مساعدة: بغيت دراسة جدوى لمشروع مغسلة سيارات

[بـن عدوان]

السلام عليكم ورحمة الله وبركاته ...

مساكم الله بالخير جميعا ..

اخواني واخواتي الكرام ..

الصراحة فكرت في مشروع مغسلة سيارات بس مب عارف اسوي دراسة جدوى للمشروع.

ياليت الي عنده يفيدنا، حتى لو كانت بدون أسعار، بس اهم شي الطريقة

ولكم جزيل الشكر ,,

تحياتي للجميع

[البدع]

عندي ملاحظة من احد الاصحاب الي كان عنده مغسلة

ان البلدية تضيق على محلات غسيل السيارات

وان اغلب المغاسل بتكون في محطات وقود

[ورقــة أمــل]

شلون ممكن الواحد يسوي دراسة جدوى لمشروع؟

[بـن عدوان]

عندي ملاحظة من احد الاصحاب الي كان عنده مغسلة

ان البلدية تضيق على محلات غسيل السيارات

وان اغلب المغاسل بتكون في محطات وقود

هلا اخوي الكريم ..

اخوي انت متأكد بالخبر ؟

[البدع]

نعم

هذا الي خبرني فيه

كان عنده مغسلة في الغرافة (عند مكتب القطرية قبل كم سنة)

وباع السجل التجاري

على العموم ... توكل على الله

وبالتوفيق

ونصيحتي افتح محل بفكرة جديدة ... لان المغاسل متوفرة في قطر

[بـن عدوان]

نعم

هذا الي خبرني فيه

كان عنده مغسلة في الغرافة (عند مكتب القطرية قبل كم سنة)

وباع السجل التجاري

على العموم ... توكل على الله

وبالتوفيق

ونصيحتي افتح محل بفكرة جديدة ... لان المغاسل متوفرة في قطر

انا بحاول أتأكد اكثر عشان اكون متطمن

يعطيك العافية اخوي ماقصرت والله ..

واللي عنده الدراسة ياليت يفيدنا

[بـن عدوان]

للــــــــرفع

[قطرية فذة]

مغسله سيارات للحريم خاصه

[شموخ دائم]

,

,



مرحبا اخوي

هذي دراسه جدوى لمغسله سيارات محلين ( فتحتين )

من المهم اخوي تغير ارقام الاسعار على حسب الاسعار الي عندك ( ايجار المحل \ الراتب \ سعر الغسيل )
لان الدراسه هذي لمكان خارج قطر بس عشان تشوف الطريقه

دراسة جدوى مبسطة لمشروع مغسلة سيارات ثابتة بفتحتين

شرح المصروفات بحساب اليوم:

- قيمة جهازين ستيم جت = 21000 ريال x جهازين = 42000 ريال / 1095 يوم = 38 ريال في اليوم لتغطية التكاليف خلال 3 سنوات.

- إيجار محل فتحتين = 40000 ريالا كحد أقصى / 365 يوم = 110 ريال يوميا

- أجور عمالة = 1200ريال في 4 عمال = 4800 ريال / 30 يوم = 160 ريال يوميا

- ماء ومواد تنظيف ووقود تشغيل وكهرباء ومصروفات نثرية شهرية = 1200 ريال / 30 يوم = 40 ريال يوميا

إجمالي المصروف اليومي = 38 + 110 + 160 + 40 = 348 ريال

شرح الإيرادات اليومية :

غسيل السيارة الصغيرة مع التلميع = 40 ريال

- غسيل السيارة الكبيرة مع التلميع = 60 ريال

- تنظيف السيارة الصغيرة من الداخل = 95 ريال

-غسيل السيارة الكبيرة من الداخل = 150 ريال

- معدل إيراد الغسيل الخارجي والداخلي للسيارة الصغيرة والكبيرة = 40 + 60 + 95 + 150 = 345 / 4 = 86 ريال

نقطة التعادل اليومية للإيرادات مع المصاريف أي لا ربح ولا خسارة :

إجمالي المصروف اليومي 348 ريال / 86 ريال لغسيل السيارة = 4 سيارات يوميا لتغطية مصاريف المشروع

4 سيارات فقط يوميا كافية لتغطية مصاريف المشروع وما زاد عن ذلك يعتبر أرباحا صافية



من الضروري تعديل الاسعار في الدراسه على حسب الاسعار التي معاك بالواقع

كل التوفيق لك


,

,


اخوك



شموخ دائم

[فكتوريه]

مشكور شموخ دائم علي الشرح الوافي