سلام عليكم ورحمة الله وبركاته
شباب اذا فيه موتر درايشه هندل
وانا بغيت احوله تماتيك
شلون الطريقه؟؟ يعني هل اروح لوكالة الموتر واشتري المكاين اللي في الابواب
وحتى لو شريتها ما تركب لان غطا الباب من داخل يفرق
يعني لازم اغير الغطا كامل اذا انا مب غلطان
تدرون؟؟؟ حد حوله هدد 97 سكراب؟؟
ابي اخذ الكفرات حق البيبان ال4 كلها والمكاين
وباي سعر مب مشكله
ودمتم بود
روح السكراب يمكن تحصل
واذا مالقيت, مالك الا محلات الزينه يركبون لك كل شئ من عندهم
اللهم اغفر لأبي وارحمه برحمتك
اللهم اغفر لجميع المسلمين والمسلمات
الاحياء منهم والاموات
قال ابن رجب رحمه الله :"خاتمة السوء تكون بسبب دسيسة باطنة للعبد لايطلع عليها الناس"
وقال بعضهم : ( كم من معصية في الخفاء منعني منها قوله تعالى : " ولمن خاف مقام ربه جنتان " )
" إن الحسرة كل الحسرة ، والمصيبة كل المصيبة : أن نجد راحتنا حين نعصي الله تعالى "
ابغي اصلي يابويعقوب
المكاين التجاريه شكلها مب حلو وتخترب على طول
لو تخليه هندل احسن من التجاري
اللهم اغفر لأبي وارحمه برحمتك
اللهم اغفر لجميع المسلمين والمسلمات
الاحياء منهم والاموات
قال ابن رجب رحمه الله :"خاتمة السوء تكون بسبب دسيسة باطنة للعبد لايطلع عليها الناس"
وقال بعضهم : ( كم من معصية في الخفاء منعني منها قوله تعالى : " ولمن خاف مقام ربه جنتان " )
" إن الحسرة كل الحسرة ، والمصيبة كل المصيبة : أن نجد راحتنا حين نعصي الله تعالى "
ياليت والله يابويعقوب
بس انا دوامي قبل لا ادخل لازم اسجل من دريشه العبري
ظهري تمغط من كثر ما اسحب عمري وانزل الهندل عشان اعطيهم اسمي ورقمي
ادخل بالريوس
شوف يمكن اتحصل في السكراب مستعمل نظيف او تروح الحسا افضل و اعتقد انه يبيله المكاين و كهربجي شاطر و يمكن كفر الباب من داخل يبيله تغير عشان الازرة موفق ان شاء الله
حلوه ياولد
اي الكفرات مالت البيبان لازم اركبها بعد
مافيه الا اروح السكراب واشوف عندهم
ادري انه بيطلع غالي بس يالله شنسوي اهم شي يكون اصلي مال الوكاله
حد منكم يالربع خبره في السكراب؟؟
يعني شنو احسن كراج؟؟
او وين الكراج اللي كله عنده اغراض تيوتا
ودمتم بود
شوف لك اغراض اصليه من الوكاله بالاحسا
والله يوفقك
رجل تحكمني قناعاتي
أخوي لازم تغير تلبيسة الباب الداخلية كاملة وتجي معها الأزرة والسنتر لوك
والأفياش والفواصل وشغلات كثيرة بالمرة
وأعتقد إن الشغلة ما يبغا لها فني شاطر لأن كل شئ جاهز بس مجرد تركيب
لأن من عادة تويوتا يوصلون الأسلاك لحد المكان ,, في كل السيارات
وإن كانت السيارة فل ركبوا فيها أزرة وضغاطات
وإن كانت ستاندر لفو على طرف السلك شطرطون وأجبروك تشتري الباقي لو حبيت تغير
عندنا بالسعودية كثير من الشباب يشتري كبسولة ويكون هندل ويغيروه بأغراض شاص
من التشليح ( السكراب )
أو ونيت عادي بأغراض ونيت glx فل وهكذا ...
تسلمون يالربع
ضوابط المشاركة
رد مع اقتباس