احلى قصة لحد الانصباح الخير عليكم جميعاً
بالنسبة لي انا بتكلم عن نفسي
انا بديت سنة 2002 مع الاسهم وماعندي الا راتبي
فكنت اسمع النصيحة من البعض ، اذا الشركة زينه او مب زينه خااااااااصة انها مب حرام
فكنت مافوت الاكتتاب واكتتب بأسمي وزوجتي وعيالي ، اما شراء البطاقات حاشا لله ماشريت ولا لي رغبة فيها ابداً
والحمدلله اكتتب باللمت آب سواء من رصيدي او تمويل البنك (اسلامي) لحد يقول ربا
وفي 2004 نصحني احد الاخوان اللي يجزاه خير في شراء بيت شعبي قديم ومساحته حلوة وسعرة 450000 ريال
وكان عندي هالمبلغ في البورصة للأسف وكانت البورصة في عزها فخفت اخسر فلوسي ، فشريتها عن طريق البنك عطيتهم 50 الف والباقي اقساط على ظهري يابلفيت ذكي ولمدة 5 سنوات
المهم اول سنة أجرته بنص سعر القسط !! شسوي جديييد على ساحة العقار وذاك الوقت كان طايح الأجار
السنة الثانية بدت الطفرة تقريباً واجرته بأكثر من قيمة القسط بألف كان القسط 8000 والأجار 9000
والحمدلله تمت الشركة لثلاث سنوات
ركزتوا ؟؟ باااااقيلي سنة على القسط في البنك ويخلص
المهم الله وفقني وجاني القص (التثمين) بـ 2 مليون ونص .... اذكروا الله
وسددت باقي السلفة ولله الحمد وشريت ارض وقت الغلا وناوي ابنيها
وشريت فيلا واستفدت من اجارها سنة وبعتها
وحاليا املك هالأرض وناوي ابنيها بفلوس البورصة اللي قلقصتها ومابقى غير 500 الف
و 2 مليون كاش وناوي اشتري ارضين وابني فيلتين ايضاً يا بأجرهم او ابيعهم
والحمدلله الحين ماعلي الا سلفة السيارة وسلفة الدوام فقط
مع العلم اني ولله الحمد ماكنت اقصر لافي حقي ولا حق هلي وكل سنة مسافر وفاااااال عمري فللل فعلاً الواحد يمر بصعوبات ولكن ربكم يحلها لا تسكرت
هذي قصتي من الراتب اليييييييين ما انا عليه الآن
الخلاصة
1- لاتفكر انك تربح بسرعة ، لأن الدرج لو تمشي عليه درجه درجه بتوصل لكن لاشقحتهم بتتعثر من نص الطريق
2- التركيز على الحلال قبل الحرام
3- الاعمال والمشاريع الخيرية تفتح لك ابواب الرزق من رب العالمين
4- لاتقصر على نفسك وعيالك وزوجتك ولاتعور راسك وروسهم بتجارتك ، كل شي عطه حقه
5- تصفية النية + الهدف + الرغبة + القناعة ... بهالأربع صدقني بتوصل للمستحيل
هذي قصتي بشكل سريع من الصفر الى ما انا عليه
صحيح انه فاتتني فرص كثيييييرة لكن راضي بما اعطاني الله والحمدلله على كل حال
وااااااسف عالإطالة
شكراً