صباح الخير
حبيت تفيدوني انا عندي مشروعي باديه فيه من فتره وابي اسوي لي سجل تجاري مع العلم ان شغلي بالبيت يعني مو محتاجه محل
ومحتاجه السجل عشان الاوراق الرسميه للتعاقد مع المحلات
وناويه اسجل المنتج بأسمي وقالو لازم يكون عندي سجل
ارجو تفيدوني كيف الطريقه
وجزيتم كل خير انشاءالله
للأسف : ممنوع في البيت ... لازم محل ويكون كبير ... ويكون الشغل في المحل.
عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم .
My fellow Qataris, ask not what your country can do for you -- ask what can you do for your country
الليث اﻷزرق - bluelion
ليييييييييييش طيب
جزاك الله خير اخوي
اللي اعرفه ان السجل التجاري وبطاقة قيد المنشاة تطلعهم قبل لاتفتح المحل
المحل يجون يفتشون عليه في حالة طلب عمال من وزارة العمل
هذا والعلم عند الله
حبيبتي روحي وزارة الاقتصاد الدور الاول بيفدونج اكثر واكثر
واللي أعرفه انه لازم عقد ايجار قبل السجل... إذا ما غيروا الطريقة.
عجبا لأمر المؤمن إن أمره كله خير ، وليس ذاك لأحد إلا للمؤمن ؛ إن أصابته سرّاء شكر ؛ فكان خيراً له ، وإن أصابته ضرّاء صبر ؛ فكان خيراً له . رواه مسلم .
My fellow Qataris, ask not what your country can do for you -- ask what can you do for your country
الليث اﻷزرق - bluelion
الرخصه التجاريه هي اللي يطلبون فيها المحل
يعني تقدرين تطلعين سجل تجاري بدون لايكون عندج محل
وبالتوفيق
الله يعينج من الحين
ونصيحه لاتسوين اي خطوه قبل لا تتأكدين من الجهات كلها
1- وزارة الاقتصاد وطبعا تقدمين على السجل التجاري تروحين انتي وبطاقتج الشخصيه هم يحددون ويفيدونج وطبعا يتم اختيار الاسم وراس المال ونوع النشاط المطلوب وكله بحسابه
راح يكون في طلب تعبينه نصيحه في السجل التجاري حاولي تكونين دقيقه في نوع النشاط والمعلومات الي انتي تبينها لانه اي تعديل او تغير راح يكون بـ 500 ريال واضافه اي نشاط طبعاعلى حسب كل نشاط بسعر معين
2- غرفة وتجارة قطر طبعا السجل ما يعطونج اياه الا تكونين دافعه رسوم الغرفه وطبعا على اساس راس المال ونوع النشاط راح يدفعونج وممكن تختارين علامة تجاريه تصدقينها عندهم خلاص تكون لج محد يقدر يقلدها
3- البلدية قسم الرخص التجاريه على اساسها تقدرين تزاولين نشاطج وفي المكان المطلوب وبالرخصه التجاريه وطبعا الاوراق المطلوبه
- عقد اجار
- صورة من السجل التجاري
- صورة من بطاقة المرخص له
- صورة من لوحة المحل او النشاط
- صورة من رخصة الاعلان عبارة عن رخصة للوحه تاخذين الموافقه على القياسات وتصورين المكان المطلوب تحطين اللوحه التجارية الي هم يوافقون عليها على حسب المواصفات المطلوبه وطبعا تقدمين عليها او تخلصينها قبل لاتقدمين على الرخصه التجاريه وطبعا في البلديه نفسها
ملاحظه تروحين تراجعين البلديه الي انتي تابعه لها او التابعه لمنطقتج وخذي منهم الافاده كامله
4- الجوازات تقدمين على طلب قيد المنشأة وطبعا طلب يتعبا وفيه اسم الشركه واسم المخول وختم الشركه طبعا تختارين لج ختم معين وفيه اسم الشركه وتختمين الطلب وقيد المنشأة عباره عن بطاقة شخصية للشركه
تقدرين على اساسها تجيبين عمال وتقدمين على اي خدمة تبينها من خلال هل البطاقه
الاوراق المطلوبه
- صورة من السجل التجاري
- صورة من الرخصه التجاريه مصدقه بختم من البلديه
- صورة من البطاقة الشخصيه
ملاحظه : طبعا اي جهه تروحين لها حاولي تسألين وتاخذين المعلومات والطلبات كلها وشوفيها زين
وادرسيها عدل لانه ممكن اي ورقه تعطل امورج كلها
وبالتوفيق ان شاء الله
ولا تنسيني بالدعاء
اخوج بوحميد
انا عند سجل بس منتهي اقدر اجدده بدون محل بس ابيه عندي
مشكووووورين افدتوني الله يجزاكم خير
وبالتوفيق لصاحبة الموضوع
ضوابط المشاركة
رد مع اقتباس