أبغي أفتح مركز تدريب وتطوير... ايش الخطوات؟

[(عبدالله)]

السلام عليكم ورحمة الله

مثل ما مكتوب في العنوان... بغيت أفتح مركز تدريب وتطوير

بس ما أعرف ايش الأجراءات اللي لازم اتبعها خطوة وبخطوة...

اللي حولي يقولون لي روح وزارة الاعمال... وبعدها الأعلى للتعليم...وبعدين البلدية.. إلخ

جزاهم الله خير... بس اللي أحتاجه أحد يذكر لي الخطوات حبة حبة من واقع الخبرة

وبإذن الله إذا ربي وفق... بنظم دورات مهارية خاصة لأعضاء المنتدى بأسعار رمزية جداً

من باب إني بشتغل على خطين.. خط تجاري.. وخط خدمي للمجتمع..


بانتظار إفاداتكم لي وأكون شاكر لكم

:: عبدالله ::

[الجووري]

يعطيك العافيه شيك ع الخاااص

[البدع]

الله يوفقك ياعبدالله

ممكن اعرف تدريب وتطوير في اي ناحية

لاني ابحث عن هذا الشيء في الوقت الحالي

[سياتل]

بداية الله يسلمك

تتقدم بسجل تجاري كأي نشاط تجاري آخر

بعد ماتقدم بيطلبون عليك تعتمد الطلب من المجلس الأعلى للتعليم أو وزارة التربية والتعليم

طبعاً عشان يعتمدون لك لازم تعطيهم دراسة مصغرة للمعهد والخدمات اللي يقدمها

بيشترطون عليك بعض الاشتراطات مثل الموقع والمساحة وغيره

اذا كنت مستوفي الشروط بتاخذ موافقتهم وبتوديها للسجل التجاري وتستخرج السجل

وبعده تأجر المبنى وتجهزه وتستخرج الرخصه التجارية

هذا مجرد اجتهاد حسب خبرتي في تخليص المعاملات

والله يوفقك ياخوي

[(عبدالله)]

الله يعافيج اختي الجووري

تم الرد.. وبانتظار إضافتج القيمة

:: (عبدالله) ::

يعطيك العافيه شيك ع الخاااص

[(عبدالله)]

مرحبا أخوي البدع

الله يسلمك تدريب وتطوير في المهارات الإنسانية والإدارية وفي التنمية البشرية

و بيكون إضافة جديدة ومتميزة على البلاد بل على مستوى دول الخليج على المدى القصير والمتوسط

الحمدلله حالياً عندي المقومات الأساسية لإقامة هالمشروع:

علاقات + تمكن إداري + فريق عمل مبدئي

:: (عبدالله) ::

الله يوفقك ياعبدالله

ممكن اعرف تدريب وتطوير في اي ناحية

لاني ابحث عن هذا الشيء في الوقت الحالي

[(عبدالله)]

مرحبتين أخوي سياتل
ويسلمك ويوفقك ياخوي العزيز..
شاكر لك على إفادتك، وإذا قدرت تنورني أكثر بخبرتك جزاك الله خير

(1) وين أقدم طلب السجل التجاري وايش المطلوب بالضبط؟ وعادة كم المدة ياخذ الموضوع؟ وكم الرسوم؟
(2) مجلس التعليم أو وزارة التربية، في أي قسم بالضبط ووين؟ حتى آخذ المواصفات المطلوبة؟
(3) شنهو دور وزارة الأعمال؟

واسمح لي ثقلت عليك، وإذا ما قدرت تحصل هالمعلومات مب مشكلة...
على الأقل بتكون ونستنا بطلتك الحلوة

:: (عبدالله) ::

بداية الله يسلمك
تتقدم بسجل تجاري كأي نشاط تجاري آخر
بعد ماتقدم بيطلبون عليك تعتمد الطلب من المجلس الأعلى للتعليم أو وزارة التربية والتعليم
طبعاً عشان يعتمدون لك لازم تعطيهم دراسة مصغرة للمعهد والخدمات اللي يقدمها
بيشترطون عليك بعض الاشتراطات مثل الموقع والمساحة وغيره
اذا كنت مستوفي الشروط بتاخذ موافقتهم وبتوديها للسجل التجاري وتستخرج السجل
وبعده تأجر المبنى وتجهزه وتستخرج الرخصه التجارية
هذا مجرد اجتهاد حسب خبرتي في تخليص المعاملات

والله يوفقك ياخوي

[سياتل]

شيك الخاص طال عمرك

[البدع]

انصحك تبحث عن مندوب يخلص معاملتك

وانت تحتاج في البداية مقر للمعهد قبل الحصول على سجل تجاري

[راعي السهم الأول]

ما شاء الله حلوه الفكره و إن شاء الله تتوفق

تحياتي