السلام عليكم ورحمة الله وبركاته
اخواني اخواتي انا في اشد الحاجه للمرضه تعتني بأمرأه عجوز مقعده حاولت الكثير ولم اجد واتصلت في العجزه والرميله ولا حياة لمن تنادي طلبت لها وحده بتوصل بعد شهر تقريبا ولكن تفاجأت ان اليوم رخصوها من المستشفى فمن بيعتني بها
الله يجزاكم كل خير اللي عنده فكره يساعدني او حتى يدخلونها مره ثانيه المستشفى لين توصل ممرضتها لأن بجد صعبه في هالسن التعامل معاها لازم عنايه ورعايه الله يخليكم ساااااااااااااااعدوني
الله يوفقج اختي ويخليها لكم ويطول ب عمرها ..
وان شاء الله اتحصلين الممرضه باسرع وقت ..
والاخوان مابيقصرون
الله ينصركم ياأهلنا في الشام ,, الله يسدد رميكم ويثبت اقدامكم ..
Twitter : hasan_alobaidan
هذي المرأة العجوز بحد ذاتها مشروع خيري لا يعلم بأجره الا الله
ابحثي عن الممرضة
وفي نفس الوقت لا تقلقين من صعوبة العناية بالعجوز
فما عند الله لا يضيع
أعلم كم هي صعبة العناية بها
لكن ما لم تعلموه ان الرسول صلى الله عليه وسلم قال
في ما معناه
ان من خدم كبيرا فالسن قيض الله له من يخدمه عند عجزه وكبره
هذا غير الاجر العظيم اللي اعده الله لك
لكن هنيئا لك الاجر ان احتسبتي ذلك
فأحتسبي ذلك
اعانك الله
وعجل بفرجك
دع عنك ماقد فات من زمن الصبا
واذكـــــــر ذنوبك وابكها يامذنـب
واذكـــر مناقشــة الحســــاب فإنـــه
لابد يحصــى ماجنيـــت ويكتــــــب
لم ينســــه الملكـــان حيــن نسيتــــه
بل سجــــلاه وانــــت لاه تلعــــب
والروح منك وديعة أودعــــــتهــــا
ستـــردها بالرغـــم منــك وتسلـب
الليل فأعلـــم والنهــــار كلاهــمـــا
أنفاسنـــا فيهـــا تعـــد وتحســــب
الي اقدر اقوله لج ... استأذني من اي شي لج في الحياه و اهتمي بالعجوز .
ان كان شغل قدمي اجازه و ان كان زوج استأذني منه و اكيد بيتفهم .. كل الاشغال الي عندج ممكن تطلعين منها لمده شهر ،، ابسط فائده ممكن تستفيدين منها في حال انتي اهتميتي بالعجوز الي اعتقد انها قريبه لج انه خلال هذا الشهر راح تكتسبين خبره و اذا جات الممرضه بتكونين تعرفين شلون الممرضه تعامل معاها هل صح ام خطاء .
هذا غير الاجر العظيم .. انتي بختصار قدام كنز من الخير
قال عليه الصلاة والسلام :
( تربت يداه ، تربت يداه ، تربت يداه ، قالوا من يارسول الله ، قال: من ادرك ابواه أو احدهما ولم يدخلاه الجنه)
الله يجزاكم خير هذه المرأه لاتريد الا بناتها وانا مااقدر اتكشف عليها وعايلتهم كبيره ومحد يقصر يحبونها ويقعدون معاها لكن الحين في البيت صعبه وايد خايفين عليها لأن فيها كسور وصعب التعامل معاها علشان جذيه انا بغيت ممرضه متمرسه والله يمتعها بالعافيه ويحسن خاتمتها يارب وجزاكم الله كل خير
ليتني اقدر اساعدك
بس ما عندي غير ربي يوقفلك اولاد الحلال
ان شالله عاجل غير آجل
كلامٌ للشّيخ ابن عثيمين-رحمه الله ، قال:
" إذا رأيتَ نفسكَ مُتكاسلاً عن الطّاعة ؛ فاحذر أن يكونَ الله قد كرهَ طاعتَك ، فانتبه لنفسك"!
__________________
الله يجزاج خير ويحسن خاتمتها ونسأل العلي القدير ان يأجرج على ماقدمتيه لها .. واعلمي(( كماتدين تدان )) وان شاء الله يقومون فيج اعيالج ويبرون فيج عقب عمر طويل .امين
أختي اول شي في ممرضات ابلاش من رميله يجون البيت يوميا ,,عاد انتي وواسطتج
واذا ماقدرتي في شركات اتوفر هالممرضات بدوام جزئي او كامل على حسب رغبتج وكل شي
بحسابه ,,يعني الدوام الجزئي الي هو 12 ساعه يوميا لمدة شهر بـ 5000 ريال
والله يشفي مرضاكم ويعطي عجوزكم طولة العمر والصحه
********
شيكي الخاص
[QUOTE=restricted_1;5573565]أختي اول شي في ممرضات ابلاش من رميله يجون البيت يوميا ,,عاد انتي وواسطتج[/
واذا ماقدرتي في شركات اتوفر هالممرضات بدوام جزئي او كامل على حسب رغبتج وكل شي
بحسابه ,,يعني الدوام الجزئي الي هو 12 ساعه يوميا لمدة شهر بـ 5000 ريال
والله يشفي مرضاكم ويعطي عجوزكم طولة العمر والصحه
مرحبا انا دقيت عليهم والله وقالو لي ان موب متوفر الا في ابريل
ضوابط المشاركة
رد مع اقتباس