استفسار بالنسبه لشراء سياره

[!! nawaf !!]

السلام عليكم

حبيت اخذ رايكم بالنسبه لافضل السيارات .. وش الاحسن اشتري
اذا الاستخدام نسائي

والبدجيت 90 الف


دودج تشاجر سعرها 89 الف

هايونداي سنتافي سعرها 88 الف


وياربيت الي يعرف عيوب السيارتين مايبخل علينا بالرد ..

واذا تقترحون اي سياره ثانيه سوا كانت دفع رباعي او صالون ويكون سعرها اقل من 100

تحياتي
نواف

[ابن قطر]

انصحك لوجه الله اتجه للياباني ابرك

وبالاخص التويوتاااااا وعندك الكامري وافلون وحتى البرادو

وايضا النيسان اقصد المكسيما

ابعد عن الامريكي

وموفق

[!! nawaf !!]

مشكور اخوي على الرد

[فلفل حار]

نواف عليكـ الآفالون مستعمل آو آوريون ...
خاصة اللون الآســود وراح تتميز مع شوية تضبيط ورنقات ...

[_QTR_]

نواف خذ لك الهوندا الاكورد الجديدة وادعيلي

سيرفس ببلاش لين 60 الف على ما اعتقد

وضمان مدى الحياة

انا خذيت موديل 2006 كنت استعملها حق الدوام طريق لفان ورحت فيها 3 مرات العمرة

واللحين معطيها الاهل ..... والحمدالله عمري ما اشتكيت من الموتر

مكيف اوكي عزمها حلوووو وشكلها حلووو

وربي يوفقك يالغالي

[qatar-uae]

انا مع ابن قطر اشتر تويوتا ولا نيسان

[BoFahed]

عندك اخوي عندك شفر انفوي فورويل وسعره من التسعينات وعندك اخوي الماكسيما الجديده سعرها من 95 الف و كشخة ومطوره وركبتها حلوه وبالاخير ياباني ابعد عن الامريكي في الدوحه خصوصا غير موترالجمس والشفر

[أميرااالذوق]

مرحبا اخوووي

عليك بالاوريون عندي من اخر2006 والحمدلله عزم وصلابه اكثرمن الكامري

وعندك بعد الماكسيما مثل ماقالوا الاخوان ماعليها كلام!

بس التويوتا دولار


وبالتوفيق يااخوي

[جبل المحامل]

اخوي
بالنسبة للدوج بتغير 2011
الكوري نصيحة ابعد عنا لان مب عملي
عندك الكامري فل اوبشن اقل من 100 الف
ونفس الشي الالتيما الفل اوبشن 4 سليندو بحدو 92 الف
والمكسيما حلوة بعد