ما شاء الله عليك يا سايلنت و بقية العرباويين و الريانيين...
( قلوبكم بتطلع من حلوجكم..
كله عشان 3 نقاط..مَلَكيّة...
للبقاء في المربع!!!)
بدون زعل..اشوف نادي الغرافة بيفوز بهالقضية..
من بركات مكتب ( احمد يكيكي) للمحاماة الرياضية!
اللي جايب لنا دستة قوانين
و اللي جايب صورة بطاقة اللاعب
و شأصله و فصله و تاريخ ميلاده..
هذي في ارقبة ناصر الهتمي اللي سوالنا هالسوالف
و محاكم و قضايا..احنا شاردين من لوثة البورصة و العقارات
و الخساير و المحاكم..تلحقنا لين الملاعب و الكورة..
المهم..كان نادي قطر..بيحط مكتب /طلال بو غزالة
للقانون الدولي..للترافع عنه بالذات في هالقضية...
بعد طلب دعم و مؤازرة من الزعامة..نادي السد...
لان النتايج في كل الحالات تهمة و بشكل رئيسي تمسّه!
لكن..بعد كلام خبيرنا الجديد..
و القطراوي العتيج..سهم عتيج..
و تأكيدات خطاف و سايلنت..ان القضية في
راس..(راس اغليص)..احد الشخصيات باتحاد الكورة!
سيتم الاستغناء مؤقتا عن خدمات /طلال بو غزاله..
في انتظار ان يحل (المجلس!!!)
اقصد..مجلس الخبراء في شارعنا الرياضي..
مشكلة (الكمبيوتر) العَوَي!
ليش..يا ترا..
و هل كيف..
و بأمر من
و غصب(ن) عن من...
يتم اصدار بطاقتين قيد رسميتين
لنفس اللاعب و في نفس الموسم..
ننتظر الاجابة الشافية..
و من بعدها...
نعاود المرافعات..
نتمنى من فريق محامي الادعاء ( احمد يكيكي )
ان يوصون موكليهم و انديتهم..
التركيز ع اللعب
في الملعب و اخذ النقاط
باقدام اللعيبة
موب من مكاتب المحامين و الاعيب القانونيين..
و مطلب من محامي الدفاع
(سهم عتيج و طلال بو غزاله)
التجهيز لقضية جديدة ..
هالمرة..مع السداوية..