المشاركة الأصلية كتبت بواسطة المجروح
انا صارلي سنتين ادرس في امريكا وزرت تقريبا امريكا بالكامل وكله بالسياره
نيويورك مكان ان زرته يا انك اتحبه وايد او تكرها بالمره يعني مافي نص نص
انا ما حبيت نيويورك ما احس بالراحه فيها احس اني مظغوط ودايما مرتبك وخصوصا لمن تطلع وتتمشى بسيارتك وعليهم بزحمه في شوارعهم بل بل بل يعني باختصار لاتفكر ان تيويورك عليهم بالهشوارع المرتبه والمنظمه نووووو. بس التايمز سكوير مكان وايد حلو يخليك تنبهر وتقول يبيلنا مثل هالشارع في قطر .
عندك اماكن قريبه اتروحلها بالسياره من نيويورك عندك واشنطن دي سي وتقدر في واشنطن اتزور وايد اماكن وتحفظ شوارعها في يوم واحد وفيها الكونقرس والبيت الابيض ووااايد متاحف عندهم وال m street وعندهم مجمع اسمه تايسون
وتقدر تروح ( بوستن ) انا حبيت بوستن مكان مرتب ومحترم بس هالمدينه الوحيده الي في امريكا تعطيك احساس انك في اوروبا.
عندك مدينه اسمها philadelphia طبعا المدينه كبيره وراقيه وفيها اظن ثاني اكبر مجمع في امريكا بس ناسي اسمه
وفي مدينه اسمها atlantic city هالمكاان حلوو حبيته وايد وهم هالمكان يسوون فيه بعض الافلام الامريكيه مدينه على البحر صغيره بس راقيه واتشوف فيها عايلات امريكيه وايد
ما اظن فيها شي الواحد يسويه بس انك تمشي في شوارعها تستانس
طبعا هالاماكن كله بالسياره من ساعتين لين 4 ساعات
وبالنسبه لي انا احسن مكان رحته وحسيت بالراحه والوناسه والجو العجيب والشوارع المرتبه والناس الطيبين حصلته في اورلاندو في فلوريدا ( لان هالمكان استانست فيه اكثر من كل الولايات الي رحتها)
واخر شي بغيت اقولك لمن اتروح تنزل مطارهم بتتظايق من طريقة تعاملهم بالمطار بس لاتهتم الي يقولونلك سوه بس تطلع من المطار بتشوف شي ثاني تعامل الناس شي غريييب ما عندهم هاي عربي او اي تمييز عنصري يعاملونك احسن من ما يعاملون الامريكان ويخدمونك لين ما اتقولهم خلاااص وخصوصا المدن الصغيره والهاديه اتحصل ناسهم احسن ( وابتعد عن العرب الي يشتغلون في امريكا ) لان بعضهم نواياهم مب طيبه تعامل مع الامريكان بس
انا احترم الصراحه هالشعب الي تميت سنتين ما شفت منهم الا كل خير وطيبين
امس طلعت من شقتي ابي اروح الجامعه كان عندي كيس زباله الله يعزكم وابي اقطه في درام الزباله مر علي امريكي قالي "تبي اتقطه بالدرام" قتله اي جان سحب الزباله من يدي قالي انا رايح شقتي بقطها لك انت روح الجامعه قتله لا عادي كلها دقيقه لين الدرام قالي "انا شقتي عند درام الدرام بقطها لك". ( هاي مثال من الامثله الي اتمر علي دايما)
احنا لو انييب كلمة زباله انقول الله يعزكم مسكين هالامريكي شال الكيس بخياسه ههههه
رد مع اقتباس
) ..