مدرسة رويال الدولية

[القيادي]

ممكن احد يقدر يفيدني عن مدرسة رويال الدولية في الريان وعن مدى كفائتها من ناحية التعليم والتنظيم , وهل من ناصح لي بأن اسجل ولدي بالمدرسة .


ولكم جزيل الشكر

[الدم البنفسجي]

تعبانه الشيخ واهم شي الفلوس قبل تعليم عندهم وتقدر تمر عليهم تشوف المبناء مايصلح حق مدرسه
العام دخلت ولدي عندهم اسبوعين وطلعته من عندهم اذا تبين روضه عندك روضة معيذريمدحونه

[العقل الحر]

الصراحة ماقدر احكم عليها من جميع النواحي

ولكن بحكم عليها من ناحية اختي الصغيرة (( عمرها 4 سنوات ))

تدرس عندهم والحقيقه تنقال انها سارت تعرف تكتب وتعرف الحروف وتعرف الارقام بوجه عام

والمدرسة منها فائدة

[قطرية7]

اول مرة اسمع بها مااعتقد زينه دام انها مو معروفه

[Gh2o]

فلوووس يبون فلوسك تدريس اي كلام والاداره اي كلام انا كنت مدخل بناتي وطلعتهم ماستفادوا منها ولا شي وكل سبوع مدرسه مفنشه من عندهم مديرتهم ماعندها اسلوب بالتعامل مع المدرسات وبالاخير اليهال الي ينضرون . انصحك تبتعد عن هالمدرسه

[القيادي]

وبردود الأغلبية بأنها ماتنفع راح اتجنبها وجزاكم الله خير وياليت من يفيدني عن (روضة الفيصل ) أو عن اي روضه اتكون بمدينة خليفة او الريان .

[auto body]

ممتازة انا ولدي فيها وعيال اخوي الحين ماشاء الله عليهم يتكلمون انجليزي ويعرفون يكتبون ويقرون وحافظين القران

[koketa]

انا رحت زرتها

منهجهم امريكي واللي يدرسونه عرب

اللي ما عجبني ان وقت اللي يخلصون المدرسه الباصات تدش داخل الحوش

والاسواء ان الحوش صغير و الاطفال منتشرين في كل مكان يعني الامان معدوم

واسعارها قريبه من المدارس الثانيه

لو تبي روضه زينه روضه معيذر

[اسباير]

اشدعوا للهدرجه 0000 بس ياليت اتفيدونا اكثر للهدرجه تجاريه

[اسباير]

طيب وش احسن النور والا رويال ياليت اتساعدوني