استفسار بخصوص دورات اللغة الإنجليزية في شمال الأطلنطي

[!! علي !!]

السلام عليكم ورحمة الله وبركاته


حبيت استفسر منكم بخصوص دورات اللغة الإنجليزية اللي طارحينها كلية شمال الأطلنطي

دورات الإنجليزي للإستخدام في الحياة اليومية واللي يعلنون عنها بين فتره وفتره

مارأيكم في دوراتهم وهل هي قوية أو لا ؟

وهل الأفضل التسجيل فيها أم في الدورات المكثفة في برتشل كونسل ؟

[حليتان*]

والله ماعندي اي خلفية عن الموضوع .....اتمنى احد يفيدك

[!! علي !!]

والله ماعندي اي خلفية عن الموضوع .....اتمنى احد يفيدك

أشكر لك مرورك على كل حال

[M!ss Q6R]

والله انا ما سمعت حد مدح لي دوراتهم..
اعرف كم وحده دخلت وطلعوا على طول.. يقولون لعبه في لعبه..

هل تبغي دورات حق امتحانات..مثل التوفل والايلز.. في معاهد ومدرسين اقدر اطرش لك ارقامهم..

ام تبغي دورة تقوية لغة.. شوف نيوهورايزن.. يطور وايد في السبيكنق واللغه..

[!! علي !!]

والله انا ما سمعت حد مدح لي دوراتهم..
اعرف كم وحده دخلت وطلعوا على طول.. يقولون لعبه في لعبه..

هل تبغي دورات حق امتحانات..مثل التوفل والايلز.. في معاهد ومدرسين اقدر اطرش لك ارقامهم..

ام تبغي دورة تقوية لغة.. شوف نيوهورايزن.. يطور وايد في السبيكنق واللغه..

قصدك شمال الأطلنطي ؟

على كل حال أنا ودي بدورة عامة مااحتاج دورات توفل او ايلز

وجربت قبل برتش كونسل والمعهد الأمريكي ومدحوا لي معهد ets

وفي دورات مكثفة في برتش ، أما نيوهرايزن سمعته أنه بس فلوس عالفاضي

[!! علي !!]

............

[بوحارب]

مرحبا بوحسن

انه حاليا في النورث بس ماحصلي ادرس هالدورات العامة

ودخلت سيدة برنامج ال fl طبعا تدريس لغة انجليزية عامة بس في التخصص المطلوب ( هندسة على سبيل المثال )

مدرسين الكلية جيدين ومب ممتازين وانت وحظك من المدرس اللي بتاخذ الكورس عنده

انه درست fl1050 عند مدرسة وخلتني مثل البلبل في الأنجلش

وعقب هالكورس درست fl1060 ( مستوى اعلى ) وكان المدرس وجودة مثل الطاولة في الكلاس !!

ادخل جرب مرة ومب خسران شي على الأقل بتستفيد شي قليل

والأنجليزي ماتتعلمة في يوم وليلة ويبيلك شهور وسنين حتى تتقنة وتراهـ سهلللل للي له نية يتعلم

على العموم الله يوفقك يابوحسن واتمنى اني افدتك ولاتنسى تشرب قلاص كرك قبل كل كلاس ^ ـ ^

[!! علي !!]

مرحبا بوحسن

انه حاليا في النورث بس ماحصلي ادرس هالدورات العامة

ودخلت سيدة برنامج ال fl طبعا تدريس لغة انجليزية عامة بس في التخصص المطلوب ( هندسة على سبيل المثال )

مدرسين الكلية جيدين ومب ممتازين وانت وحظك من المدرس اللي بتاخذ الكورس عنده

انه درست fl1050 عند مدرسة وخلتني مثل البلبل في الأنجلش

وعقب هالكورس درست fl1060 ( مستوى اعلى ) وكان المدرس وجودة مثل الطاولة في الكلاس !!

ادخل جرب مرة ومب خسران شي على الأقل بتستفيد شي قليل

والأنجليزي ماتتعلمة في يوم وليلة ويبيلك شهور وسنين حتى تتقنة وتراهـ سهلللل للي له نية يتعلم

على العموم الله يوفقك يابوحسن واتمنى اني افدتك ولاتنسى تشرب قلاص كرك قبل كل كلاس ^ ـ ^

الله يعطيك العافيه يابوحارب على الرد الكافي الوافي حول الكلية

سبق أخذت دورات عامه في معاهد أخرى ، لكن أشوف كلية شمال الأطلنطي كل فتره يعلنون

قلت بما أنهم كلية رسمية أكيد بتكون دورات متميزة ، وبما أنها دوره عامه يعني الأمور بسيطه

وتستحق التجربة ، مدة أربع أسابيع معقوله

بخصوص الكرك نصيحه في محلها لأن الجسم تعود على كرك المغرب

يعطيك العافيه مجدداً

[طموحي عالي]

الله يوفقك

ويوفقنا معاك

ماعندي فكره

وانا بعد ادور مثلك

[monatee]

في ناس تمدح البرتش

وناس تقول ان الاطلنطي دورتة زينه بس داخل الكلاس تصير المصخره لانه خلط