السلام عليكم
سؤأل :
احد عنده فكره عن ادارة سبيتار وطبيعة العمل في سبيتار
لان جاتني وظيفه عندهم ومتردده حدي فياااليت الي عنده اي معلومه عن هالمكان حتى لو بسيطه بتكون كبيره عندي ..انا الحين اشتغل واذا قبلت في سبيتار لازم استقيل من وظيفتي الحاليه (الي مب مرتاحه فيها)
انا مابي اغامر .. قلت اسأل اول وعقب اقرر ..
رجاااء الي يعرف احد يشتغل هناك يسأله ...
واسمحولي عالمقدمه الدفشه
استخيري اختي .. بالنسبه لي اتمنى اني استطيع افادتك .. لكن انصحك بالاستخارة اولا .. ثانيا حددي اذا كنت تستطيعين العمل معهم بعد المقابله !
وعليكم السلام
ماعندي خلفية عن المكان ان شاء الله الأعضاء يفيدونج
بالتوفيق
اخوي قابلتهم من زمان واليوم كلموني اوقع العقد
جزاك الله خير اخ هدهد
اخوي استخرت وبعد خايفه خاطري اعرف اكثر عنهم
بوطويشم
جزاك الله خير
اذا استخرت وشفتي انج مرتاحة على طول اخذي قرارج ولا تترددين
بنات اختي العام الماضي تدربوا عندهم وايد ارتاحوا معهم لين اليوم يشكرون فيهم وفي طريقة تعاملهم
قال الخليل بن أحمد :
لـو كنت تعـلم ما أقـول عـذرتني -------
أو كنت أجهـل ما تـقـول عـذلتـكا
لـكن جهـلت مـقـالتـي فـعـذلـتـني --------
وعـلمـت أنـك جـاهـل فـعـذرتــكا
هلا اختي مشكوره عالرد ماقصرتيالمشاركة الأصلية كتبت بواسطة sendarala
اهم شي عندي الادراه
اذا الاداره زينه ونظيفه باذن الله كل شي بيكون تمام
بس اذا الاداره تعبانه هني المشكله
الشي الوحيد الي يخليني اتردد اني بنقل من وظيفه لوظيفه ثانيه (مبدأيا احسن منها) لكن بعد مابي استعجل .
موفقه اختي
انتي تقولين ان عندج فرصتين عمل (ماشاءالله الله يرزقنا من فضله) ومحتارة من بينهم .. طيب هل مستوى العملين متشابه ؟ يعني في اعمال تفضل عن اعمال ثانية ..
تسلمون عالرد
الوظيفه الحاليه مب مرتاحه فيها لاسباب ماله داعي اذكرها
الوظيفه الجديده بصراحه بصراحه احسن بواااجد لكن بعد مابي استعجل .. اهم شي الاداره وجو الشغل عندهم الي عنده اي فكره ياليت لو يفيدني
ضوابط المشاركة
رد مع اقتباس