بسم الله الرحمن الرحيم
عذرا لاصحاب الاقتباسات . . . .
بما اني قاطعت عالم الكتابه الروحاني
قررت ارجع وانا كلي امل ان تتحرك عضلة مخي بعد ان بدأت بالارتخاء
فـــآصــٌلــًًُـــ؛ـــهــ
غزلان من الحلوه ؟
بيني وبين نفسي اكرر قصيدة الفهيد واقولها لنفسي
انت وين
قاطن فمنفى ظنونك ولا مستوطن يقين
حر منحاز لقرارك [IMG][/IMG]
او
تارجح بين وبين
انت وين
في القصي من اليسار
ولا في اقصى اليمين
متهم بالموت في سكرة حضورك
ولا منسل بغيابك
مثل شعره من عجين
اسمحوا لي اذا كان فيها بيت مش موجود لاني اكتبها من راسي احاول اذكرها
لما كنت صغيره كنت اقول ماراح يجي عمري عشرين الا وانا مسويه انجاز عظيم اخلي الكل يتكلم فيه
امس ايقنت ان شهر 7 بكون 21
وين الانجاز ؟ ؟
صحيح اني اسست عائله صغيره حلوه والف الحمد لله
بس مو الانجاز اللي في بالي
ابي اصير مشهوره
ابي اكون شي من نفسي عشان اقدر نفسي مع الشده تحت الراء في اقدر
وبعدها قلت لما بصير عمري 30
بكون سويت انجاز عظيم
فـــآصــٌلــًًُـــ؛ـــهــ
رد بسيط من اخوي العون في احدى المواضيع
بس حاستي السادسه تقول ان ورا هالرد اسئله كثيره وتعب
لما أطلع فوق بيتنا فوق السطح
فوق بعد شوي اشوف سخافة مشاكل بيتنا
لما ارتفع فوق بعد فوق شوي اشوف سخافة حارتنا
لما ارتفع فوق اكثر اشوف سخافة شعبنا
لما ارتفع فوق اشوف سخافة خليجنا
لما ارتفع اكثر واكثر اشوف سخافة عربنا
لماااا اروح فوووق للقمه اشوف سخافة الناس وسط معجزة الكون
اسأل نفسي . . .
السخافه ابتدت من الناس ووصلت حارتنا لين بيتنا ؟
ولا ابتدت من بيتنا لين حارتنا لين الناس ؟
وهل كل مالواحد ارتفع ووصل للقمه يشوف كل شي سخافه
ياخوفي نوصل لمرحلة الكبر والعياذ بالله
على طاري الكبر ليه بعض الحريم تعتبر الكبر رزه في الاعراس ههههههه والله يكسرون خاطري
مهما تكبرتي يابنت ماراح يصغر خشمج الطويل ولا يكبر عيونج النقط
(( هذا الكلام ليس موجه لأحد ))
فـــآصــٌلــًًُـــ؛ـــهــ
والبقر يبون حشيش
مثل هالردود تحسسني ان الانجاز اللي ذكرته اعلاه لايعد انجاز
احب اقول له التربيه اذا انتهت بالصلاح تعد انجاز
الاعراس
وماادراك مالاعراس
في اعراس الحريم يبين قلب كل امراه
اذا نظيف او لا
في الاعراس تبين الحقائق وتبين النفسيات
ماعادت الالماسات مبهره
ماعادت الفساتين مغريه
كل شي نفس الشي كل شي نفس الشي امس نفس اليوم اليوم نفس بكره
ليــش ؟
فـــآصــٌلــًًُـــ؛ـــهــ
بلاج ماتدرين
ياناس ما أحلى الدعاء
خاطري اتمتى شي عشان ادعي
ابي دعي وادعي وادعي
في جلسة ذكر حنا والعيله
خلصناها وقعد كل واحد منا يدعي
اه ياقلبي شهالشعور
اه ياعالم ودي الكل يحس باللي كنت احس فيه
دعيت بشي استحي اقوله
لو اقول لكم ان هالشي من ضرب المستحيل ماراح تصدقون
انا بنفسي مااصدق لين اليوم
غشاوه صارت في عيون اللي دعيت له وصد عن اللي كنت خايفه منه
ربي حفظه
والله العظيم ربي غير شي كبير كنت احسه مكتوب
(( مارد القضاء الا الدعاء ))
تمعنوا في هالكلمه
يعني مافي شي مستحيل
فاصله محزنه
جيت ابي اهرب منها
جاتني في نومي
ياليته وقفت على الحلم
مشكلتي اتكلم وانا نايمه
وانفضح باللي حولي
الكل عرف انها نقطة ضعفي
متى اموت ؟
الاحراج يخلينا نتمنى هالامنيه الفاشله
فـــآصــٌلــًًُـــ؛ـــهــ
واذا كانت هالمظله غير صالحه للاستعمال
ودي اسافر ابن بطوطه مو احسن مني
ابي اجازه سنتين من حياتي
ابي جزر مابي برج ايفل المصدي
مابي البرج بيزا المايل صج رب ضارة نافعه اخطؤا في بنيانها صارت لها شهره متخلفه !
مابي مصر الشعب الغلبان . . . والخلجاويه يضحكون على غلبتهم !
طرافتهم وخفة دمهم مبنيه على قسوة ظروف !
والخليجي يجي بكرشته المليانه عيش يضحك !
او يغازل خليجيات هناك !
اللي ايده في الماي ....................................
والبــقر يبي حشيش والحشيش يبي مطر
مابي فينا ... انا منحاشه من النامس ناقصه يلحقني هناك
مابي شي
ابي بيتنا القديم
ابي قلب طيب
ابي ازور بيت بدون مااحاسب على كلامي
في نهاية حديثي اعذروني عالثرثره فلا يوجد لدي مااثرثر به هذه الايام غير الثرثره
تحياتي قبل ان تزيد كلماتي
تحيه لابو خالد