أخوي جاجاسم
الحين لو معطي اشارة وبتصف عشان واحد بيطلع وتوك بس واقف الا واحده وراك اتهرن مثل المجنونه تبيك تتحرك بس لانك بتصف تنتظر تنزل من السيارة وتقول صف على جنب بلا هبل
اشلون ارد عليها
وفعلا صفيت على جنب بس مارديت عليها حنا في سوق ايش بقولها ورجاجيل حولنا وخصوصا قاطه الشيلة يعني مب مستحية صوتها يطلع
وراحت وصفت ونزلت السوق وانا اطالعها مو قادرة اسوي شي حنا في مكان عام وعيب يطلع صوتي
بس فعلا تضايقت من مسبتها
اشلون كنت اتصرف معاها
واحد من الربع عليه مخالفات 16 الف ريال وشالوها الجماعه من السستم هي ونقاطها مع كرت اعتذار لسماحته
واعرفه معرفه شخصيه
اخوي جاسم ما رديت على الاسئله اللي حطيتها في الموضوع ..
ممكن تعطينا ويه شوي
تقبل تحياتي
(( لا تجادل الاحمق فقد يخطئ الناس في التفريق بينكما ))
من اقول : مارتن لوثر
لي وجهة نظر يمكن وايد يقاسموني الراي فيها بعض رجال المرور الله يهديهم الي تلقى ماله رفيج وقايم حق الدوام من الصبح محضر في المركز ووده ياخذ الدوريه عشان يمارس سلطته بشكل مرض نفسي ويكلمك كانه مدرس وانت تلميذ ووده تترجاه عشان يمشيك مع ان عندك العذر هذا تلقاه غير مثقف ماله ربع يعني على قولتنا ماله رفيج خيس نفس يحس انه عميد وهو حاط خيط محلط وفي الاخير يوم يخالف انجليزي ايقولك ترجملي وش يقول ؟ هل هذا مؤهل يحكم على الموقف اذا انا غلطان ولا لا ؟
على فكره الموضوع انه احسه على البيئه الي عاش فيها تلقى واحد يمر ويشوفك واقف يقول يالطيب حرك تقول له عيوني الغالي بس واحد ماتواعي الا كانه ..... في مولد حرك حرك يصرخ عليك ترى يا جماعه والله تفرق في التربيه الي خذها الشخص والله مرات من ويهه يبين .... مره واحد في المرور كان برتبة رقيب يعني مو ضابط وخيس نفس ويكلمك كانه يطالبك شيء ويوم صار ضابط اعتقد يليق عليه اسم فرعون اعوذ بالله يحس انه فوق السحاب او انه صار هتلر رحت له في موضوع عادي سفه لي دشيت عن العقيد وقلت له السالفه طلبه وهو واقف وانه قاعد وخلص الموضوع خخخخخ هههه احراج