بطاقة فندق الانتر .. حد جربها ؟
اتصلوا لي ادارة فندق الانتركونتنتال وقالوا اخترنا رقمك بين عدة أرقام تم ترشيحها بمجلس الادارة ,, وحبينا نطرح عليك عرض .. قلت تفضلوا
قال نعطيك بطاقة سعرها 990 في السنة اذا خذتها تستحق خصومات في المطاعم والكوفي نسبة 25% وكوبونات شراء من مطاعمهم وتحصل على ترقية الغرف بنفس سعر الحجز وبطاقة دولية ومادري شنو بعد
سؤالي : حد جرب منكم هالبطاقة ؟ وكيف استخدامها ؟ هل تستاهل السالفة ولا مجرد تسويق غير فعلي ؟
أنا أرشح لك تسجل في priority club
www.priorityclub.com
ببلاش التسجيل وتحصل بطاقة عضوية لجمع نقاط عند الأقامة في 7 فنادق
منها الأنتركونتينانتل + كراون بلازا + هوليدي أن الخ....
تأهلك للحصول على غرف مجانية وترقية الغرف
أنصحك بهذي البطاقة أما أنك تدفع لهم سنوياَ 990 وأيد المبلغ كبير وما أظن راح تستفيد منها بشي غير خصومات المطاعم وبس
أتمني أقتراحي يعجبك
توقيع مخالف!!!
إدارة المنتدى
أخوي تأكد بأنهم يتصلون بشكل عشوائي علشان يحصلون مشتركين بالعضوية
وهذي شركه أسمها rivilege Club ومتفقه مع مجموعه من الفنادق في العالم ولكن الفندق الوحيد اللي موجود في قطر هو الانتركونتننتال الدوحه
أخوي أنا مشترك في هالعضوية من 3 سنوات ولا زلت
والعضويه حلوه بس حق الناس اللي يحتاجونها
وبكل صراحه أنا استفدت منها كثير لأني كنت أروح أتعشى دايماً في الفنادق وخاصه معطهم Fish Market في فدق الانتركونتننتال
وكنت أقدر أستفيد من الفاوتشرات اللي يعطوني اياها بالاضافه الى خصم 25% تقريباَ من اجمالي الفاتوره طول فترة الاشتراك وهذا طبعاً ينطبق على باقي المطاعم في الفندق نفسه
أما مسألة الحصول على خصومات على الغرف في الفنادق المشاركه فهذي لي عليها تحفظ ونادراً ما تحصل خصم فلا تعتمد عليها ...
اتمنى اني وضحت لك الصوره وتقدر بعد تشترك من الموقع مباشره وهو WWW.CLUBHOTEL.COM وراح تلقى نفس المميزات ونفس السعر ....
اقتراح جميلالمشاركة الأصلية كتبت بواسطة La Bella
مشكوره يا La Bella وماقصرتي
شلك بالخساير هذول ناس نصابين لو بطاقتهم فيها خير ماقعدو يدلللون عليها
يعطيك العافيه اخوي Qatari 1980 على التوضيح
مثل ماقلت حلوه حق الناس اللي يحتاجونها .. احس تربط الشخص بفندق الانتر اكثر من غيره .. عشان الخصومات اذا صج
وجهة نظر تستحق التفكير
اخوي حاسب احنا جربنا بطاقات خارج الدوحه لا بطاقة اوصلت ولا شفنا خصومات..
انا كنت مشترك فيها .. ووقفت الاشتراك
حلوة لو كنت تروح مطاعم الانتركونتيننتال دايما
وتسكن فيه
وتستخدم النادي الصحي
غير كذا
ما انصحك فيها
لا تاخذها انصح كل واحد لا ياخذ اي بطاقه بدون ما يتاكد من نفس الفندق يعني يتصل على الاستعلامات الي في الفندق ويسئله هل للبطاقه فائده خصم مثلا او عشاء الخخخخخ مثل ما يقولون والله تعالى اعلى واعلم
والله انا اتصلوااا على وقالولي عنها
اللهم صلى على محمد وعلى ال محمد كما صليت على ابراهيم وعلى ال ابراهيم انك حميد مجيد ,,, اللهم بارك على محمد وعلى ال محمد كما باركت على ابراهيم وعلى ال ابرهيم انك حميد مجيد اللهم وارضى عن زوجاته الطاهرات الكريمات وعن صحبه ومن وا لاهم واتبعهم باحسان الى يوم الدين اللهم امين
ضوابط المشاركة
رد مع اقتباس