الرد على اي استفسار بخصوص التمويل والقروض

[ام ناصر1]

جزاك الله خير ع الموضوع الهادف
البنوك الاسلامية تعطي ..قروض لشراء سيارة مستعملة ..حوالي 50 الف
وايش افضل نسبة لقرض السيارة باعتقادك لسداد على سنة ونصف
أو الافضل اخليه قرض شخصي على البنك العادي ...وايش افضل نسبة باعتقادك ممكن اقبلها لسداد خلال
سنة ونصف

[restricted_1]

اذا تقصد قرض عشان تبني، خذ لك قرض شخصي من اي من البنوك الاسلاميه بالمبلغ اللي تحتاجه وابني فيه

ارحم الله والديك اخوي وماقصرت

وجزاك الله الف خير على سعة صدرك وتجاوبك السريع

[VIVA]

جزاك الله خير ع الموضوع الهادف
البنوك الاسلامية تعطي ..قروض لشراء سيارة مستعملة ..حوالي 50 الف
وايش افضل نسبة لقرض السيارة باعتقادك لسداد على سنة ونصف
أو الافضل اخليه قرض شخصي على البنك العادي ...وايش افضل نسبة باعتقادك ممكن اقبلها لسداد خلال
سنة ونصف

كل ماكانت نسبة الفائده اقل يكون افضل طبعا

وبالنسبه لقروض السيارات المستعمله، في الغالب تكون الفوائد عاليه واقرب لفوائد القروض الشخصيه، فالافضل تشوفين كذا بنك وتروحين لالي يناسبك


تحياتي اختي ام ناصر

[VIVA]

ارحم الله والديك اخوي وماقصرت

وجزاك الله الف خير على سعة صدرك وتجاوبك السريع

ووالديك طال عمرك
ويجزاك بأحسن منه ان شاء الله

[أنا]

الف شكر لك اخوي viva

وابشرك من عقب الـ 29 سنه قررت احول على بنك قطر الاسلامي وبخلص قرضي الشخصي والسياره في 3 سنين ونص بأذن الله وأن الله احيانا,, شوف الفرق شلون

بس ماعندك فكره اخوي عن ممول لقرض عقار بس يكون بنك اسلامي على شان اول مايخلص قرضي احول عليه

اتخبر العزوبي وعنده ارض حكوميه مامنها فايده يعني لازم اتزوج وانا بعيد عن هالخطوه

ابي اضبط اموري

أخوي بالنسبه للبنيان أنصحك ادخل ارضك لبنك التنمية بس لازم عقد زواج عشان يبنون لك
بيصرفون لك مليون و200 الف والقسط على 35 سنه = 3745
أعتقد هذه اقل قسط ممكن تحصله بين بنوك الدوله كلها
واذا ما كفاك المبلغ ممكن تزيد المقاول من جيبك الشخصي 300 الف
أعتقد مليون ونص مبلغ محترم جدا لبناء بيت معقول وايضا القسط مريح جدا
أتمنى لك التوفيق .

[restricted_1]

أخوي بالنسبه للبنيان أنصحك ادخل ارضك لبنك التنمية بس لازم عقد زواج عشان يبنون لك
بيصرفون لك مليون و200 الف والقسط على 35 سنه = 3745
أعتقد هذه اقل قسط ممكن تحصله بين بنوك الدوله كلها
واذا ما كفاك المبلغ ممكن تزيد المقاول من جيبك الشخصي 300 الف
أعتقد مليون ونص مبلغ محترم جدا لبناء بيت معقول وايضا القسط مريح جدا
أتمنى لك التوفيق .

الله يجزيك خير اخوي

بس المشكله اني بعيد عن الزواج ولا لو اني متزوج كان اموري طيبه

على شان جذي بغيت ممول

[VIVA]

الله يجزيك خير اخوي

بس المشكله اني بعيد عن الزواج ولا لو اني متزوج كان اموري طيبه

على شان جذي بغيت ممول

الله يرزقك ببنت الحلال ان شاء الله

[dahr]

مشكور اخي العزيز على التوضيح
انا وكم واحد من الاخوان نبي انشاء شركة جديدة لللاجارة ابي رايك لان انت اعرف مني في وضع السوق حاليا ولاكن توقعي الشخصى باننا سوف نحصل على حصة لاباس بها من السوق وانت عارف نسبة الربح فيها

[VIVA]

مشكور اخي العزيز على التوضيح
انا وكم واحد من الاخوان نبي انشاء شركة جديدة لللاجارة ابي رايك لان انت اعرف مني في وضع السوق حاليا ولاكن توقعي الشخصى باننا سوف نحصل على حصة لاباس بها من السوق وانت عارف نسبة الربح فيها

تقصد ان تبون تسوون شركة تمويل (اجاره)؟

[ANONYMOUS]

السلام عليكم ورحمة الله وبركاته

اشكرك عالموضوع القيم.. واشكر الاداره على التثبيت..

انا عندي عدة اسأله.. وكلها توضيحيه.. للي يبي يفهم وانا منهم.. والحمد لله ماعلي اي التزامات حاليا..


اولا..

الرسوم الاداريه حق القروض.. بمختلف انواعها.. على اي اساس تحسب..

هل بالنسبه المئويه.. يعمي مثلا.. لو القرض 100 الف.. ياخذون 1 ونص..

وليش تحسب هالنسبه من ضمن القرض.. ليش ماتكون مبلغ مبدأي ..

وهل استطيع ان اطلب من البنك ان ادفع الرسوم الاداريه بروحها..

انا عارف ان ارباح او فوائد الرسوم الاداريه بسيطه جدا..

ولكن ماحب الاستغفال والاستغلال


ثانيا..

التأمين عالمبلغ

كيفية طريقة حسابه..

او العوامل اللي تؤثر في تحديد قدر مبلغ التامين..

احد العوامل اللي اعرفها هي العمر..

هل في جدول معين تتبعه البنوك والمصارف.. على اساس يتحدد المبلغ..

وهل اختلاف قيمة القرض.. تفرق في مبلغ التأمين..

كيف يتأثر مبلغ التامين .. ب مدة السداد

يعني اللي سلفيته على خمس سنين.. ايش تفرق عن اللي سلفيته تسدد على 8 سنين مثلا.. مع العلم ان نفس المبغ المقترض ؟


ثالثا..

اختلاف نسبة الفائده او المرابحه في القروض بشكل عام..

متى تتغير النسبه..

انا معلوماتي تقول.. في اول سنه مثلا تكون النسبه 3%.. بس اذا القرض حق سنتين النسبه تكون 5%

بس اذا من 3 لين 5 سنوات.. النسبه 7%

من 5 لين 11 سنه النسبه 9%..

ممكن تعطينا جدول النسب.. او ممكن نطلبه من البنك.. وهل بيعطينا اياه ؟

على اساس الواحد يعرف في كم سنه يقدر يسدد ويكيف نفسه مع النسبه اللي ناسبه..


رابعا....


ماهي انواع القروض..

قرض شخصي

قرض اسهم

قرض عقاري

ممكن تعدد لنا انواع القروض.. !

وليش تختلف نسبة الفايده او المرابحه عن كل نوع من انواع القروض..

مثلا..

انا ابي 500 الف من البنك.. حق عقار.. البنك طلب يمكن 9%

بس لو ابي نفس المبلغ بقرض اسهم.. ونفس المده.. النسبه راح تقل.. يمكن 5%

ماعندي ارقام بالضبط.. ولكن هذا ماحصل لأحد الاخوان..



خامسا..


انت في احد الردود قلت لاحد الاخوان ممكن تروح تطلب قرض شخصي من مادري اي بنك ( بس اسلامي )

شلون اسلامي يعطي قروض شخصيه.. اول مره اسمع اب هالشي رغم شح خبرتي في هالامور..



سادسا..

وهذا تقدر تخلي الاجابه عالخاص

هل المعرفه بأحد خل نقول مدراء الافرع كمثال ممكن انه يساعدني ببعض الامور..

اعطيك مثال..

هل بامكان احد ان يشيل الرسوم الاداريه..

او يتحكم في النسبه..

يعني لو بكلم اي حد في الديسك بيقول لي النسبه 5%.. هل لو اعرف احد ممكن ينزل لي في النسبه ؟ يعني يكون له رينج معين ..

طبعا من غير ان يتأثر الشخص باي شكل من الاشكال..

يعني هل في يد المدير tools يقدر يلعب فيها..



هذا في بالي حاليا.. وطبعا انا اسأل عن البنوك الاسلاميه.. ( مصرف ودولي وريان فقط ) اذا تبي تتوسع بالاجابات عشان يستفيد الاخوان براحتك..


والقادم ادهى وأمر

خذ راحتك في الاجابه.. حتى لو اسبوعين ولا شهر..