::: لعشّاق تربية طيور الزينه، حياكم نتبادل الخبرات والآراء والصور :::

[إعلامي قطر]

..

بسم الله الرحمن الرحيم..

لفت إنتباهي بالفتره الأخيره زيادة عدد عشاق طيور الزينه وهذا شي طيب..

وحبيت أنزل موضوع يتناول جميع مميزات وعيوب وشجون هذه الطيور
خصوصاً المكاو والأمازون والكاسيكو بمختلف أنواعهم كلهم..

ونتبادل فيه كل الخبرات والآراء والمعلومات حول هذه الطيور..

وأيضاً ياليت كل عضو عنده طيور زينه إنه يحط لنا صورها
ومميزاتها وعيوبها من وجهة نظره، وياليت الصور تكون
من الأرشيف الخاص بكل عضو ماودنا بصور من مواقع
ثانيه إلا للضروره القصوى، أو على الأقل إذا ماكانت
الصور لطيور العضو فياليت تكون من تصويره
الخاص على أقل تقدير !!


تحياتي وبإنتظار مشاركات الجميع..

..

[إعلامي قطر]

..

أبتدي بنفسي..

أعتبر نفسي بديت من القمه بتربية هذي الطيور الجميله لأني أول طير خذته هو المكاو:





وبعدها بكذا سنه إنتقلت إلى:





وبعدها بكذا سنه إنتقلت إلى:



وكانت فتره قصيره جداً ومرعبه لي ولبنتي وبقول
السبب بالردود الجايه إن شاء الله لضيق الوقت حالياً..



وقبل لا أختم ردي هذا ياليت إللي عنده معلومه عن هالنوع الرائع من المكاو



إنه يفيدنا مشكوراً..


ولي عوده بالتأكيد..

..

[al-sadd]

يعطيك العافيه اخوي ع الموضوع ^^
وان شاء الله يكثر فيه الناقش =)
انا حلفت يمين ماخذ طير ^^
كان عندي واحد ماعرف نوعه ولاكن يشبهالي فصوره الثالثه ولاكن له ريش أصفر فوق راسه
المهم ان ماعاش معاي اسبوعين ومات وكنت مخسر عليه
ومن بعدها حرمت اخذ طير هههه =)
لاحد يسألني شلون مات
هههه المسكين مات وهو يتعذب
ع العموم يعطيك العافيه اخوي ع الموضوع وماقصرت =)

[بولينجر]

تسلم اخوي على الموضوع.....
متابع ولو اني ما احب تربية الطيور..... من باب الفضول

[إعلامي قطر]

يعطيك العافيه اخوي ع الموضوع ^^
وان شاء الله يكثر فيه الناقش =)
انا حلفت يمين ماخذ طير ^^
كان عندي واحد ماعرف نوعه ولاكن يشبهالي فصوره الثالثه ولاكن له ريش أصفر فوق راسه
المهم ان ماعاش معاي اسبوعين ومات وكنت مخسر عليه
ومن بعدها حرمت اخذ طير هههه =)
لاحد يسألني شلون مات
هههه المسكين مات وهو يتعذب
ع العموم يعطيك العافيه اخوي ع الموضوع وماقصرت =)

الله يعافيك هلا وغلا أخوي..
كان عندك كوكاتو بوعرف أصفر أخوي نفس توته إللي بالصوره أدناه:



ياليت لو عندك صور لها تحطها ؟!
وكم كلفتك أخوي ومن وين شريتها ؟!
ومتى هالكلام عشان نقارن فرق الأسعار بين قبل والحين لوتسمح ؟!

وبخصوص إنها ماتت الله يعوضك بس لازم تشد حيلك وتنوي..

ومادري هل كانت صغيره بالعمر ولا لا ووين كنت حاطها وداخل قفص ولا على ستاند ؟!
وألاحظ إنك حتى مب متأكد وشو نوعها يعني إنت إشتطيت وخذتها من غير
ماتربي أي طير زينه من قبل ولا ؟!

إذا حاب شارك بالمعلومات عشان الكل يستفيد يالغالي..


وإذا فكرت ترجع لتربية الطيور كبدايه أنصحك بنوعين هم الكاسيكو والأمازون..
الأمازون هي الخضره والكاسيكو هي الرصاصيه أدناه وكلهم حلوين ويعجبونك:



تربيتهم والتعامل معاهم أسهل من تربية الكوكاتو والمكاو ودايماً أنصح
فيهم لكل شخص حاب يدخل هالعالم الجميل ويوسع خاطره بأشكالهم الحلوه..


أما هذي الشيطونه:



فخلها stage 2 على الأقل..

..

[ظبيــღــه]

عجيب الموضووع

متاابعين..

وانا كان عندي كوكاتيل

كاان زماان

[هدهد سليمان]

للأسف من فتره صادتني حساسيه وآخر شي طلع بسبة الطيور
اعشق الطيور كلها لكن تجري الرياح بما لا تشتهي السفن

والحين احب اشوفهم من بعيد ما اقدر اقرب صوبهم سببوا لي ازمة ربوا .. لكن متابع وياكم

[عيون Qatar]

بصراحة اعشق الطيور,,

بس اخاف من العيال يعذبونهم ويلعبون فيهم ههههه

تسلم اعلامي قطر

[مستثمر تحت التعليم]

مشكور أخي اعلامي قطر أنا من محبي تربية الطيور منها للزينه ومنها للمتعه مثل الكاسكو والدوره عندي منها ثلاث مهدودين في البيت بس في اليل احطهم في اقفاصهم وعندي كاسكوين بس للأسف واحد منهم عطيته عمتي للأسف طيرها مات بغباء الخدامه حطته في الشمس يتشمس واحترق وانشوا ومات لأنها نسته وانشغلت في البيت ............ عاد اتصدق ايتكلم مثل الآدمي ومسيوم من فتره بــ10000 ولا باعته والظاهر انحسدت عليه !!!!! صج عين
بس ملاحظتي عن الكاسكو أنه تاخذه محجل وصغير أحسن صج يبيله صبر بس النتيجه ممتازه والي عندي توه 10شهور وتوه ايصفر ويطقطق ويحاول شوي ايتكلم بس ماينفهم له

متابع معاكم ولي قصص كثار ونصايح في مشاركاتي الجايه

[اخر العنقود]

موضوع حلو
بس ياليت كان شامل الحيوانات عشان نتبادل المعلومات

وعندي نوعين من الطيور

ولي رجعه مره 2