استفسار / عن بطاقه الشراء في النت

[FAUCHON]

السلام عليكم ورحمه الله وبركاته


حبيت استفسر

وين اقدر اطلع بطاقه اشتري منها في النت يعني مثلا احط فيها مبلغ واشتري ولما يخلص ارجع اعبيها ..


في حل غير الفيزا ؟؟


ياليت اللي عنده فكره يفيدني


احترامي

[BeYoNd]

احسن بطاقة بطاقة المجموعة وانا تعاملت معاهم

[مالي ومال الناس]

اخذ نصيحة اخوك وصدقني بتحس براحة بال وبتدعي لي

روح للمصرف واطلب منه بطاقة هديتي مسبقة الدفع , تاخذها في الحال مثل كرت الهلا

وتشتغل على النت والبطاقة فئات 100 , 250 , 500 , 750 , 1000 , لين 5000

بدون رسوم سنوية ولا شي , والبطاقة مجرد تخلص القيمة اللي فيها تحذفها

وفالك التوفيق

[s4qatar]

أيضاً بطاقة بنك الدوحة المسماه ( Click ) مسبقة الدفع وممتازة وأنا أستخدمها

[الحجاجي]

كل البنوك تقدم بطاقة فيزا خاصة بالشراء من الأنترنت ..

الأنسب تشوف البنك اللي انت فيه وتاخذ عن طريقهم احسن لك

والسبب تقدر تحول من حسابك الجاري
في أي وقت

إلى حساب بطاقة الأنترنت ..

بدال ما تروح بالطريقة العادية للبنك
وتودع المبلغ في البطاقة وتنطر كم يوم لين ينزل المبلغ ..

/

جربت المجموعـــة ممتازة
ولكن عيبها انك لازم تروح المجموعة عشان تودع المبلغ ..
وما عندهم على ما أظن موقع تقدر تدخل منه تشيك على المبيعات
وكم باقي في البطاقة وهالشكل ..

/

جربت بطاقة بنك الدوحة القديمه اسمها ويب سيرف
كانت ممتازة ورائعــة ..

وحالياً تغيرت إلى بطاقة بنك الدوحة click
وازيد رصيدها من الحاسب الجاري ..
وفيه موقع تدخل اشيك على الرصيد والمخصوم والخ ...
/

جربت بطاقة بنك العربي
فيها نفس الخدمات المذكورة
تحول من رصيد حسابك الجاري وتحط لمت معين لبطاقة فيزا النت
وفيه موقع تتابع الرصيد ..

/

جربت بطاقة بنك QNB
وفيها نفس الخدمات اللي فوق ..


ولكن عيب البطاقات اللي فوق كلها
بعضها ما تقدر تشتري فيها من كل موقع ..
مثل مواقع الأتصالات والخ ..
والسبب انها من الدوحــــــــة ..

فكان هالشيء مسبب لي ازمــة ..

لذلك ..
عندي بطاقة فيزا من بنك امريكي ( تشتغل بكل المواقع واقوى )
وادخل اشيك عليها عن طريق النت
والأيداع يتم عبر حواله بنكيه ..

وأيضاً حق الشغلات البسيطة الداخلية
بطاقة click لبنك الدوحــــــــــــــة ..


عيب البطاقات كلها
هو تأخير ادخال او ايداع المبلغ للبطاقة ..
يعني اذا البطاقة رصيدها زيرو
صعب تحط فيها بنفس الوقت فلوس ..


اتمنى اكون افدت الجميع

كل الود

[FAUCHON]

احسن بطاقة بطاقة المجموعة وانا تعاملت معاهم

اخوووي ياليت تعطيني تفاصيل اكثر

[FAUCHON]

اخذ نصيحة اخوك وصدقني بتحس براحة بال وبتدعي لي

روح للمصرف واطلب منه بطاقة هديتي مسبقة الدفع , تاخذها في الحال مثل كرت الهلا

وتشتغل على النت والبطاقة فئات 100 , 250 , 500 , 750 , 1000 , لين 5000

بدون رسوم سنوية ولا شي , والبطاقة مجرد تخلص القيمة اللي فيها تحذفها

وفالك التوفيق

جزاااك الله خير اخووي

بس حبيت اسالك حتى لو ماكنت موظفه وماعندي راتب عندهم

بس عندي حساب توفير ؟؟


وف نفس الوقت تطلع ؟


ارجو الرد ولاهنت

[FAUCHON]

تسلموووووون كلكم اشكركم على التواصل ..~

[الراقيه سبشل]

اخذ نصيحة اخوك وصدقني بتحس براحة بال وبتدعي لي

روح للمصرف واطلب منه بطاقة هديتي مسبقة الدفع , تاخذها في الحال مثل كرت الهلا

وتشتغل على النت والبطاقة فئات 100 , 250 , 500 , 750 , 1000 , لين 5000

بدون رسوم سنوية ولا شي , والبطاقة مجرد تخلص القيمة اللي فيها تحذفها

وفالك التوفيق

سهلت علي وايد

جزاك الله كل خير

[مالي ومال الناس]

جزاااك الله خير اخووي

بس حبيت اسالك حتى لو ماكنت موظفه وماعندي راتب عندهم

بس عندي حساب توفير ؟؟


وف نفس الوقت تطلع ؟


ارجو الرد ولاهنت

اي واحد يقدر يشتريها ولو ماعنده حساب اصلاً او موظف , مثل كرت الهلا تاخذه وانت واقف وتصرف في الحال