محتااااره .. ابي رايكم

[MiSsY]

اختي انا جربت كل انواع السيارات وانصحج بالاودي الفوريويل q7 سياره بمعنى الكلمه ومافيها عطالات والسيرفس مافي زحمه واسعارهم معقوله

اخوي الاودي اي وحده الي علامتها حرف w

ولا الي جنها حلقات دواير

ماعرفتها ترى بس لو تقصد الي حرف الw ماحبيت شكلها
مع احترامي لجميع الجنسيات بس كل الي يسوقونها فلسطينيات
رفيجاتي بيطتنزون علي لو خذتها هههههههههه

[دنهل]

اخذي بوغاتي ترى حلوة وعملية وسعرها حلو خاصتأ ان اليورو نازل صدقيني ماراح تندمين

[MiSsY]

انا اشوووف ان احسن سياره لج العروي

شوفي اختي حطي في بالج ان السيارات الفخمه مثل
البورش والرنج والمرسدس ML
والكزس والبي ام

لزم يكون قطع غيارهم غااالي لانه مايتغير بسرعه ويطول يمكن اكثر من سنه لزم تكون القطع غاليه وبعدين هذي السيارات يبيلها صياانه دووريه في الوكاله يعني لوحد اشتغل فيها برع بيقولون طاح الضمااان
بعدين شوفي الجي اكس او الفي اكس ار او اللكزس الفورويل

ونصيحة اخو حق اخته لا تفكرين في غير هذي السيارات بس حطي في بالج انها ماتشيل غير 4 اشخااص مع السائق

اتخيل نفسي ف عراوي ههههههه مالي حل


اخوي انا عارفه ان يبيلها صيانه دوريه اشوف هلي ف البيت كل شوي ف الوكاله ولا هاذي اللكزس ف اقول ف بالي عيل البي ام شلون
بس انا خاطري فيها ومحد شجعني عليها

اما بالنسبه للصور الي انت حاطهم كللللللللش مب مفكره ف الانفنتي شكلها يضحك هههههههه
اما الكزس هي زوينه لكن الله يهديهم لو يغيرون تشكيلتها شوي ويشلون هالرفرف الي فوق

شاااااااااااااكره لك كلامك الطيب

[MiSsY]

عندج الله يسلمج الطوارق موتر حليو وبنوتي ..
وفي موتر ثاني يمكن يعجبج دخلي على اليو تيوب وشوفيه GMC Acadia

اخوي طوارق ماعرفته ذي شنو هههههههه

بس الجمس الصغير شفته ماعجبني حسيته دفش مب بنوتي


شاكره لك مرورك

[MiSsY]

رنح او bm

يكفي عليها ضمان 3 او 5 سنوات

يعني بس تعبين بترول وتمشين

وكل شي على الشركه

واذا عن قطع الغيار لا سمح الله اذا سويتي حادث فأكيد بتكون السياره تأمين شامل

يعني بعد لاتحاتين من هالنقطه

وايد مصعبه الموضوع على نفسج وهو سهل

اخوي انا مالي خبره واذا اسئل هلي يحطموني
وانا صج خاااااااااااطري ف البي ام

مشكووووووووووووور ترى صج صج شجعتني ع البي ام

[La Bella]

أخذي x5
أو ML
حلوين وأحسن من الأنفنتي واللكزس

[MiSsY]

Bmw x6 بصراحة راكبه على البنات

اييي وانا خاطري فيها بس كنت متردده

شكلي خلاص بعزم عليها

[MiSsY]

اختي الكريمه

من احسن السيارات

1- بي ام اكس 5 واكس 6 كل شي على الضمان وممكن تمديد الضمان يعني ايل وبترول

2- اودي Q5 حلوه ولبجه وسعرها معقول

3- كدلك اعتقد SRX موديل 2010 ( عندي cd عن مواصفات السياره ) والضمان 4 سنوات او 100000 كم شامل الصيانه المجانيه وكل شي عليهم ...... يعني ما عليج الا البترول

4 -والرنج سبورت بدون سوبر يناسب البنات ونفس الشي مع الضمان والصيانه المجانيه

عيب البورش فقط ان الشكل تغير ونفس الشي مه مرسيدس ML الشكل بيتغير قريب

اخوي انا من قبل كنت محتاره بين الرنج والبي ام 6

بس ع كلام الاخوان هني ان البي ام 6 احسن للبنات

اما بالنسبه للكادلاك مادري احسها شبابيه اكثر

تسلم ع مشاركتك

[MiSsY]

من قال شركة الفردان ماترحم ؟

بالعكس افضل وكاله تعاملت معاها من ناحية خدمه هي شركة الفردان ..

و للعلم جميع السيارات الجديده لدى وكالة الفردان للسيارات تحت الضمان

والضمان يشمل جير , مكينه , تبديل زيت و فلتر , سفايف , درام ويل .. كل هالامور اللي بتدفعين فيها فلوس في وكالة البورش والنيسان راح توفرينها في البي إم ..

من صجك اخوي !!

عيل ليش كل الي اسئلهم يقولون لي ياخذون دبل
واخبر حتى وحده قالت لي ان كاست السياره تعطل قالوا لها ب 3 الاف

واصلن ياخوي مافي الا هم لان عندهم احلى السياسير

وانا عزمت ع البي ام اكس 6 بس مادري اي لون اخذ ؟

انا عجبتني الحمره الغامجه " دم الغزال "

بس بعد في العوديه الي جايه ع خشب وماشفت منها ف قطر كلش

شرايكم ؟ اي لون ؟

[ABOAMMAR]

أختي في الله بصراحة أشوف سيارتين حلوين وتصلح للسيدات أول هالسيارتين هي المازدا الفورويل والثانية هي الجي إم سي أكاديا والاثنين عروضهم حلوة وخصوصا الاكاديا وقطعها متوفرة وأهون وأرخص بكتير من الألماني واللكزس ... وربنا يوفقك