يامثيره حس شاعـر والمشاعـر تستثـار
سحر طيفك يامثيـره للمشاعـر يستثيـر
كل جامد في مسيـرك ايتحـوّل لاانصهـار
وايتجمّد لو لمستـي بيـدّك اليـم الغزيـر
لو يشوفك ابن عازر يسلم ابنـاء العـزار
وكل راهب بالكنائس لو يشوفـك يستخيـر
كل وصف(ن) بالقصايد من وصوفك يستعار
ياللي وصفك في عيوني ماله أشباه ونظير
وكل ورده في حضورك تنتشي عطرك تغار
انتي أصلا ً عطرك أصبح ينتقل عبر الأثيـر
انتي انتي يامثيره سـلاح شامـل بالدمـار
في جمالك حد سيف(ن) عطره مسك وعبير
ياسحابه فـي مـرورك اتباشـر كـل دار
ياللي غيثك انتي أعذب حتى من مي الغدير
كل نور(ن) عند نورك ايتعرّض لاانكسـار
وكل ديره في مساهـا لاظهرتـي تستنيـر
انتي شمس(ن) من ضياها بدلت ليلي نهار
وانتي اللي في ظلالك اتقّي شـر الهجيـر
انتي شمسي انتي ظلّي انتي كلّي بااختصار
لو تغيبي عن عيوني ياعسى عمري قصير
وكان حبي لك جريمه احفظي هذا الشعـار
سجليني بكل فخر(ن) مجرم العصر الأخيـر
الشاعــــــــــــــــــــــــر / مـــــــــــــــحمــــــــد العتيـــــــبى
|
