احترااام المواعيد

[ابو محمد7]

انا عندي قاعدة بسيطة اما توصل قبل الوقت او توصل متأخر !

يعني اذا موعدك مثلا الساعه 4 صعب جدا توصل الساعه 4 بالضبط اما توصل 10 دقايق مثلا قبل الوقت او 10 دقايق بعد الوقت او ربع ساعه او عشرين دقيقة الخ علشان جذي دايما احاول اوصل مواعيدي قبل الوقت بربع ساعه واحيانا نص ساعه , اسوق براحتي وباعصاب هادية واحصل لي موقف اوقف سيارتي اسمع لي اي شي في المسجل ولا الراديو ارتب افكاري او اذا عندي شي احتاج استعد له او حتى انزل واكتشف المكان اذا كان له داعي

[خليفـة]

الحمدلله رب العالمين
انا احترم المواعيد لدرجة مبالغ فيها
والشخص الي ما يلتزم بمواعيد معاي يطيح من عيني
وخصوصا لو ما كان عنده عذر مقنع

موضوع حلوا يالغالي
يعطيك العافية

[sara jsm]

موضوعك واايد مهم وحلو ,,
س : هل أنت ملتزم بمواعيدك ؟
-بشكل دقيق ,,
وشنوو تصررفك مع اللي يتأخرر بمواعيده ولا يحترمها؟
والله يطيح من عيني ,, ويمكن مااحط له احترام مرة ثانية ,,
:
صج الانتظار او التنقيع شعور واايد ينرفز ,,
وخاصة اللي يتاخر على زيارة ,, يقولي عقب المغرب ومايجي الا الساعه 9 او 10 ,,
هني ودي ماافتح الباب حتى ,, لاني انا وقتي مب مقضيته عشان انتظر فلان وعلان ,,
اكيد عندي اشياء مهمة اكثر ,,
والوقت شي مهم جدا لو كان عادي كنا حتى فروضنا الخمسة صليناها على هوانا ,,

اشكرك اخوي على هالموضوع الجميل ,,

[هدهد سليمان]

اساسا الانتظار ممل ..

تحياتي قبل ان امل من الانتظاراتي

[بوخالد911]

بااااااااال صج يرفع ضغطي الي مايحترم المواعيد

الحمدلله انا من النوع اذا عندي موعد تلاقيني قبل الموعد متواجده ،، كنا نقول قبل ان الأجانب يحترمون المواعيد لا بالله انا احس العرب الحين هم الي يلتزمون بالوقت

كللهم يرفعوون الضغط


وان شاء الله نكون احسن من الاجانب

لا هنتي

[بوخالد911]

تسلم اخوي بوخالد وانا الصراحه مثلك بالضبط والوقت عندي شي مقدس



س : هل أنت ملتزم بمواعيدك ؟

نعم

وشنوو تصررفك مع اللي يتأخرر بمواعيده ولا يحترمها؟
خلاص اتجنب الصراحه اي شخص مايحترم المواعيد

يسلمووو للمرور

والله يسعدكم

انا وايد منظبطه في مواعيدي
الا اغلبها اروح قبل الموعد
وذبحتي الي مايلتزم في الموعد
مودي كله يخترب

حلوو ال1 يحافظ ع المواعييد

الله يسعدج

[وحيد-الشوق]

هلا بوخالد 911

انت شكلك نفسي تحب احترام المواعيد بس انا ما اقدر امسك اعصابي يعني ما احب التأخير في المواعيد لو اتفقت مع شخص على طلعة او ماشابه اي كان المشوار واي كان الشخص مهم او مش مهم اخو او صديق او شغل احب الدقة في المواعيد وما يمنع لو تأخر 10 دقايق او اكثر شوي لكن ان يتأخر واجد وتتكرر الحركه البايخه من الشخص نفسه كذا مره اهنيه انا خلاص تصيدني حاله غريبة واعصب من قلب لدرجة اني ساعات اكره الشخص واقوله كلام يستغرب من رده فعلي وأيضا في فئة بايخه جدا من الناس الي يكلمك ويتفق معاك على موعد لدرجة يقولك انا طالع من البيت وبعد نص ساعة انا عندك وفي الاخير تمر ساعات واذا كلمتة يقولك اسمحلي طلعت لي شغله ضرورية وما قدرت اطلع معاك طيب وانا مالي احترام اتصل اعتذر

يعلم الله ساعات طنشت حق مواعيد قليلة جدا لكن في الاخير اعتذر بشده وحتى لما اتأخر عن الموعد في اليوم الفلاني اتم اعتذر شكثر حتى الي معاي يقولي بس خلاص

في شيء ثاني اكرهه الي تتصله ومايرد عليك وتشوفه ثاني يوم ولا كأنك متصله واذا سالته وينك امس يقولك مشغول هههههههههه المشكلة ساعات بالايام مايردون ويقولون مشغولين طيب كلمني بعدين والله ناس تبط الجبد << ادري مب موضوعنا بس شسوي خخخ

في الاخير عامل الناس مثل ما يعاملونك

والسموحة عالرد الطويل << من القهر متأذي واجد

[سحـابة خيـر]

اعصصصب لما احد يتـــاخر عن الوقت المحدد
يعني ماعندي بطبعي شي اسمه انتظار
انا اوصل قبل مواعيدي ب10 دقايق
اذا يا الوقت وتاخر اتم اقل 5 دقايق وامشي
واذا اتصلوا ها ويينج ؟؟؟
اقولهم تاخرتوا واايد يعني كلا والانتظار ماحبه
وقتي من ذهب

[الفولاذ]

احترامك الموعد والوعد يدل على الشخص وشخصيته
باختصار ... مهما حاول الشخص ان يثبت انه جاد في العمل اوغيره وهو لايحترم الموعد
اعتبره كااااااذب ولا اثق في عمله ولا اصدق جديته , واحاول تجنب العمل معه , ومهما حاول الاعذار لاتصدقوه ,

وخصوصاً اذا قال راحت علي نومه , لو مهتم في الموعد نمت بدري ...
وشكراَ على الموضوع