احم احم...ثم احم
غباء غباء غباااااااااااااء...اي نعم غباء...
بكل ماتحمله الكلمه من معنى...وبكل ما تنوصف من وصف...وبكل ما قد تقرب لاسوأ الكلمات...
اوصفها لبعض النسوان..."غبااااااااء"...
احيان تقول...هل هم يفكرون اصلا؟؟!!
هل عقلهم يجيه دم ويشتغل؟؟!!
هل يعرفون هم وش يسوون؟؟!!
ياولد شي غريب...ينرفز...يقفل بك...يقلب الموود...
يعني بالذمه...
وحده عمرها في الثلاثين...متزوجه...عندها عيال...وتبين للكل انها متدينه...وراعيه صلاة وصيام...
تقول...الحقوني ماعرف وش اسوي؟؟!!...طيب شسالفه؟؟...تعرفت على واحد في المنتدى...ومع الايام طلعت معاه...والحين يهددني يا اما اني اطلع معاه...او ينشر صوري ويفضحني حق العالم وزوجي...
وانتي وش تفكرين فيه؟؟؟...مادري مادري...طيب وش الحل اللي تشوفين انه افضل؟؟!!...
اني اسمع كلامه واطلع معاه...ولا انه يفضحني...!!!
اختارت انها تستمر في الخطأ على انها تنفضح...يعني ارتكبت اثم وجريمه فوق اللي هي سوته...
واحتمال اللي يهددها ماراح يسوي شي...مجرد يخرعها...ولو انها اختارت انها تنفضح ابرك لها...وان شاء الله اتوب وربي يغفر لها...
لكن
"غبااااااء نسوان"
في عمر الزهور...توها قطوه مغمضه...ماتدري عن العالم الخارجي...كانت في قفص بيتها...الوووو...الوووو...انتي مريم؟؟...لا انا شيخه...شخبارك يا شيخه؟؟...انت من؟؟!!...انا اممم ماعرفتيني؟؟!!...طوط طوووط طوووط...
ترن ترن...ترن ترن...
مسج...انا انعجبت بصوتك...احس انه دافي...وجميل...واحس اني ذبت منه واطارت اعلومي...
تصدق...الكل يقول ان صوتي حلو...
ترن ترن...هلا...اخبارك شيخه...الحمدلله...بعد وش سويتي وين رحتي ووين جيتي؟؟...
اول شي...غلطت انها ردت وقالت اسمها...
وبعدها سوت الصح وسكرت في وجهه...
لكن غلطت لما ردت على السمج اللي هو طرشه...يعني ابدت بوادر ان ماعندها مشاكل...
النفس دياما تدعوا للغلط...لكن لازم تكون حازم...وتقطع الشي من جذوره...
ولو انها عطت التلفون حق اخوها او ابوها كان ازقره وماراح يتصل مره ثانيه...
لكن خوفها ان اخوها او ابوها راح يشكون او تضعف ثقتهم فيها...خلاها ما تعطيهم الجوال او حتى ما تقول لهم...
لكن
"غبااااااء نسوان"
فيلاجيو يحييكم...اوش اوش...ابوووووك يالرص...اويلاه على بنات قطر بس...لا وعطر ديور بعد...588...
احترم نفسك لو سمحت...جليل حيا...
اشفيها ذي؟؟؟...الدفه راصه على جسمها...والوجه هي والمهرج واحد من كثر المكياج...والقذله شبرين قدام...ويوم جيت ارقمها...تزقر؟؟!!...الظاهر لاني مارويتها اسويك (مفتاح) البنتلي...
لابسه لبس اغراء...ومكياج عرس...وكل بوادر ومعطيات تعال رقمني...ورايحه مجمع...وماتبغين حد يغازلج؟؟!!...ومعصبه بعد...
احتشمي...واستري نفسك...وخافي ربك...
لكن
"غبااااااء نسوان"
سكييير...قمااااار...راعي بنات...ومشاكل...طيب ليه ما اتطلقين منه؟؟؟...لا لا ماقدر...تحبينه؟؟؟...تعزينه؟؟...لا...لا...طيب وش اللي مصبرج عليه؟؟؟...ها...مادري...
وشو مادري؟؟...اقصد...اخاف من نظرة المجتمع للمطلقه...ونظرة الناس لي لما اتطلق...
بس انتي سويتي كل اللي عليج عشان تغيرينه ومانفع...كم سنه معاه ومافي فايده فيه...لا لا ماقدر عيالي كيف بيعيشون بدون ابو...يعني الحين هو مهتم فيهم؟؟؟...لا...طيب وش افرقت...مادري مادري...اهم شي انتي مستانسه عايشه معاه؟؟؟..."لا"
تفكر في الناس ومافكرت في نفسها...وعمرها اللي يضيع في كدر وهم...وهي همها بس كيف عيالها يعيشون بدون اب...ونظره اهلها لها...
سبحان الله...ربي ما حلل الطلاق الا لسبب...وهالحاله من هالاسباب...
دام سويتي اللي عليك وحاولتي معاه انه يتغير ومافاد...وانتي عايشه في كدر وحزن...ليه صابره؟؟!!...
تطلقي...وعيشي حياتك...وربي سبحانه بييسر لك امورك...دامك صبرتي في البدايه وتحملتي ومافاد...لان الصبر له حدود...مب تعيشين حياتك محبوسه للهم والكدر...
وعيالك وان ماكان اب يربيهم...ياما من الناس الناجحين في حياتهم واللي ابهروا العالم كانوا ايتام...فا هذا مش معيار...
لكن
"غباااااااء نسوان"
اتمنى رسالتي اوصلت...في امثله كثيره...لكن ماحبيت اطول بالموضوع...ونترك لكم المشاركه...وانا اخترت الصور اللي اشوف انها تغطي بعض الجوانب السلبيه في مجتمعنا القطري والخليجي بشكل عام...
قد تكون مجحفه...وشديده نوعا ما...لكن...انا فضلتها كذا...
وان كان عندكم بعض من "غباء نسوان"
هذا لا يمنع تشاركونا فيه...
ويامرحبا بكم...
|
المشاركة الأصلية كتبت بواسطة البدع
[/SIZE] 
