.. " الرابـــح الأ كبـــر" .. بقيادة .. كازانوفا .. ع .م .. رذاذ .. تحداني الزمن

[تحداني]

يعطيكم العافيه يارب .. وانا عارفه ان العتاب كبير والتقصير مني كثير
بالرغم ان ودي اعطي وودي اكتب اكثر .. وودي ارد على كل تعليق ومداخله
بس سامحوني واعذروني


خلونا اشوي انسولف .. وناخذ راي بعض في بعض الاشياء الي مازالت الاسئله حولها متكرره
ومازالت الفكره الرئيسيه غائبه ..


الحميات الغذائيه والرجيم والنظام الغذائي
مو معناه ابدا ان هناك قوائم جاهزه .. وهالقوائم الا نمشي عليها بالضبط والكل راح ينزل 5 او 6 او 10 كيلو في الشهر .. ولا هي عباره عن سحر عجيب غريب يغير كل ملامح الجسم

الانظمه الغذائيه عباره عن طريقه من الطرق الي تساعد الانسان على اختيار اطعمته
بمعنى لما اقول سلطه مع خل ما يعني ما احط عليه اشوي ملح
ولما نقول دجاج مشوي مو معناه بدون خضار
ولما نقول شوربه مو معناه بدون مشروم


الانظمه الغذائيه بالرغم من كرهي لها الا اعتبرها طريقه ممكن نستخدمها في بدايه الدخول في الحميات الغذائيه على الاقل تعلمني نوعيه الاطعمه .. تعلمني الكميه .. تعلمني معنى الحصه والكميه .. والملعقه ... ووو


فليس كل الانظمه الغذائيه هي انظمه غذائيه تستحق ان نتعب انفسنا عليها
ونتعب نفسيتنا ايضا

عن نفسي صعب اتقيد فيها .. ولا اتقبل فكره اعداد ذهني ان بكره راح اكل هالشي وهالشي
ابدا .. لكن لو تعلمت اشلون اكل .. ولو تعلمت اشلون اجهز الاكل .. اتوقع راح اتكون النتائج رائعه اكثر



يتبع

[تحداني]

من زمان اسوي دايت ورجيم وامخففه اكل ولا ضعفت ؟؟ شسالفه يا تحداني
تعالوا خل نقرى ايش كلت .. وايش سوت .. وشنو نوعيه الاكل :


تقول يا تحداني اليوم فطرت ..
توستين " اسمر "
شريحتين جبن " قليل الدسم "
نسكافيه مع كوفي ميت مرتين بمعدل كوبين اكبار
وحبه تفاحه عشان بشرتي


الظهر يا تحداني
بس كلت فخذ دجاج
مع اشويه " عيش " هالاشويه اشكثر طيب ؟؟ اشويه يعني نص الصحن
وكلت بعد سلطه ..
وكلت 3 حبات تمر مع لبن قليل الدسم


العشى يا تحداني وااايد كان خفيف
شنو طيب

توستين
مع لبنه بينار نص العلبه الاصغيره
اشويه زيت زيتون
واشويه زيتون
واشويه زعتر
وبرتقاله عشان اهضم الاكل


واخر الليل راح اخاطري في جيس كيك قطعه اصغيرونه


الحين هاي مب رجيم
والله رجيم وامخففه


اشرايكم يا اخواني وخواتي هاي رجيم ولا شنو ؟؟



بعد هالقائمه الخفيفه من الاكل هل يستحق الموقف كل هالعلامات من الدهشه والاستغراب ؟؟
اتقول لكم ليش ما ضعفت ؟؟ صح ليش ما اضعفت .؟؟
اتقول انها خففت وايد ؟؟ يا ترى شنو كانت تاكل قبل ؟؟


تعالوا خل نحل موضوع صديقه تحداني الزمن

جملكم الله برضاه

[مرتبش]

مرحبا كابتن تحداني الزمن
بالنسبة لرجيم صديقتج....لو
بس ماكلت الشيز كيك وخففت اللبنة الى ملعقة او ثنتين بدل نص العلبة ..او استعمال خفيفة الدسم
الشيزكيك ثقيل لان الجبن به كمية كبيرة من الدهون.. كان الامور بتكون معقولة في نظري

طيب هذا في صوب وليش مافي رياضة..الرياضة كانت ممكن تعادل الموضوع.

وفي النهاية كله يعتمد على الوزن الحالي والطول ..الرجيم الصحي اللي الخبراء ينصحون فيه دايما..هو تقليل السعرات اليومية بين 500 و 1000 سعرة لا اكثر لان التقليل الشديد يضر الجسم ويعوده على استهلاك سعرات اقل بتقليل عملية الايض..

انتي شنو رايج في رجميها؟

[تحداني]

مرحبا كابتن تحداني الزمن
بالنسبة لرجيم صديقتج....لو
بس ماكلت الشيز كيك وخففت اللبنة الى ملعقة او ثنتين بدل نص العلبة ..او استعمال خفيفة الدسم
الشيزكيك ثقيل لان الجبن به كمية كبيرة من الدهون.. كان الامور بتكون معقولة في نظري

طيب هذا في صوب وليش مافي رياضة..الرياضة كانت ممكن تعادل الموضوع.

وفي النهاية كله يعتمد على الوزن الحالي والطول ..الرجيم الصحي اللي الخبراء ينصحون فيه دايما..هو تقليل السعرات اليومية بين 500 و 1000 سعرة لا اكثر لان التقليل الشديد يضر الجسم ويعوده على استهلاك سعرات اقل بتقليل عملية الايض..

انتي شنو رايج في رجميها؟

انا ما اشوف انه رجيم
هاي كارثه غذائيه في حق الوزن على الميزان
حطمت كل الارقام العالميه في السعرات الحراريه


لا يا مرتبش يا اخوي عيد الحسابات من جديد
انت هالاشياء ما اتمر عليك مرور الكرام

الرياضه مشطوبه ما عندها وقت .. واريولها اتعورها وايد
واتقول خل انزل اشوي بعدين افكر ما اقدر امشي على وزن زايد


انت اشرايك الحين ؟؟



جملك الله برضاه

[مرتبش]

كم وزنها وطولها وعمرها
تقريبا ..
ونحسبها..

[مرتبش]

نحسبها عالسريع
للريوق : 160 + 100+ 240 + 60 = 560 سعرة
للغدا : 220 -330 لفخذ الدجاج + 160 لكوبين عيش تقدير نص الصحن +0 للسلطة الخضراء + تمر 60+ لبن كوب 120 = 560-670 سعرة

العشا : 160 التوست +ملعقة كبيرة زيت زيتون 135 + زيتون 10 حبات 45 سعرة + زعتر كمية قليلة نتغاضى عنها + برتقالة 60 سعرة = 400 سعرة
هذا بدون اللبنة والشيز كيك
تقريبا 560 +(560-670)+400 =1520 الى 1630 سعرة
نص العلبة الصغيرة 104 سعرات
والشيزكيك تقدير للحجم قطعة صغيرة 300 سعرة
كما ترين اختي الكريمة لو بس الغت الشيز كيك وقللت اللبنة مثل ماقلت مسبقا فبتكون سعراتها لليوم حوالي 1600-1700 سعرة

واعتمادا على وزنها وطولها اتوقع تحتاج يوميا اكثر من 1700
مثلا لطول 160 سم ووزن 80 ستحتاج الى 1800 سعرة تقريبا
ووزن 90 وطول 165 ستحتاج 1940 سعرة تقريبا يوميا

يعني شوي اقل مماتحتاجه وممكن تعدل شوي ويصير الرجيم مضبوط مية مية..تلغي شريحة جبن وقهوة وحدة وتسبتدلها باي مشروب عشبي مثلا شاي اخضر وللغدا بدل فخذ دجاجة تتناول لحم اقل دسومة مثل صدر الدجاج والعيش يتقلل الى كوب..