرتهم....
ما ابي اخرب عليج...
بس لو حصل لج انج تقرين القصة
بتعيشين روعة المشاهد اللي ما تم طرحها هنا...
و فيها بعد كمن " ديالوج"
بالذات حق هالـ"ـيهودي"
لما يتحسر على بيزاته..موب بنته..
اللي فقدهم مع بعض!!!.
حقيقة رواية او مسرحية مذهلة!
والله شوقتني للقصة خلاص بشتريها ,,,أنا وايد أحب الأدب وكنت ألف واخلي أختي
وخالتي وبناتها يقرونها ,,,
من القصص العالمية عندك ذهب مع الريح أنا جفت الفلم بس ما قريت القصة والقصص
لها فوايد عديدة هي ثقافة وهي جواز سفر تسافر بها عبر الاحلام والخيال والمشاعر
المتدفقة وتتعرف على المواقف اللي ممكن الانسان يتعرض لها في حياته ,,
وشلون تحلها واشلون تستمتع بحياتك ولو كانت عادية ,,
شكرا عابر سبيل انك ابحرت فينا بسفينة الاحلام في بحر كله متعة وخيال ومواقف ,,,
|
