المصرف يعلن عن منتج استثماري بعائد 10 % سنويا ًَ

[السيليه]

اتصلت عليهم يقولون محفظه استثماريه بالشراكه مع البيت الاوروبي متوافق مع الشريعه الاسلاميه

ويضمن لك البنك رأس مالك 100% , ومن المتوقع ان لا يتعدى الربح 10% يمكن اقل لكن مو اكثر

يعني ممكن تاخذ 5% او 4% او 7% بالسنه الواحده , مده الاستثمار سنتين , للافراد من 40 الف وفوق

للشركات من 200 الف وفوق.

بس الغريب ان الموظفه قالت ان الربح لا يتعدى الـ 10% وهذي اجزم فيها لعبه بنوك

هذا غير طول مده الاستثمار

صح كلامك اخوي الربح يبداء بعد سنه من الايداع في المحفظه وبعد سنتين ممكن تاخذ راس المال اعتقد ان الموضوع ما يسوي

[SomeOne]

جميع عمليات المحافظ انكشفت على حقيقتها

صحيح رجعنا جزء من راس مالنا

الا السلام بنيان ،، حسبي الله عليهم ، حتى ب 10 مايشترون مني ،

[jajassim]

نصيحة اخوي تجنب الدخول في مثل هالمحافظ ومثل ما وضحوا بعض الاخوة ان للأسف ما في شفافيه في المحافظ الاستثمارية وحتى لو تبي تستفسر عن المحفظة بعد دفع المبلغ تلاحظ تغير في التعامل وغموض عند امر البيع وللأسف دخلت محفظة استثمارية بالمصرف وكان كلامهم ان المحفظة مضمونه وفي النهاية تم تصفية المحفظة ورجعوا لنا 75% من راس المال وخسارة 25%

نصيجة اخوي حط وديعة ابرك من المحفظة

كم النسبة

[حبة خال]

نصيحة اخوي تجنب الدخول في مثل هالمحافظ ومثل ما وضحوا بعض الاخوة ان للأسف ما في شفافيه في المحافظ الاستثمارية وحتى لو تبي تستفسر عن المحفظة بعد دفع المبلغ تلاحظ تغير في التعامل وغموض عند امر البيع وللأسف دخلت محفظة استثمارية بالمصرف وكان كلامهم ان المحفظة مضمونه وفي النهاية تم تصفية المحفظة ورجعوا لنا 75% من راس المال وخسارة 25%

نصيجة اخوي حط وديعة ابرك من المحفظة

أنا بعد دخلت في محفظة تابعة لهم على اساس شركة عالمية هي التي تديرها وخسرت بسبب الازمة المالية وطلع لي ربع المبلع اللي شاركت فيه بس للامانه بعد التصفية زاد شوي ،والحين شعاري ((لا للمحافظ...نعم للودائع وإن كان المصرف يأخذ 45%من الربح نسبة مضاربة))

[عزوز المضارب]

للاسف الناس فقدت الثقه في مثل هذا النوع من المحافظ
وذلك بسبب التجارب السابقه وسوء الاداره واختيار مدراء فاشلين لمثل هذه المحافظ
وانا اشبه هذا النوع من المحافظ (( حلال مو حلالك جره على شوك ))
والنصيحه لله ما يحك جلدك الا ظفرك وكلن عقله براسه يعرف خلاصه

[PoBox]

*
*
المحفظة او الصندوق هو صندوق اسهم ،
مربوط بسلة أسهم او سلة فواكه ،
ماعرفت شنو بالضبط ،
ان حبيت تستزيد البيانات في الفروع


نحسبها على السريع حسب شروطها

اولا
لو تحب تشارك بالحد الادني 40 ألف
لازم تدفع 3% رسوم - ادارية !! (ركز على كلمة بالمئة %%% )
يعني 1200 ريال
لكن الغريب ان الادارية بالمية !!!
مش هذا الموضوع الحين


ان طلعت قبل المدة (سنتين )
راح يرجع لك المصرف فلوسك كاملة
ناقص
- 5% مصاريف خروج مبكر

يعني المجموع
8% صافي خسارة للي يطلع قبل سنتين
( 3% قبل و5% لانك طلعت قبل)هذي الحالة الاولى



الحالة الثانية
للي يبقى للسنتين
بياخذ 10% أرباح تقريبيه على راس ماله
ناقص 3% رسوم أدارية دفعها اول يوم
= 7% صافي ربح



الوديعة العادية كمتوسط تعطي 5.5% زايد ناقص

7% -5.5 % =
1.5% على كل هالغلبة أعلاه

طبعا هذا لو وزع المصرف 10% كما وعد
لو وزع مثلا 8.5% بدل 10% تكون الوديعة العادية احسن ( على الحسبة اعلاه )

[عابر سبيل]

*
*
المحفظة او الصندوق هو صندوق اسهم ،
مربوط بسلة أسهم او سلة فواكه ،
ماعرفت شنو بالضبط ،
ان حبيت تستزيد البيانات في الفروع

ليش انتعب الناس..
دامهم زابنين عندنا في المنتدى!!

تفضل الخلطة لمكونات الصندوق
يا صندوق البريد البرتقالي:
(خربك علينا الاي فون مع فودافون)

"
صناعات>>>>18.33%
بروة>>>>> 18.27%
ناقلات>>>>> 15.1%
الريان>>>>> 14%
المصرف>>>>> 10.55%
فوافون>>>>> 6.3 %
العقارية>>>>> 5.7%
الدولي الاسلامي 3.64%
الخليج القابضة3.61%
الكهرباء و الماء 2.61%
الملاحة >>>>>0.83%
الملاحة>>>>> .072%
الالى >>>>>0.6%
الاسمنت>>>>> 0.2%
"



و ما استخلصته من نقاش تعريفي
(وجها لوجه)..مع "مصرفي من المصرف"

انهم..معولين كثييرا على عوائد توزيع
الارباح لهذه الاسهم من هالشكل..
هم يتكلمون..عن 10% تتوزع
حط باالك...بعد سنتين!!
***

ملاحظات جانبية
1) بيت التمويل الاوروبي-جزر كايمن
(اللي بيدير هالصندوق)..
غير بيت التمويل الاوروبي
(البنك) اللي اعتقد انه مرخص في بريطانيا
وهو..اخبر انه..يمكن..ايكون تابع للمصرف

(يعني..بيض الخفقع و فرخ الخعنفق)!

2) و الاهم..ان الفتوى الشرعية حول هالصنوق
متاحة..لمن يطبها...
بس..بس..

هي..فتوى صادرة من هيئة الرقابة الشرعية
لبيت التمويل الاوروبي!

3) المصرف..ضامن لرأس المال!!
شلون(ما ادري)!

4) تحديدهم لنسبة التملك...مدري عن قصد و لا عن غفلة
ان مثلا..العقارية..ادمجت في بروة..
و الاولى..كلها..بنك بروة!!

و الملاحة..تآخت اخيرا مع النقل

(فيه بعد شي تغير على خارطة الطريق!!)




*
*
،،

اخيرا....
العقد اللي توقعه معاهم
يخضع للقانون الانجليزي
و ليس القطري..

يعني..لما مثلا تبي تحاكمهم
على انهم وزعوا 15%
بدلا من ال10%..

تاخذ صندوق رمان
و تركب طيارة على
ام درمان..

عشان تعرف..في وين تقع
جزر كاي مان!

[السيليه]

صح لسانك اخوي عابر سبيل

[خليفـة]

هذا المنتج بيكون مصيرة الفشل
والاسباب كثيرة ومافيني شدة اذكرها
الربع ما قصروا

[صليب الراي]

مشكورين على الاضافات والتعليقات والافادة

الصراحه استفدت منكم كثير

جزاكم الله خير