صفحة 1 من 7 123 ... الأخيرةالأخيرة
النتائج 1 إلى 10 من 67

الموضوع: طريقة الشراء من الانترنت ... شرح مطول بالصور ..

  1. #1
    عضو
    رقم العضوية
    26642
    تاريخ التسجيل
    Jul 2009
    المشاركات
    465

    طريقة الشراء من الانترنت ... شرح مطول بالصور ..

    السلام عليكم ورحمة الله وبركاته


    في البدايه يتسائل البعض او الكثير كيفية الشراء عن طريق النت

    والبعض يجهل هذا الموضوع والبعض يخاف منه بنفس الوقت والسبب الخوف في

    سرقة بطاقاتهم الالكترونيه سواء الفيزا او الماستر وماشابة ذلك

    المهم ..

    اليوم بقولكم الطريقة اللي انا اتعامل فيها وهي سهله جداا في شراء الاشياء من الانترنت

    ومن المواقع المعروفه سواء موقع امازون او موقع ايباي ..


    قبل كل شي وعلى شان تدخل معترك الشراء عن طريق النت

    لازم تتوفر عندكم بعض الاشياء

    ........


    اولا الحصول على بطاقة فيزا او ماستر ..

    وثانيا .. الحصول على بريد في الدول التاليه وهي الولايات المتحده الامريكيه

    وبريطانيا ..

    ............


    بقولكم الحلول لكيفية الحصول عليها ..

    بطاقة الفيزا الكل متخوف في ضياع فلوسه او سرقتها من الانترنت

    ولاكن احسن طريقة وافضلها اخراج بطاقة فيزا للانترنت خاصه

    يعني بطاقة فيزا تستخدم للنت ولا تستخدم خارج النت ابداا

    واحسن مكان لصرف هذي البطاقة في بعض البنوك .. ولاكن عن رؤيتي الشخصيه

    فأحسن بطاقة هي تجدونها في شركة المجموعة ..

    شركة المجموعه يعطونكم بطاقة فيزا ماستر كارد للانترنت بقيمة اعتقد 250 ريال

    ولمدة سنه مااعرف كم صار سعرها ولاكن ميزتها

    انكم مثلا اتحطون فيها مبلغ مثلا 2000 ريال وتشترون فيها اللي تبون

    وكل ماخلصت وانتم تبون تشترون شي اتروحون للمجموعة اتحطون فيها الملبغ

    اللي تبون تشترون فيه الشي من النت يعني لو الغرض اللي تبون تشترونه ب 1000 ريال

    انتم حطوا 1200 ريال وبقولكم ليش حطيتوا هالمبلغ بعدين ..


    -------------------

    ثاني شي البريد اللي في امريكا وبريطانيا ..

    على شان ايصير عندكم بريد اهناك فيه شركة في الدوحه اسمها ارامكس ..

    موقعها في شارع سلوى قريب من دوار قطر للديكور ..

    اتروحون اهناك تعطونهم بطاقتكم الشخصيه وتدفعون مبلغ اعتقد 300 ريال

    واهم شي تعطونهم بريدكم الالكتروني في تعبية الطلب وتعطونهم رقم جوالكم اللي

    بتوصل فيه المسجات اذا وصلكم شي في بريدكم

    ولاتمسحون المسج اللي يوصلكم من ارامكس اذا وصلكم شي لانه راح يكون مثل الفاتوره

    اذا رحتوا لارامكس بس راووهم المسج وبيعطونكم غرضكم اللي وصل

    وبالنسبه لبريدكم الالكترني راح يرسلون لكم على بريدكم الالكتروني عنوان بريدكم اللي في امريكا وبريطانيا

    والسبب في هالبلدين انكم لو شريتوا غرض من امريكا حطوا بريدكم اللي في امريكا في

    الطلب اللي تبون تشترونه واذا في بريطانيا حطوا بريدكم اللي في بريطانيا

    وعلى فكره سعر التوصيل من امريكا للدوحه مثلا يحسب على سعر الوزن فقط

    يعني لو شريتوا تي شيرت او ملابس ماراح يكون لها وزن كبير

    راح يكلفكم يمكن 35 ريال فقط للتوصيل ويمكن يستغرق من اسبوع الا اسبوعين فقط

    اعلى مبلغ دفعته في شراءسلعه حجمها كبير كان 200 ريال فقط

    ========


    طبعا بعد ماسوينا هالاشياء مابقى علينا الا انروح اندور شي نشتريه من النت

    وعلى شان ماتغامر في اي تشتريه اشتر اول شي شي سعره رخيص وبعد اسبوع او اسبوعين

    راح يوصلك مسج على جوالك المسجل في ارامكس فيه رقم طويل هذي هي الفاتوره ..


    ====================

    انا اقتصر شرحي فقط على موقع امازون ونفس الطريقة هي موجوده في موقع ايباي ..


    يالله نبدا الشرح وان شاء الله تستفيدون





    في البدايه ندخل موقع امازون .

    ونضغط على اللي عنده اشاره للتسجيل في الموقع







    وثاني شي راح تطلعلكم هالصفحه فيها خياريين الخيار اللي فوق هو اتحط فيه ايميلك

    اذا كنت مسجل فيه اصلا من زمان واتحط الباسوورد تحت امام كلمة yes واتحط الباسورد

    لاكن بما انك شخص جديد في التسجيل ضع على علامة no واضغط على

    كلمة sign in using





    والصفحه التاليه نبدأ انعبي الفراغات

    الفراغ الاول نكتب فيه الاسم
    الفراغ الثاني حط فيه الايميل الخاص فيكم
    الفراغ الثالث اعد كتابة الايميل نفسه
    الفراغ الرابع حطوا الرقم السري او الباسوورد
    الفراغ الخامس اعيدوا كتابة الباسوورد نفسه





    بعد هالشي وبعد ماسجلنا انت الان عضو في الموقع

    وراح اتحصل اسمك فوق مكتوب قبلة not كذا

    الان انت مسجل وتقدر اتروح تشتري اللي تبي

    لاحظوا فوق في الصورة





    الان اذا انت تبي تشتري شي اكتب اسمه في البحث وسو بحث للاشياء

    ولا حصلت اي شي من بين الصور والصفحات اضغط عليه بتطلعلك هالصفحه

    وانا استخدمت مثال اني راح اشترفي كفرات للايفون مثلا

    اذا انتم تبون هالشي اضغطوا على الخيار اللي في الصورة

    وهي انكم اتحطون غرضكم في السلة الخاصه في الموقع





    بعد ماحطيتوا الغرض اللي بتشترونه في السلة بتلاحظون ان السلة صار فيها الشي اللي

    اخترتوه وبسعره اللي بالدولار مثل هالصورة

    واذا مثلا اكتفيتوا من ترس السلة اضغطوا على نفس الخيار اللي عليه السهم

    على شان طريقة الدفع وملئ الفراغات الخاصه في التوصيل على بريدكم اللي

    في امريكا







    وبعد ماضغطتوا على الخيار اللي قبل اشوي راح تطلعلكم صفحه فيها ايميلكم

    ويقولكم حطوا الباسوورد الخاص في امازون لانه يخافون حد يستخدم اشتراكم

    لان موقع امازون يحفظ معلوماتكم ااذا شريتوا من قبل فيه

    يعني المره الاولى بس اللي اتعبون فيه الخيارات المرات الجايه ماراح اتعبون شي

    بس نكس نكست

    المهم خلونا في المره الاولى على شان نتعلم
    لاحطيتوا الباسوورد اضغطوا sign in






    الان هذي الصفحه فيها عنوانكم اللي في امريكا وبريطانيا اللي وصلكم على بريدكم الالكتروني

    من ارامكس

    اذا الغرض من امريكا حطوا بريدكم اللي في امريكا .. ولاحظوا انه بريدي موجود فوق

    والفراغات اللي تحت انتوا عبوها نفس ماهو بريدي اللي في الصورة

    بتحصلون ايميلاتكم اللي في امريكا نفس بريدي بالضبط بس يختلف فيه شي بسيط


    ولاحطيتوا بريدكم كامل نفس طريقتي اضغطوا على ship to this address






    الان راح يطلعلكم شي خاص في الشيبينغ او التوصيل

    يعني كيف تبون المحل اللي شريتوا منه يوصلكم الاغراض اللي شريتوها

    يعني تبون بأسرع وقت ولا ماتبونها مستعجل تبونها على راحتهم

    الخيار الاول هو ستاندر يعني العادي

    الخيار الثاني خلال يومين يوصلكم الغرض

    الخيار الثالث خلال يوم واحد يوصلكم الغرض لبريدكم


    وهذي تختلف من محل لمحل في التوصيل

    وبعد ماتخلصون اضغطوا على كونتنيو او continue





    الان وصلنا لمرحلة ادخال الفيزا او الماستر كارد

    اختاروا مثلا الماستر كارد وحطوا الرقم الطويل المكون اعتقد من 16 رقم

    وبعد ماتحطونها فيه خيارات لتاريخ انتهاء البطاقة الشهر والسنه

    يعني بتحصلون في البطاقة الماستر كارد مكتوب مثلا 8/10
    يعني شهر 8 وسنة 2010

    وبتحصلون شي اسمه سيكيوتري وهذا هو الرقم السري الخاص بالبطاقة الفيزا

    بتحصلونها قريب من الرقم الطويل عباره عن ثلاث ارقام حطوهم واضغطوا كونتنيو






    الان وصلنا لااخر خيار وهو خيار يخبرك فيها بالاشياء اللي شريتها وبالسعر النهائي اللي بتدفعه ويخبرك بالعنوان مالكم اللي بترسله الغرض ويخبرك ايضا برقم الفيزا اللي بياخذها منكم


    اذا كل الاشياء تمام اضغطوا على العلامة اللي عليها السهم وخلااص مبروك عليكم الغرض






    وبعد ماخلصنا انتظروا يومين او ثلاثه وادخلوا على موقع ارامكس

    وادخلوا باسووردكم في الموقع وايميلكم

    بتحصلون فيه شي وصل في بريدكم اللي في امريكا

    لان شركة ارامكس يعطيكم خيار انه فيه شي وصل في بريدكم في امريكا مثلا

    ويقولكم وين الحين وصلت شحنتكم ومتى راح توصل الدوحه

    ويراويكم سير الرحله الخاصه للشحنه من امريكا للدوحه




    =============

    وااسف اذا قصرت في شرحي واي سؤال في هالخصوص او توهقتوا في شي

    خبروني على الخاص او من خلال هالموضوع وان شاء الله ارد عليكم بما يفيدكم

    وااسف للاطاله


    للمعلومية اخواني انا ولد ...


    تمنياتي لكم بالتوفيق
    التعديل الأخير تم بواسطة jojo ; 08-05-2010 الساعة 12:13 PM

  2. #2
    عضو مميز
    رقم العضوية
    20396
    تاريخ التسجيل
    May 2008
    المشاركات
    7,694
    خوووش شرح

    كفييت ووفيت...اخووي

    مجهوود مشكور عليه..

  3. #3
    عضو الصورة الرمزية بوحسن22474
    رقم العضوية
    31721
    تاريخ التسجيل
    Apr 2010
    الدولة
    قــطــر
    المشاركات
    347
    تسلم يالشيخ على المعلومات الطيبه ,,,
    جزاك الله خير ,,,,,,,,

  4. #4
    عضو مؤسس
    رقم العضوية
    12928
    تاريخ التسجيل
    Apr 2007
    الدولة
    قطر + الامارات
    المشاركات
    17,707
    تسلمييييييييييييين غاليتي
    اللهم لك الحمد والشكر والقضل والمنة
    مشروعي الجديد
    Glitter oud انستغرامي glitter.oud

    Glitter abaya انستغرامي glitter.abaya_

    ارقامي ٥٥٦٩٩٠١٢ قطر
    ٠٠٩٧١٥٦٨٨٩٩٩٩١ الامارات


  5. #5
    عضو
    رقم العضوية
    26642
    تاريخ التسجيل
    Jul 2009
    المشاركات
    465
    مشكوووورين اخوانا اللي ردوا على الموضوع

    واختي مشتاقه ترى انا ولد

  6. #6
    عضو الصورة الرمزية المعنى88
    رقم العضوية
    31869
    تاريخ التسجيل
    Apr 2010
    المشاركات
    372
    مشكور يا جوجو ........... بس ماشرحت الأرامكس بالصور

    لكن ممكن التسجيل لخدمات التسوق عبر الأنترنت من دون ماتروحون مكتب الأرامكس شوفوا الرابط:

    http://www.aramex.com/shoppingServices/default.aspx
    التعديل الأخير تم بواسطة المعنى88 ; 08-05-2010 الساعة 12:41 PM

  7. #7
    عضو الصورة الرمزية المعنى88
    رقم العضوية
    31869
    تاريخ التسجيل
    Apr 2010
    المشاركات
    372
    الرابط الموجود سهل وباللغة العربية للتسجيل وشرح المعلومات واضح بالعربي

    لكن نقطة مهمة لما تسجلون في الأرامكس بأيميل والبيانات تكون باللغة الأنجليزية

  8. #8
    عضو
    رقم العضوية
    28429
    تاريخ التسجيل
    Sep 2009
    الدولة
    القلب الابيض
    المشاركات
    257
    شرح طيب jojo
    وخدمة للكثير من الاعضاء

  9. #9
    عضو مؤسس
    رقم العضوية
    12914
    تاريخ التسجيل
    Apr 2007
    المشاركات
    3,519
    موضوع يستحق التثبيت بصراحة

  10. #10
    عضو نشط جداً الصورة الرمزية أبو طلحه
    رقم العضوية
    24111
    تاريخ التسجيل
    Feb 2009
    المشاركات
    1,147
    أخوي ممكن ايميلك ترسلي اياه ؟؟
    سبحان الله العظيم ... سبحان الله وبحمده

صفحة 1 من 7 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •