اما ان تدخل بمشروع جديد ... او خش فلوسك تحت البلاط

[البدع]

اغلبنا (وانا منهم في الماضي القريب) نفتح محل او مشروع مكرر وممتلأ في الدوحة

ولهذا نفشل

الدوحلة مليانه مطاعم

الدوحلة مليانة مغاسل

الدوحلة مليانه محل بيت هواتف

الدوحلة مليانه حلاليق

الدوحلة مليانه سوبرماركت

الدوحلة مليانه خياطين

فلماذا نقلد

منذ متى كان المقلد ينجح

ياليت كل واحد يحط اسم مشروع نادر في قطر او غير متوفر في سوق الدوحة

فالمنتج الجديد هو المرشح للنجاح

اما الي في الاعلى فمعروف ان في الغالب يخسر (مع تمنياتنا لهم بالتوفيق)

[ممنوع اللمس]

والله ياخوك مافي مشروع معين كل ما فكرت بمشروع طلع لي 5000 مشروع نفسه يعني تحطيم في تحطيم

خلها على ربك

بس المشروع اللي نادر
صالة افـراح

[بوحارب]

ماظن فيه شي اسمه مشروع نادر

اشوف مشروع مطعم هندي في سوق جديد جيد

[MP3]

اذا عندك ميزانيه يطلع لك النادر

[wadha-qa]

والله ما في احسن من المطاعم في مناطق العزاب

[البدع]

والله ياخوك مافي مشروع معين كل ما فكرت بمشروع طلع لي 5000 مشروع نفسه يعني تحطيم في تحطيم

خلها على ربك

بس المشروع اللي نادر
صالة افـراح

صالة افراح لاتعطى الا لبعض الناس

مثل احطات وقود ايام قبل

[البدع]

والله ما في احسن من المطاعم في مناطق العزاب

انا الدنيا علمتني ان الي يبيع شيء برخيص يطل طول عمره فقير

ارفض فتح مطعم لانها كثيرة في قطر

واذا بفتح مطعم فلازم يكون رااااااقي

راي شخصي والله اعلم

[البدع]

ماظن فيه شي اسمه مشروع نادر

اشوف مشروع مطعم هندي في سوق جديد جيد

بالعكس فيه مشروع نادر

مثال: محل يتخصص بتأجير مضيفات للافراح والعزاء في شارع سلوى

وأخر لبيع الرفوف للمحلات

هؤلاء بالفعل ناجحين

[البدع]

اذا عندك ميزانيه يطلع لك النادر

شخصيا

اشوف الي ماعنده ميزانية يشتغل في البروصة افضل له

اما مشروع مكرر .. فغالبا مصيره الفشل

[شموخ دائم]

,


,


مرحبا اخوي

الله يعطيك العافيه

بالنسبه للمشاريع المكرره مو شرط تكون خسرانه لسبب

قبل 6 سنوات تعداد قطر كان 700 الف شخص مع الاجانب

اليوم تعداد قطر قرب على ال 2 مليون مع الاجانب

وهذا سبب زحمه الشوارع وعليك تتخيل هذي الزياده في التعداد

وين تاكل ووين تلبس ووين تغسل ملابسها ووين تشتري تموين بيوتهم

لازم يصاحب الزياده السكانيه خدمات حتى لو كانت مكرره

وراح تكون مشاريع ناجحه اذا توافرت فيها اسباب النجاح

على سبيل المثال انا ما شفت في قطر مغسله ملابس مفلسه او معروضه للبيع او سوبر ماركت قفلت ابوابها

لا على العكس تكبر وتفتح فروع لها مع الوقت

لكن هذا ما يمنع ان نبحث عن الجديد والنادر بالسوق للتميز

انا اتفق معاك ان الافكار الجديده فرص نجاحها ممتازه

شفت في دبي شركه متخصصه في نقل اغراض الناس

اذا بيبدل بيته يتصل عليهم ويجون يشيلون اغراضه بطريقه مرتبه ومغلفه

ويركبونها في البيت الجديد او السكن الجديد سيارات لها لون معين وعليها اسم الشركه وتلفونهم بالخط الكبير

شوف بقطر كل يوم واحد منتقل من شقه الى شقه ومن بيت الى بيت

ويجلس يدور هنود وناس يشيلون اغراضه

مافي حد متخصص بهذا المجال

هذي فكره ما شفتها في قطر


الفكره بسيطه والمشروع صغير لكنها غير مكرره

دوله قطر ينقصها الاماكن الترفيهيه للعائلات والاطفال

اماكن محدوده جدا قطر عباره عن اسواق ومجمعات

ولايوجد ترفيه مثل دبي وهذا سبب سفر العائلات الى دبي لاتوجد العاب متخصصه للاطفال

تعداد العائلات اكبر من الاماكن المتاحه

ولكن الاستثمار في الترفيه يحتاج الى راس مال او الدخول مجموعه شركاء

شكرا على فتح الموضوع


,

,


اخوك


شموخ دائم