لحضة من فضللك ؟ مجرد اقتراح ؟

[رحال]

كثر الحديث عن خروج الموظفين الى سوق الدوحة للاوراق المالية ، أو حتى اذا لم يخرج يكون
مشغولا مع تقلبات الا سهم من أثر الصعود والهبوط ؟

ماهو رأ يكم لو كان :

1- يفتح السوق من الساعة الرابعة حتى الساعة السادسة والنصف مساء

2- بهذه الحالة تكون الشريحة أ كبر من حيث المتعاملين مع السوق

3- حل مشكلة مواقف السيارات على اعتبار أن البنوك معطلة في هذا الوقت

والساحة فاضية وحل مشكلت تكاسل بعض المستثمرين

4- تكون فترة تجربة للدراسة وأخذ الرأي لمدة 3 أ شهر

مجرد اقتراح وأنتظر الرد وسلا متكم ،،،

[قطري]

حسب علمي ان الموضوع تحت الدراسة في ادارة السوق
بو عبدالرحمن لو يفتحو التداول عن طريق النت راح تنحل
كل هذه المشاكل وكل واحد ياخذ حقه
شكراً

[roadrunner]

السلام عليكم.

إقترح حلو ... بس المشكلة ... وقت صلاة المغرب .. كم شخص بيصلي؟؟؟

[قناص قطر]

ملاحظه تم طرحها على مدير السوق

وقام بفتح السوق من الساعه 8 ونص الى 12 ومن ثم رجع مره اخرى على نفس النمط

وعلى كلامهم ماينفع تفتح السوق العصر مادري نظريتهم الى هذه المعادله صعبه اشوي


اخيرا احمد ربك انك مب في مؤسسة البترول

هناك قرارات صارمه

1- اذا حد شافك اثناء الدوام وانت بالسوق ؟؟؟؟؟؟؟؟؟؟

2- ماتقدر تدخل على السوق وانت بمقر عملك

ولله الحمد

[رحال]

مشكورين على الرد والتجاوب السريع ؟

لكن تذكرت 000 اذا فتح السوق الساعة 4 العصر ماراح نشوف حد يمشي
على الكرنيش معناتها بنمتن ونكرش ويصير الواحد فينا كأنه حاط بكشة دوبي
في بطنه 000 ( مزحه )

[قطري]

ههههههههههه
ولا حد بيشوف خزز :d

[سوبر سهم]

هههههههههههههههههه
خزز اي والله محد بيشوفه

لكن اقتراح حلو والله على الاقل تجربة لشهرين

ليش مايفكرون فيها؟

نتمنى..............

[بورصة مان]

البورصات العالمية تفتح اقل شي 12 من 9صباحا الى 9 مساء وكل واحد بيبع ويشتري في الوقت الي يناسبة او عن طريق النت

[الغشمري]

السلام عليكم
اشكرك اخوي عبدالرحمن
صرااااااااحة انا اتمنى بان يكون على فترتين يعني على الاقل لاسباب كثيرة يعني

يعني يفتح السوق من الرابعة حتى السادسة مناسبة جدا

أو تمديد الفترة حتى الساعة الثالثة عصراً ويكون اكثر الموظفين يعني طالعين من الدوام ويتغدون في سوق الاوراق المالية

بس الاريح هو تمديد الفترة يعني عشان الوحد يطلع الساعة 3 العصر ويروح ياخذ له قيلوله وهو مرتاح البال

[قناص قطر]

هل تتوقعون ان زيادة ساعات عمل البورصه في مصلحة المستثمر

من الممكن زيادة ساعات الدوام او الفترة تضر بالسوق

من ناحية العرض والطلب والزياده

يعني اذا كانت باليوم تطلع 10% بتصير 20% على فترتين وتخيل مدى الخطورة

اما اذا قسم اليوم على 5% فترة صباحية و 5% فترة مسائية السوق ماراح يتحرك

اعتقد ان الفترة الحالية مناسبة جدا

هذا مجرد رأي محد يزعل مني

والله الموفق