الفهوود القطب الثاني في قطر ... عفوا العربي ماقصرتوا وانتهى دوركم

[سكر زياده]

اوه ماشاء الله الاعضاء المؤسسين اغلبهم عرباويه

لاحد يتحرش فالعربي

[مزيون الدوحه]

هلا بالدب

وينك يالحبيب
بكرة الانتر وبرشا

يبيله بيض وطماط

دورت عليك في مباراة الغرافة والعربي
بس ماحصلتك
وين منخش اعترف

ههههههههههههههههههههههههههه
انا مانخش مثل غيري ويطلع اول مافريقه يجيب قول
ومواضيع الموسم اللي راح تشهد

على العموم بكون متواجد اليوم مع البرشا ان شاء الله
ولو اني اشجع الانتر بعد لكن القلب يميل للبرشا ياخي حبه عذبني

[الحـ قطر ــب]

عربااااااااااااااااااااااااااااااااااااااااااااااا وي

[أسير الأحلام]

الف الف مبرووك لكل غرفاااوي اليوم اثبتناا ان الغرافه هو البطل وهو افضل فريق في قطر

اول نتكلم عن البطولات

الغرافه بعد الفوز هذاا صار الفريق الثاني في قطر بــ 17 بطوله
7 دوري - 6 كاس الامير - 2 كاس ولي العهد - وبطوله العربيه

العربي 16 بطوله انا شلت كاس الشيخ جاسم لانهاا مو رسميه

وثانياا الفريق

مستوااه ثابت وبخطه واحده وهذاا يدل على ان هنااك اداره واعيه للفريق
ولو تلاحظون محد هالموسم انصاب ولله الحمد ليش لان هنااك مدرب لاياقه وكادر طبي رائع


وثالثاا حناا

الجمهور اليوم اثبت للكل ان جمهور الغرافه موجود وهو ثالث اكبر جماهير بقطر واللي يقووول انه جمهورهم مرتزقه عرفتواا الحين من هو جمهور لغرافه

أولا: لا أحد ينكر أن فريق الغرافة يعيش حالياً عصره الذهبي وهو أفضل فريق يلعب كورة في قطر
ثانيا: لا يجب التقليل من أندية عريقة وكبيرة مثل النادي العربي او نادي الريان لمجرد أن الغرافة يحصد البطولات في هذه الفترة ( لكل زمان دولة ورجال )
ثالثا: جمهور الغرافة هو رابع جمهور وليس ثالث جمهور أكبر قاعدتين جماهيريتين هما العربي والريان ( مع العلم بأن هذه الأندية لم تحقق بطولات من أكثر من عقد ) وهذا يفسر عشق جماهير الفريقين لناديهما وثالث قاعدة جماهيرية هي جماهير نادي السد ( الزعيم ) ومن ثم يأتي جمهور الغرافة رابعاً

[nyzk]

كل فرقالعالم تمر بفترات ذهبيه وبعدها استقرار وبعدها هبوط في المستوى

وهاذي الاشيا طبيعيه وتحصل في اقوى فرق العالم سواء منتخبات او انديه

والغرافه حاليا في افظل فتراته والعربي حاليا افظل من المواسم السابقه
لكن يبيلهم وقت لين يجنون ثمار العمل بوجود شخص قيادي مثل الدكتور عبد الله المال
وبالتوفيق لكل الانديه القطريه

[أسير الأحلام]

بطولة الانديه العربيه حالها من حال الخليجيه غير معترف فيها

لو تبي اتكلم عن البطولات الخارجيه فهي البطولات القاريه مثل دوري ابطال اسيا
او كاس الاتحاد الاسيوي
ولا نادي قطري حققها بستثناء السد وحققها قبل 22سنه وثاني افظل نتيجه بعد السد كانت للعربي بعد ماصعد لنهائي بطولة اسيا
انتو اوصلو لنهائي اسيا على الاقل وبعدها تكلم عن البطولات الخارجيه
عموما الكره في الانديه تمر بمراحل انتعاش ومراحل هبوط
والهبوط في المستوى مايلغي دور مؤسسه رياضيه تقوم بدورها في المجال الرياضي سابقا وحاليا
لو اي نادي بيحصل الاستثنائات والواسطات مثل الغرافه والسد بيحتكر البطولات وهذا الشي معروف ان الغرافه والسد هم المفضلين في قطر.

واذا انك بتنقد على العربي على خسارة نتيجه ففرق عالميه خسرت بنتائج كبيره. اجمالا العربي خرج ولازال يخرج لاعبين للمنتخبات في كل الالعاب
وهو النادي الوحيد اللي ييئسس لاعبين ويصدرهم للانديه الاخرى

العربي كان يحقق بطولات من قبل ليكون شي اسمه نادي الغرافه
العربي عطاكم تساعيه تاريخيه في 93

لو بتكلم يبي لي مجلدات

عموما القطبين معروفين في قطر
العربي والسد

اتفق معك تماما يا اخوي التاريخي القطري فيه قطبين كبيرين ( السد - العربي ) ولا نبخس حق الريان

[أسير الأحلام]

مبروك للغرفاويه

بس اخوي محمد

يعني انت ماشاءالله عليك فاتح موضوع لان فريقك صار الثاني
من حيث البطولات .. !

وكاتب عدد البطولات

7 دوري و6 كاس الامير و2 كاس ولي العد .. ولزقت بطوله عربيه
مع البطولات المحليه على شان تزيد الرقم وطلع معاك 17 !!


نحسبها .. حبه حبه



7+6 = كم ؟






انا بقولك



13



وعندك بطولتين بعد ( 2 )


الحين



13 في مخك

و2 في يدك



عد


14




15




يعني المجموع = 15


صح ؟؟






شاطر




بطولات العربي المحليه

7 دوري + 1 كأس ولي العهد + 8 كأس الامير

يعني 16 بطوله محليه

يعني يالغالي .. العربي الثاني عقب السد على مستوى بطولات قطر

ويالله على شان ماتزعل

نزيدكم بطوله عربيه وتتعادلون معانا بـ 16 بطوله

ألف مبروك

ثاني شي ..

اذا بنتكلم عن المستوى
حرام تقارن فريق فيه بالكثر 5 مواطنين
مابين اساسسين واحتياط والباقي اجانب
بمسميات مختلفه ( استثناءات)

وفريق
بكبره جديد باستثناء 5 بالكثير

خسرنا 5 نعم ..

لاعبين شباب تنقصهم خبرة المباريات النهائيه
في مواجهة فريق بطولات مطعم بابطال
( محترفين من الدفاع الى الهجوم )


ويوم كانت الكفة متساويه من حيث المحترفين والمواطنين
بدون استثناءات ولا بطيخ

سحق العربي نادي الاتحاد (الغرافه حاليا) بـ 9 اهداف

ماعتقد تذكر هالحادثه لان ايامها فريقكم كان بدون جمهور






ثالثا :


لانتكلم عن الجماهير لانك الظاهر ومن كلامك انك مارحت الملعب وشفت
اصدقائنا النيباليه والبنقاليه وهم لابسين اصفر ويشجعون الغرافه

الجماهير موزعه كالاتي :

( ولايزعلون مني العرباويه والريانيه لاني بجامل باقي الفرق شوي )

%60
جماهير العربي وجماهير الريان وبلا منازع

%20
جماهير السد ..

%20
موزعه على باقي الفرق


----

في واحد من الاخوان لمحت في رده انه تكلم عن ابراهيم الغانم
وكيف انه لعب ف العربي من عقب ماكان في الشمال وان مستواه
في الغرافه تحسن !
مادري يعني تقصد الغرافه هم اللي دربو اللاعب وعلموه الكوره ؟

---

اخيرا

كل التوفيق للغرفاويه في البطوله الاسيويه
شدو حيلكم نبي نشوف عضلاتكم هناك

والعرباويه معاكم

حنا خسرنا 5/0 بفريق كله الشباب واول مرة يلعبون في نهائي

لكن شنقول عن فريق كان حامل لقب بطولة الدوري 1992 ينقلب 9/0 مع الرأفة

[أسير الأحلام]

و ما كفتهم 9/0 وسبب هوشة في آخر المباراة من القهر

[alrheeb2020]

ههههههه اخر الزمن يقارن الغرافه بالعربي والريان .!!!

ياخوي ترى لو تاخذون مليون بطوله بعد ماراح تجون للريان والعربي !!

ههههه شر البليه مايضحك ..

المهم هارد لك عالخساره الحلوه اللي كلتوها امس وبالتوفيق فالاسيويه

[بواردي]

الرهيب السنة ما شفنا منه لا رهيب ولا غريب
هاي افضل مباراة لهم في هالموسم على المستوى المحلي
والغرافة راعي بطولات
ولا يتفوق عليه غير الزعيم السداوي
ام الباقي لا حد منكم يقارن نفسه في الغرافة