سفرتي الى السعوديه ( وصور لبرج ايفل ) =>
::السلام عليكم ورحمة الله وبركاته ::
شحالكم كلكم ان شاء الله طيبين
سافرت يوم الثلاثاء الماضي الى KSA
وهذا تقرير كامل بالصور اتمنى انه يعجبكم
وسالفة برج ايفل بتفهمونها بالنهايه
بسم الله نبدأ
مشينا يوم الثلاثاء الساعه 2 الظهر
ووصلنا الساعه 4 تقريبا واول مستقبل لنا هناك كان الذبان
كانوا مسوين كرك وانا ابغي اشرب ومافيه فايده الذبان لعوزني
يعني ترفعون عينكم شوي عن القلاص تردون تبون تشربونه الا فيه كومه من الذباب تسبح في قلاص الكرك على بالهم بحر سيلين
بالليل طلعت عدة التسليه
موديه معاي مونوبولي + اونو + اكل حق الزط
المونوبولي من زمان مالعبتها لعبنا وقعدنا نخربط موب فاهمين شالطبخه نحاول نتذكر بس مافيه فايده
عقبها فرينا عالاونو لانها اسهل ونعرف لها
المهم
في صباح اليوم التالي ( يوم الاربعاء )
اقتحم المخيم عقرب صفراء وتم قتلهاوانا مالحقت اشوفها الا وهي ميته وقلت لازم اصورها .. زين اني ماشفتها وهي حيه عادي يودوني مستشفى المجانين
وبعد هالصور قلت قومي ياشمعه سوي لج كرك .. بس علشان يعرف بوحارب انه في ناس يعرفون يسوون كرك احسن منه
طبعا جو الصبح كان حلو ومافيه اي شي
امبلى فيه منغص معانا دائما وابدا وموب تارك لنا مجال نرتاح منه الا وهو الذبان
جا الظهر وكان الجو حر صراحه على بالي ان الجو بيكون حلو وبارد
عاد اللي متسدح تحت الدكه ( الدجه ) واللي متسدح في ظلال الخيمه
والذبان يحوم حوالينا وملعوزنا
تقريبا من الساعه 12 لين 2 هالوقت مايعجبني كلش
بس قبل هالوقت وعقبه الجو حلوو وفيه هواء بارد
العصر تقهوينا وطلعنا صوب الطعوس
وهذي بعض الصور :: ومن اقرب الصور لي ::
وهذي صورة الطياره صورتها يوم رجعنا المخيم حق غير البشر
وبالليل
صورت لكم البارد عقب العشاء
بليييييز لحد يرد لين مااكمل التقرير
انطروني بالجزء الثاني
|
رد مع اقتباس
المشاركة الأصلية كتبت بواسطة سداوي&مدريدي
