المشاركة الأصلية كتبت بواسطة honey_uk
السلام عليكم ..
قبل لا اعلق ابي اسئل ( لى اي اساس قلت انه حطم جميع التلفونات السابقة كلها
واللي غطا على البلاك بري واي فون )
نرجع للموضوع نفسه
التلفون اسمه نيكسس ١
صناعه شركه اج تي سي (وعليه علامه قوقل)
بالنسبه للتلفون كـ مواصفات ماعليه كلام .. سرعه البروسيسور و الشاشه و خفيف وباقي الاشياء العاديه مثل البلوتوث ... كيمرا ٥ ميجا بكسل ... إلخ إلخ
نجي للمقارنه بينه وبين الايفون
الايفون يجي من الشركه معرب ... له برامج وألعاب وايد ... سهل الاستخدام ... السوفتوير اللي فيه خالي من المشاكل ... حساسيه اللمس افضل من النكسس ١ ... استجابه الجهاز للاوامر وللكتابه افضل بكثير وأدق
نجي للـنكسس ١
مافيه عربي ولتنزيل العربي لازم تعمل كراك للجهاز (يروح الضمان بعد هالحركه) وتنزل العربي طبعاً قرايه وكتابه وفيه مشاكل وايد في بعض المواقع مايقرى الخطوط وماشابه
الشاشه حلوه كـ ألوان واضاءه لكن كـ شاشه لمس تعيسه ... ماتستجيب للمس بدقه مثل الايفون وإمكانيه الغلط فالكتابه اكثر من الايفون لهالسبب.
نظام التشغيل سيء ولو تشغل اكثر من برنامج في نفس الوقت البطاريه تفضي بسرعه خاصةً اذا كان البرنامج له علاقه بالانترنت (يعني لازم بنفسك تسكر البرنامج مايسكر من نفسه )
في عيوب وايد الجهاز وانا شريته على اساس انه هو الـ جهاز اللي بيكون احسن من الايفون بس مثل ماقال ابو راشد بدري عليه يغطي على الايفون
للعلم ... التلفون له برامج بس مهب وايد وأكثرها ماتدعم النكسس ١
نصيحتي ( الايفون افضل بكثير بغض النظر عن المواصفات ) وانا اقولك كلامي من تجربه و التلفون ماتم عندي اسبوع ٤ ايام وبعته على واحد كان بيطلب
ورجعت للأيفون ٣ جي إس
================
ادري ماجبنا طاري البلاك بيري بس البلاكبيري جهاز غير كلش عن هالاثنين وانا عن نفسي استعمل الايفون + البلاكبيري (للشغل)
والسلام ختاااااااااااام واسمحولي طولت عليكم
ضوابط المشاركة
رد مع اقتباس