مشروع خيري أنا مكلّف بدراسته وليس لدي خبره فيه

[سياتل]

السلام عليكم

ياجماعه والله إن المشروع خيري وكلفّت من أحد الشخصيات بدراسته لوجه الله

سألت ولحد الحين مالقيت أي إجابه خارج المنتدى ... ياليت اللي عنده دراية فيه يفيدني


المشروع إنتاج الدروع التذكارية بأنواعها ...

اللي أبي أعرفه ماهي الأجهزة المطلوبة في المشروع .. ؟؟

عرفت أن فيه جهاز الحفر والتقطيع بالليزر ... وغيره ؟ وتكلفته ؟ وأنواعه

هل الجهاز هذا ينتج جميع الأنواع مثل الأخشاب والأكريليك والزجاج والاستنستيل ؟؟

طلاء الدروع بالكرووم هل يتطلب أجهزة أخرى أم هي بنفس الجهاز ؟؟

ماهو تخصص الأيدي العاملة الفنية وخبراتهم المطلوبه ؟؟ جنسياتهم؟؟

والأسأله ستتوارد حين رد أحد المتخصصين في هذا المجال


وشكراً

[Gh2o]

مشروع خیری دروع?
غریبه اخوي وشله ماتعاقدون مع محل معروف احسن مثل ملک الهدايا ـــ

[سياتل]

ماغريب الا الشيطان

المشروع خيري وراح تستفيد منه عدد من الأسر القطريه

[سياتل]

للحين مافي ردود !!!

[شموخ دائم]

,

,


مرحبا اخوي

لانه موضوع خيري احاول يكون ردي مفيد لك

مكائن الحفر بالليزر



http://www.y o u t u b e.com/watch?v...layer_embedded

ياريت تمسح المسافه بين الحروف y o u t u b e العنوان وتشوف عمل المكينه

http://www.y o u t u b e/watch?v=UeV...eature=related

الشعارات على الزجاج والكتابه

وهذا الموقع الشركه الي يبيع المكائن

http://www.lttcorp.com/hot-4.html

عنوانهم في تايون تقدر تعرف الاسعار والشحن

Address : No. 121, Lane 99, Pu-Ding Road, Hsin Chu City, Taiwan 300,
Tel : 886-3-572-7772
Fax : 886-3-572-8898
E-mail : info@lttcorp.com

بحاول اشوف اذا لهم وكلاء او موزعين بالخليج

في دبي او السعوديه وارجع لك

اخوي الكريم لدراسه الجدوى قسم الموضوع الى 3 اقسام

1\ المعدات والمكائن عددها وسعر كل مكينه مع الشحن الى الدوحه

2\ الايدي العامله الي راح تشتغل عليها عددهم ورواتبهم وسكنهم

3\ المكان الي راح يتم العمل فيه او نحتاج معرض تكلفه الايجار والكهرباء والماء والديكور

المصروف الشهري المتوقع

المصروف السنوي المتوقع

كميه البيع المتوقعه بالشهر

المدخول المتوقع في الشهر

راس المال للمشروع

حتى تحصل على ارقام حقيقيه وليست مجرد توقعات علينا ناخذ المعلومه من السوق مباشره

انصحك تتوجه الى احد محلات بيع الهدايا داخل الدوحه

وقابل المدير مباشره ( القطري ) وقوله عن المشروع الخيري وستاذن منه ببعض المعلومات

وكلمه بصراحه انك محتاج معلومات في تفاصيل عمله

واطلب منه اذا ممكن تساعد بالمعلومات للعمل الخيري اكون شاكر لك وفي ميزان حسناتك

واذا هي من اسرار عملك فانا اتقبل رغبتك بالتحفظ واذا تقدر اي معلومه انا شاكر لك

وتاكد اخي الكريم انك راح تحصل على المعلومات الي تبيها من السوق وهي ارقام حقيقيه

ولا تعتمد على النت كثيرا

تطمن اخوي الناس لسه فيها خير وراح تحصل على معلومات دقيقه

على شرط تقابل صاحب المكان



وبالتوفيق لك

,


,

اخوك


شموخ دائم

[سياتل]

اخوي شموخ دائم

كعادتك دائماً متميز في الرد والمشاركة

بيض الله وجهك وجزاك خير

تقبل تحياتي أخوك سياتل