ألة تفقيص البيض

[butterfly qatar]

السلام عليكم ورحمة الله وبركاته

اخواني / اخواتي

انـا بنت قطريه عمري 19 سنه أحب الكتاكيت من صغري

كانت أول تجربه لي من كم سنه حاولت اسوي ألة تفقيص بيض والحمدلله ضبطت معاي طبعاً بمساعدة والدي الله يخليه لي وعقب ماجربتها كانت فعلاً فعاااله

الجهاز عباره عن حاضنه لتفقيص البيض طبعاً الأله سهلة الأستعمال لانه حجمها متوسط تقدرون تحطونها في أي مكان وحلوووه لكم كبدايه للي حابين يبتدون في مشروع الدواجن

وأبـي اوضح لكم بعض النقاط من تجاربي السابقه طبعاً الحين ماقمت أربي كتاكيت لضيق الوقت والجامعه

لكن قبل لا اعتمد على الامهات ( الدجاج ) وقت حضانة الدجاجه للبيض كنت الاحظ هناك شجارات تصير بين الدجاج مثلاً 3 دجاجات يريدون مشاركة البيض نفسه في نفس العش وطبعاً في فواااائد وايد لها ...


طبعاً أنواع الفقاسات كثيرة .. وتقنياتها متعدده .. وأحجامها مختلفه ..
لكنها قد تشترك جميعا بسعرها المرتفع نسبيا ..

ولكن عنـدي ..

الاَله اسويها بـ 450 ريـال
يعني يابلاش

وان شالله بتدعووووووون لـــي ...

وقريب بنزل لكم صور ان شالله

والي مب حاب يطلب يدعي لي ويعطيني رايه في الفكره

وبلـــيز حبايب قلبي
ماسمح حق حد ياخذ فكـرتــي...

أحبكم في الله

اختكم sportya rw3a ..

[أم البنات]

وأخيراً لقيت وحده نفس ميولي
سويت مكاين تفريخ وكنت أوزعهم على المعارف وبعت منهم القليل

كنت أسويهم أخذ ثلاجه قديمه وأفضيها وأنظفها أو كبت قديم وأحيانا تصميم خاص ومرتب
كل شي جربته

بس الحين لما كبروا البنات ودخلوا المدرسه أنشغلت بتدريسهم

وبالتوفيق لج يارب

والظاهر أحنا يالقطريات مبدعات بس محد أكتشفنا

[babyskin]

الله يوفقج
فكرة حلوة خصوصا من بنت

[ازمة مالية]

الصراحة شئ عجيب ماتوقعت البنات لهم هالافكار وسعر مقبول جدا
بتوفيق ان شاء الله لبنت بلادي

بس ممكن نعرف اشلون سويتيها

[alshams]

طيب ممكن نشووووف الصور

وكيف هي كبيره. لو صغيره

وتنفع لاي بيض ولا لازم بيض دياي

ممكن بيض بط نعام وخلافه


؟؟؟؟

ارجوا الافاده لاني حابه اخذ وحده بس اشوف الحجم واتجاوبين ع الاستفسارات


وبانتظارج

[كركم]

اختي انا بعد كانت عندي نفس التجربة وهواية حلوة..بس فقاصه البيض اللي عندي كان عيبها اني لازم اقلب البيض بنفسي كل فترة..واللي اعرفه ان في فقصات تقلب البيض بشكل اتومتيكي..مادري ؟ اللي عندج من اي نوع

[حوت الأسهم]

بالتوفيق

[مشتاقة لقطر]

احيي المبدعات من بنات بلادي

[butterfly qatar]

فـــــــــــــديتكم والله

حجمها متوسط واقدر اسويها بحجمين

والادوات جداً بسييييطه

وان شالله قريب بنزززل لكم صور بس لانه سويت وحده وانباعت على طول ومامداني اصورها

بسوي وحده ان شالله بصورها لكم

والمكينه لازم تحركينها يدوياً احسن وأفضل للبيض

والمكينه تصلح حق أي بيض بس لازم يكون عندك خبره يعني بيض الدجاج كل 21 يوم يفقص ولازم تحركون البيض فاليوم تقريباَ 3 مرات اما البيض الباقي والله ماعندي فكره

وتقدرون تتحكمون بدرجة الحرار والإضائه

وعيالكم يقدرون يشوفون البيض وهو يفقص لانه في زجاج

[بوغزلان28]

والله شي صراحه بس في سؤال في بالي البيض اللي احطه بالجهاز , يكون مال الدكان يعني اللي ينباع بـ 13 ريال

واثني على شغلج صراحه بالمواصله ما تدرين امكن عقب اتسوين فقاصة اتشيل 300 بيضه