مشروع يديد ومحتاج المشوره %%%%%

[الجوكر90]

السلام عليكم ورحمه الله وبركاته
شحالكم ياجماعه الخير






انا بدخل فالموضوع ع طول
بس ابي الي يعرف وفاهم هالشغله يقولي وشو اسوي


المهم انا قررت افتح لي مغسله ملابس ( دوبي ) والحمدلله حصلت المحل وكل شي
بس ابي اعرف عدده نقاط:
1- من وين اجيب الاغراض؟
2-وكم عامل اشغل؟
3-من وين اجيب العمال الي يعرفون هالشغله؟
4-وين اسكن العمال؟
5-وشالي احتاجه عشان اخلص امور البلديه والرخصه؟
6- وكم راح يكلفني هالمشروع؟

والي مايحب يكتب خل يطرش لي رقمه ع الخاص وانا بتصله

والسموحه ع الطوله


.:. الجوكر90 .:.

[العضو الماسي]

من وين اجيب الاغراض؟ = اذا المحل صغير ومش مكلف من الدوحه واذا كبير عليك بدبي .
2-وكم عامل اشغل؟ هذي أنت تعرفها ممكن 3 ممكن 7 ... على حسب المساحه و قدرتك والمستوى الى بتفتح فيه المحل .
3-من وين اجيب العمال الي يعرفون هالشغله؟ في مكاتب تستقدم عمال مع خبراتهم . والشغله لاتحتاج الخبره الكبيره .
4-وين اسكن العمال؟ ممكن تسوي لهم غرفتين وحمام ومطبخ صغار اذا حوشكم عود . أو أذا عندكم أرض ملك تبني لهم بيت شبه ملحق بس اهم شي مايقل عن 100متر حتى يعطونك عليه رخصه كهرباء .
5-وشالي احتاجه عشان اخلص امور البلديه والرخصه؟ ممكن تكلم لك أي مندوب وهو يتكلف بكل شئ مقابل مبلغ مالي زهيد .
6- وكم راح يكلفني هالمشروع؟ ممكن يكلفك 50 ألف وممكن 300 ألف على حسب أنت والشغل الي تبغيه .

أخوك : الوو

وأي أستفسار أنا حاضر .

[حقل الشمال]

كثر الله من أمثالك أخوي الوو شرح وافي
بس حبيت أدعيلك في ضهر الغيب

[الجوكر90]

من وين اجيب الاغراض؟ = اذا المحل صغير ومش مكلف من الدوحه واذا كبير عليك بدبي .

هو محل باب واحد وصغير
انزين كم راح تكلفني المعدات؟

2-وكم عامل اشغل؟ هذي أنت تعرفها ممكن 3 ممكن 7 ... على حسب المساحه و قدرتك والمستوى الى بتفتح فيه المحل .

انا حطيت فبالي 2 لان محل توني فاتحه و2 كفايه

3-من وين اجيب العمال الي يعرفون هالشغله؟ في مكاتب تستقدم عمال مع خبراتهم . والشغله لاتحتاج الخبره الكبيره .

بس انا قلت اروح دوبي اتعامل معاه من سنين واساله اذا يقدر يجيب لي عمال فالدوحه يشتغلون احسن لان اذا بطلب بنطر وايد

4-وين اسكن العمال؟ ممكن تسوي لهم غرفتين وحمام ومطبخ صغار اذا حوشكم عود . أو أذا عندكم أرض ملك تبني لهم بيت شبه ملحق بس اهم شي مايقل عن 100متر حتى يعطونك عليه رخصه كهرباء .

لا ياخوي وين اسكنهم فالبيت عندي
مافي مكان حق العزاب لان ممنوع اسكنهم فالمحل فوق

5-وشالي احتاجه عشان اخلص امور البلديه والرخصه؟ ممكن تكلم لك أي مندوب وهو يتكلف بكل شئ مقابل مبلغ مالي زهيد .

بس انا ابي اعتمد ع عمري عشان اتعلم والحين انا اجازه واقدر اخلص اموري
واذا عن الرخصه والبلديه اقدر اقول حق ابوي وهو راح يخلصلي بمعرفته

6- وكم راح يكلفني هالمشروع؟ ممكن يكلفك 50 ألف وممكن 300 ألف على حسب أنت والشغل الي تبغيه .

انا مابي دوبي فايف ستار
دوبي مثله مثل غيره لا اكثر
لان هاي اول محل افتحهأخوك : الوو

وأي أستفسار أنا حاضر .

وتسلم اخوي وماقصرت ع المعلومات الوافيه
ولاهنت

[الجوكر90]

كثر الله من أمثالك أخوي الوو شرح وافي
بس حبيت أدعيلك في ضهر الغيب

تسلم ع المرور
ولاهنت

[وهم قطر]

لله يوفقك

سكن العمال بأمكانك تزيد 300 ريال على رواتبهم وهم يتكفلون بعمارهم هم ادرى

كلم اي عامل تعرفه وخله يسنع لهم السكن

وبالتوفيق

[الجوكر90]

لله يوفقك

سكن العمال بأمكانك تزيد 300 ريال على رواتبهم وهم يتكفلون بعمارهم هم ادرى

كلم اي عامل تعرفه وخله يسنع لهم السكن

وبالتوفيق

تهقى جي
تسلم اخوي وماقصرت
وبالتوفيق ان شاء الله

[fmmja]

1- من وين اجيب الاغراض؟:من دبي اوفر لك
2-وكم عامل اشغل؟ اذا المغسله صغيره 4 اثنين حق الكوي واحد حق الغسيل واحد حق الحسابات ويستلم الطلبات من الناس
3-من وين اجيب العمال الي يعرفون هالشغله؟ شغلت الكوي مر على اقرب مغسله فيها هندي يشتغل فيها او سريلنكي على حسب الفيز الي عندك واساله من يعرف وعطه ميه ولا ميتين وبيجيب لك جوازاتهم وجيبهم عن طريقك اوفر واحسن لك على شان عن طريق مكتب راح اتكلفك وماتسوى عليك
4-وين اسكن العمال؟ اذا كان المحل عود سكنهم فيه انا اشوف اغلب العمال يسكنون في المحل اذا كان ميزانين وهذا اوفر لك بس لا يدري المؤجر
5-وشالي احتاجه عشان اخلص امور البلديه والرخصه؟مالها اي داعي لاي مندوب روح ابنفسك لقرب بلديه قريبه من المحل وقول لهم وراح يطلعون معك واحد راح يقول لك حط الوحه وراح يقولك التفاصيل الي يبونها وفك عمرك من المندوب الي راح ياخذ افلوس على الفاضي والله ياهل قطر احنا مشكلتنا نعتمد عليهم وياخذون منا افلوس على الفاضي
6- وكم راح يكلفني هالمشروع؟ اذا انت ريال راص على نفسك وراح اتسوي الطريقه الي قلت لك مابين 35 الى 45 الف وبتوفيق انشاء الله واتمنى اني خدمتك ابشي

[بوصلوح]

من وين اجيب الاغراض؟ = اذا المحل صغير ومش مكلف من الدوحه واذا كبير عليك بدبي .
2-وكم عامل اشغل؟ هذي أنت تعرفها ممكن 3 ممكن 7 ... على حسب المساحه و قدرتك والمستوى الى بتفتح فيه المحل .
3-من وين اجيب العمال الي يعرفون هالشغله؟ في مكاتب تستقدم عمال مع خبراتهم . والشغله لاتحتاج الخبره الكبيره .
4-وين اسكن العمال؟ ممكن تسوي لهم غرفتين وحمام ومطبخ صغار اذا حوشكم عود . أو أذا عندكم أرض ملك تبني لهم بيت شبه ملحق بس اهم شي مايقل عن 100متر حتى يعطونك عليه رخصه كهرباء .
5-وشالي احتاجه عشان اخلص امور البلديه والرخصه؟ ممكن تكلم لك أي مندوب وهو يتكلف بكل شئ مقابل مبلغ مالي زهيد .
6- وكم راح يكلفني هالمشروع؟ ممكن يكلفك 50 ألف وممكن 300 ألف على حسب أنت والشغل الي تبغيه .

أخوك : الوو

وأي أستفسار أنا حاضر .

انا مع اخوي الوو في كل الي قاله هاي عين العقل وبالعكس انت بتوفر على نفسك وايد اذا تقدر

ويعل ربي يوفقك

[الجوكر90]

1- من وين اجيب الاغراض؟:من دبي اوفر لك

تهقى اروح هناك واشتري
2-وكم عامل اشغل؟ اذا المغسله صغيره 4 اثنين حق الكوي واحد حق الغسيل واحد حق الحسابات ويستلم الطلبات من الناس

انا قلت بجيب 3 والغسيل والكوي كلهم يعرفون يسوون هالشي
3-من وين اجيب العمال الي يعرفون هالشغله؟ شغلت الكوي مر على اقرب مغسله فيها هندي يشتغل فيها او سريلنكي على حسب الفيز الي عندك واساله من يعرف وعطه ميه ولا ميتين وبيجيب لك جوازاتهم وجيبهم عن طريقك اوفر واحسن لك على شان عن طريق مكتب راح اتكلفك وماتسوى عليك

وهاي الي فكرت فيه
4-وين اسكن العمال؟ اذا كان المحل عود سكنهم فيه انا اشوف اغلب العمال يسكنون في المحل اذا كان ميزانين وهذا اوفر لك بس لا يدري المؤجر

لا ممنوع عليها مخالفه
5-وشالي احتاجه عشان اخلص امور البلديه والرخصه؟مالها اي داعي لاي مندوب روح ابنفسك لقرب بلديه قريبه من المحل وقول لهم وراح يطلعون معك واحد راح يقول لك حط الوحه وراح يقولك التفاصيل الي يبونها وفك عمرك من المندوب الي راح ياخذ افلوس على الفاضي والله ياهل قطر احنا مشكلتنا نعتمد عليهم وياخذون منا افلوس على الفاضي

مب مساله الفلوس
لان انا ابي افتح اكثر من محل وابي اتعلم ماحب اقعد واشوف شي ومافهمه

6- وكم راح يكلفني هالمشروع؟ اذا انت ريال راص على نفسك وراح اتسوي الطريقه الي قلت لك مابين 35 الى 45 الف وبتوفيق انشاء الله واتمنى اني خدمتك ابشي

اي حتى انا توقعت اكثر شي بدفعه 50 الف

تسلم يالذيب وماقصرت
ولاهنت