محتااااره .. ابي رايكم

[MiSsY]

السلام عليكم ورحمة الله وبركاته

شحالكم يا اعضاء

انا محتاره ابي اخذ لي سياره ومب عارفه أرسي ع شنو

بالاول عجبتني البورش كيان قالوا لي اخذي كيان اس لانها انسب للبنات واستخدامها مريح
وردوا حطموني وقالوا خرابها وايد وعادي لو اختربت توقف عليج ف نص الشارع
وانا هني خفت

ودشت ف خاااااااطري بي ام اكس 6 بس قالوا لي قطع غيارها غاليه وايد
و الفردان مايرحم خبركم و غير هاي كله انها صغيره من داخل ماتكفي الا ل 4 اشخاص
2 جدام و2 ورى ولووو اضعاف ضعاف 3 ورى

وقلت مافي الا الرنج وردوا قالوا لي ماتصلح لج
سياره شبابيه مب مالت بنات

ماعرف شاخذ

وانا ماعرف اسوق صالون كلللللش لازم فوريل
وماحب السياير الي يسوقونها البنات
الانفنتي جنها جوتي تلوع الجبد
و في سياره تويوتا مادري شسمها نفس البورش كيان احسها مب شي وكفايه انها تويوتا ماحب هالشركه كلش
وفي منها لكزس ماعجبتني كلش احسها مب كشخه وحرام شركة لكزس مصنعتها اصلن واوردي عندنا كذا سيارة لكزس ف البيت ف ابي اغير

ومابي سياره كبيره وايد مثل لكزس ولا تويوتا الفوريل
ابي شي بنوتي بس فوريل
الي تجي بحجم البورش كيان


والحين بعد ماشكيت لكم معاناتي
من يشور علي ؟ شاخذ ؟
شرررررررررط فوريل

شاكره لكم

[بوطلال71]

صباح الخير اختي ..اما بخصوص البورش ثمانيه سلندر اس ..ماسمعت عنها ذيك المشاكل والكلام اللي قالو لج اياه مبالغ فيه نوعا ما..والاجمل مافي الامر ان توه الموتر متغير يعني تاخذين الموتر وتدرين انه ماراح يتغير الا عقب فتره طويله وهالشي جيد من وجهة نظري..اما اذا لج خاطر بسياره ثانيه..المرسيدس الفوريل 500 ام ال ..بس فيه كلام عليها انها راح يتغير شكله ع السنه الجايه والله اعلم ..والتوفيق للجميع ..سبحان الله وبحمده ..سبحان ربي العظيم

[المليونير الفقير]

اختي انا جربت كل انواع السيارات وانصحج بالاودي الفوريويل q7 سياره بمعنى الكلمه ومافيها عطالات والسيرفس مافي زحمه واسعارهم معقوله

[قطري009]

انا اشوووف ان احسن سياره لج العروي

شوفي اختي حطي في بالج ان السيارات الفخمه مثل
البورش والرنج والمرسدس ML
والكزس والبي ام

لزم يكون قطع غيارهم غااالي لانه مايتغير بسرعه ويطول يمكن اكثر من سنه لزم تكون القطع غاليه وبعدين هذي السيارات يبيلها صياانه دووريه في الوكاله يعني لوحد اشتغل فيها برع بيقولون طاح الضمااان
بعدين شوفي الجي اكس او الفي اكس ار او اللكزس الفورويل

ونصيحة اخو حق اخته لا تفكرين في غير هذي السيارات بس حطي في بالج انها ماتشيل غير 4 اشخااص مع السائق

[كركم]

عندج الله يسلمج الطوارق موتر حليو وبنوتي ..
وفي موتر ثاني يمكن يعجبج دخلي على اليو تيوب وشوفيه GMC Acadia

[Khaled Qatar]

رنح او bm

يكفي عليها ضمان 3 او 5 سنوات

يعني بس تعبين بترول وتمشين

وكل شي على الشركه

واذا عن قطع الغيار لا سمح الله اذا سويتي حادث فأكيد بتكون السياره تأمين شامل

يعني بعد لاتحاتين من هالنقطه

وايد مصعبه الموضوع على نفسج وهو سهل

[fahad1]

Bmw x6 بصراحة راكبه على البنات

[مستثمر 999]

اختي الكريمه

من احسن السيارات

1- بي ام اكس 5 واكس 6 كل شي على الضمان وممكن تمديد الضمان يعني ايل وبترول

2- اودي Q5 حلوه ولبجه وسعرها معقول

3- كدلك اعتقد SRX موديل 2010 ( عندي cd عن مواصفات السياره ) والضمان 4 سنوات او 100000 كم شامل الصيانه المجانيه وكل شي عليهم ...... يعني ما عليج الا البترول

4 -والرنج سبورت بدون سوبر يناسب البنات ونفس الشي مع الضمان والصيانه المجانيه

عيب البورش فقط ان الشكل تغير ونفس الشي مه مرسيدس ML الشكل بيتغير قريب

[بو خليفه 123]

من قال شركة الفردان ماترحم ؟

بالعكس افضل وكاله تعاملت معاها من ناحية خدمه هي شركة الفردان ..

و للعلم جميع السيارات الجديده لدى وكالة الفردان للسيارات تحت الضمان

والضمان يشمل جير , مكينه , تبديل زيت و فلتر , سفايف , درام ويل .. كل هالامور اللي بتدفعين فيها فلوس في وكالة البورش والنيسان راح توفرينها في البي إم ..

[MiSsY]

صباح الخير اختي ..اما بخصوص البورش ثمانيه سلندر اس ..ماسمعت عنها ذيك المشاكل والكلام اللي قالو لج اياه مبالغ فيه نوعا ما..والاجمل مافي الامر ان توه الموتر متغير يعني تاخذين الموتر وتدرين انه ماراح يتغير الا عقب فتره طويله وهالشي جيد من وجهة نظري..اما اذا لج خاطر بسياره ثانيه..المرسيدس الفوريل 500 ام ال ..بس فيه كلام عليها انها راح يتغير شكله ع السنه الجايه والله اعلم ..والتوفيق للجميع ..سبحان الله وبحمده ..سبحان ربي العظيم

والله ياخوي كلامك شجعني على البورش
لان انا من قبل سئلت وايد اشخاص كانت عندهم الجي تي ار وقالوا لي خرابها وايد
وحتى الاس توقف لو صار اي عطل

وانا شفت المرسيدس ماعجبتني حسيتها مب بفخامة ساسير المرسيدس الصالون

وشاكره لك مرورك