خبير اجنبي ذو خبره للسوق

[الوجبه]

اليوم في وطني الحبيب صباح الخير كان الحوار بين حمد المناعي والمنصوري

ومن ضمن النقاش قال المنصوري انه لازم يكون هناك خبير ذو خبره في مجال البورصه

( قصده اللي موجودين ما عندهم خبره ) رد عليه المناعي وقال الخبير انت عارف كم يكلف

( قصده ان اموال الناس عادي تروح اهم شي التوفير ) قال الخبير ياخذ مبالغ كبيره

والسوال

صحيح اذا تم جلب خبير للبورصه يا خذ مبلغ كبير ؟

انا اشوف ان لو ياخذ مليون في الشهر ولا اللعبه اللي صايره وينظم السوق من الاشاعات اللي صايره ولا شرايكم في سالفه الخبير

[أبو محمد]

كلامك صح يا الوجبه ,,,,,, المفروض أيكون هناك خبير ذو خبره في مجال البورصه

وذالك لمصلحة الجميع

[ضايق الصدر]

والله لو عندنا جزء بسيط من انظمة دولة الكويت كنا احنا ابخير
بورصتهم شي خيال

[الوجبه]

ليش ما ياخذون خبره مجلس التعاون او الدول اللي سبقتها

بس لا يحطون مصريين في اداره البورصه ...انا افضل اجنبي

الاجنبي اذا يبي يسرق يقول لك انا ابغي كذا مبلغ

اما ال 0000 هو مدير البورصه ب النهار و بالليل يبيع اسهم

[السهم الماسي]

والله لو عندنا جزء بسيط من انظمة دولة الكويت كنا احنا ابخير
بورصتهم شي خيال

ليش الطيب السواق الامارات ماتعجبك فقط سوق ابوظبي اقوى واصلب من سوق الكويت وين لو جمعنا سوق ابوظبي ودبي معا قائد الاسهم الخليجيه اعمار
نعطيكم الخبره مومشكله وخلنا بس نروح اسيلين

[السهم الازرق]

ضايق الصدر ..

كلامك عدل بخصوص انظمة سوق الكويت ولكن لا تنسى هالشي ما جاء من فراغ ..

اللي صار بأزمة المناخ مب شي سهل و هي اللي فرضت الانظمه على السوق ..

لكن لا تنسى السوق القطري سوق جديد و مستقبله واعد بشهادة جميع الاقتصاديين ..

و مثل مافي شي يعيب السوق القطري ايضا هناك ما يعيب سوق الكويت عندنا ..

مثال : قارن موقع بورصة الكويت مع موقع بورصة قطر و شوف الفرق رغم فرق الخبره ..

كمية معلومات رهيبه توجد في الموقع القطري بينما لا شيء يذكر في موقعنا !!

مع اني اشك ان هالمعلومات يتم الاستفاده منها من اغلب المستثمرين القطريين بسبب قلة الخبره ..

على العموم المسئولين على موقع البورصه مواعديننا بمفاجئه بعد 3-5 شهور و ان شاء الله خير ..

و الحمدلله ان القطاع الخاص معوضنا من خلال التداول الالكتروني عبر الانترنت و عقبال قطر ..



السهم الماسي ..

اداء السوق الاماراتي الواعد لا غبار عليه ..

لكن اذا جيت للخبره و عقلية المستثمرين و المضاربين ستجد السوق الكويتي يتفوق بمراحل

[نوارة]

يعني اللحين جات على خبير البورصة وكم بياخذ ..(حرام)
مساكين والله صغار المساهمين قليلين الخبرة
مالهم سند ..


ولا الخبراء في كل أجهزة الدولة (انتهت صلاحيتهم )
ولين اللحين الملايين تصب في حساباتهم شهريا إن لم يكن
يوميا !!!!!!!!!!!!!! عادي وحلال عليهم

لنا الله


*** بالنسبة للخبراء المصريين يالوجبة..
نعم أنا معك في رفض الاستعانة بهم ..
ويكفينا بلاء مافعلوه بقانون التقاعد ...

تحياتي للجميع

[ابوسعود]

بالبركه

[المديون]

ياجمااعه

البووورصه اللي فيها يمكن لاعبين لعبتهم علينا

[بدوور]

معقولة؟ ما عندنا خبراء محليين يمكن يقومون بنفس الدور