الســلام عليـكم ورحمة الله وبركاته ،،،
أخـواني وخـواتي .. حفظـهم الله
مابي أطــول عليـكم بدش فالموضوع ..
يـوم الجمــعه جاني أتصـال من أحد ربعــي قالي بتخاويني أروح أخذ ولـدي من معـسكر في الذخيــرة .. وقلت له توكل على الله ومرني على الساعة 7.30 مساءً ومشينا فالدرب على خط الخور لين وصلنا الذخيــرة والمعســكر الطيب الي أهو وجهتـنا ..
وأول ما نزلنا أستقبـلنا الأخ والمذيـع / عبد الرحمن الحـرمي .. وعرفنا فالمعسـكر طبعا المعسكر مكون من طلاب من مدارس عمـر بن الخطاب .. وكان المعسـكر مرتب 4 خيـام وتكرمون حمام يعـني معسكر مجـهز جزاهم الله ألف خير .. وقعدنا نسولف ونشوف الطلاب مكونين مجموعة أفرقــه كل فريق مكون من ضابط مسؤول عن كل فريـق وسألت بوخالد شلي يسوونه قالي الحيـن كل فريق لازم يجـهز مسرحيـة هالمسرحية تدور حول المجـتمع والشباب وكل شيء ..
طبعا قعدنا لين استعدو الطلاب يمكن ساعة ألا ربع أشوي ألا واحد من الشباب المشرفين قام ووقف عند ملعب الطائرة وصفر صفاره وحده هالصفارة جمعـت الطلاب كلهم ووقفوا كانهم عساكر ماشاء الله عليــهم ولا كلمة ولا حــركة.. المهم بدوأ الشباب بعرض مسرحياتهم وكانت المسرحيات حول التدخيـن والمعاكسات والاستعــراض وجلسات المجالس الي مالها معنــى .. والله شيء طيـب أنا صـراحه أنذهلت منـهم ماشاء الله عليـهم وتفكيـرهم وأبداعـهم من ناحية الاعداد والتمثــيل .. وأنه هالاشياء كلها مالها معـنى وأنه فالنهاية أنت محاسب .. وكانوا كل ما يخلص فريق ينشدون انشدوة
جزاك جزاك جزاك الله خيرا ....... مادري في تكملةبس ماشاء الله والله تحس انه شعر يمك يوقف من الشيء الطيب والي تتمنـى الاجيال تمشيء عليه ..
وفي النهاية قام واحد من الشباب وقال بعد ربع ساعة راح نصلي صلاة القيام ومن ثم نآوي إلى الفراش ...
كــلامي مب دعـاية للمعســكر لأنه ناس وايد من آباء وآمهات يشاركون عيالهم في مثل هذه المعسكرات اولا للتعود على الصلاة في وقتهـا وقرآة القرآن والصحبـه الطيبه وثانياً للاعتماد على النفــس .. لأنه وايد ابناء نشوفهم في المجمــعات وصغار ما تجاوز عمرهم 15 سنة يدخنون ويتحشرون فالبنات ..
فالأفضل أنك تدمـج ابنائـك مع هذه الفئــة
أم تجعــلهم يسابقون الريح فالمجمعات ولا تعلـم عنهم شيئاً ...
اللهم أحفظهم ووفقـهم واستر علينا وعليهم فوق الأرض وتحت الأرض ويوم العرض
|
رد مع اقتباس
المشاركة الأصلية كتبت بواسطة ودي أكون
