::: لعشّاق تربية طيور الزينه، حياكم نتبادل الخبرات والآراء والصور :::

[faisalqatar]

شحالك يخوي faisalqatar... عساك على القوة...
تجربتك جميلة والله يقويك تستمر على هالمشوار..
أنا عندي بلوفرونت، يلوناب، ملوكان... وبعت الملوكان مؤخراً لأنه لزقة وملغ .. ما يبغي يفارقني.

عموماً أخوي خلنا في المهم ...
أنا ما أخفيك سمعت عنك وعن محلك صوب المرخية، ولي من 3 سنوات وأنا أطلب من أصحاب المحلات الي تربطني بهم علاقات جيدة طلب معيين ومحد قدر يلبي لي إياه ...



من الآخر... تقدر تدبر لي هالحلو على الرغم من إدراجه بالسايتس وسعره المرتفع؟

هلا اخوي شاكر لك اهتمامك و مرورك
اولا الصورة ما اطلعت ههههه
ثانيا اسمح لي ما اقدر اسوق و اتكلم عن المحل لانه يخالف قوانين المنتدى

شكرا لك

[faisalqatar]

صباح الخير

يبت لكم صورة للمليتري مكاو و السلفر كرستد كوكاتو اللي كانوا عندي
المشكلة غيرت تلفوني و كل الصور في التلفون القديم فـ اضطريت اطلع الصور من الفيس بوك
اسمحوا لي على الكواليتي التعبان للصور

هذا المليتري اول ما خذته كان عمره شهرين و شوي




و هذي السلفر كرستد كوكاتو وعمرها كان سنة و شي تقريبا



و ان شاء الله بحاول اجيب لكم صور افضل

[faisalqatar]

رجعنا لكم مرة ثانية
بالرغم من اني ما اشوف اي تفاعل مع الموضوع
بس حبي للطيور بيخليني اكتب .. و اتمنى اشوف ردود ههه

سألني احد الاخوان في الخاص عن موضوع يعاني منه الكثير من محبين الافريقي (الكاسكو)
الكاسكو مثله مثل غيره من الببغاوات يحب الاهتمام و يحب يكون قريب من راعيه و في دراسة اثبتت ان الكاسكو في بعض الاحيان يتمنى انه يقيم علاقة كاملة مع صاحبه (من شدة الحب) ههههه سبحان الله

و الكاسكو اذا ما حصل الاهتمام الكافي من صاحبة و اذا حس ان صاحبه تغير عليه يبدا ينتف ريشه عشان يلفت الانتباه و اسباب ذلك عديدة منها:
- راعيه حابسه في القفص وما يطلعه من عقب ما كان يلعب معاه يوميا
- راعيه سافر ومحد غطى مكانه
- قاطينه بعيد عن الناس وما يشوف حد فـ يتملل
- يتعرض للضرب من راعيه او الاطفال

كل هالاسباب اتخلي الطير يتضرر نفسيا و يبدا ينتف ريشه

فـ كان سؤال احد الاخوان في الخاص عن كيفية علاج ذلك ,, و انه سأل دكتور بيطري و قال له هذا فايروس في الدم (وطبعا هالشيء مستبعد جدا)

قريت و سأل كثيرا عن هالموضوع و يعاني منه الكثير من مربين الافريقي و احيانا ببغاوات اخرى كالكوكاتو

الحل مب سهل ابدا و راح تتعب لذلك اللي عنده كاسكو يهتم فيه لان اذا وصل لهالمرحلة راح يتعب مع الطير .. علاجه مب مستحيل ولكن صعب جدا

صورة توضيحية لحالة الطير



من احد الحلول الاهتمام في الطير و محاولة الهائه عشان ما ينتف الريش
ممكن تستخدم طوق بلاستيكي و يكون عائق للطير ومايقدر ينتف ريشه ولازم تهتم فيه اكثر عشان ينسى موضوع الطوق

صورة توضيحية



و يمكن استخدام الكالسيوم الخاص للطيور و ينباع في المحلات و عند البيطري لانه يساعد على تقوية الريش

و في النهاية يمكنكم القراءه على الانترنت عن تجارب الناس في حل هذه المشكلة و الاستفادة من تجاربهم

و اي سؤال انا دايما حاضر

[حبر وقرطاس]

السلام عليكم ورحمه الله وبركاته

اسمحوا لي اشارك معاكم واعرض نمطي اليومي مع الكاسكو عمره اربع شهور نوع جمبو

طبعا قبل ما ادخل بتفاصيل تجربتي مع الكاسوكو احب اتكلم في نقاط مهمه جدا وانا اعتبرها اساسيات في حمل مسؤوليه اي حيوان اليف :

1- مخافه الله والضمير الحي : هذه الطيور هي مخلوقات حيه ذات روح وطبيعه تختلف عن الانسان ، هي ليست مجرد تجربه لمرحله ان صابت صابت وان خابت خابت . انت / نتي محاسبه على شرائك هذا الطير عند الله سبحانه .
2- قبل شراء الطير يجب العلم انه له متطلبات من اكل وشرب وسكن ومعامله وعنايه حتى على المستوى العاطفي وكأنك تربي طفل جديد في البيت .
3- الاطلاع الغير سطحي على اهم اساسيات تربيه الطيور من اكل وشرب وعنايه بيطريه والموقع الانسب لمسكنه في البيت وضروره تعرضه لاشعه الشمس الخفيفه بشكل شبه يومي.
4- محبه هذه الطيور الذكيه والتفكر لقدره الله في خلقها واللطف بها وعدم القسوه معاه واذيتها.
5- اي نعم للزينه ولكن ليس مجرد القائها فالقفص واعطائها ماء واكل والنظر اليها عن بعد وكأنها جماد.
6- معرفه اهم الامراض التي تصيبها وهل هناك مواسم للامراض وكيفيه تفادي الامراض وعلاجها طبعا.

** لدي كاسكوكو اسميته كوتشي كووتشي طبعا الاسم مبتكر وسبب التسميه لاستجابته للاسم حين ينطق ههههه
قبل شراء قمت بعده ترتيبات :

1- قرات كثيرا واطلعت كثيرا على النايه بهذا النوع وخاصه من المواقع الاجنبيه ومقاطع الفيديو لهواه تربيه الطيور في اليوتيوب حتى تكونت لدي فكره كامله عن مسؤوليه العنايه به.
2 هيئة له موقع جدا مناسب في البيت وقفص خمس نجوم .
3- نوعيه الاكل طبعا حب مكس وفواكه مع عدم التنويع بكثره في الفواكه اختيار نوعين فقط كبدايه وبجرعات قليله جدا والابتعاد عن الفواكه السكريه جدا وعدم اعطائه للكاسوكو والاعتماد عليها فقط في غذائه على سبيل المثال التفاح + الذره الصغيره جدا الطازجه جدا رائعه او الخيار والجزر ليتمرن على قضم المواد الصلبه ويستمتع بهذا الشي كثيرا .
4-وقت نوم الكاسوكو يجب ان يكون منتظم بحيث الانتباه الى ان طبيعه الطيور فالطبيعه تخلد للنوع والسكون بمجرد مغيب الشمس وهذه غريزه فلا نستهتر بهذا الامر لذا يجب ان تكون فيمكان بعيد عن الضوضاء والاضاءه القويه بمجرد دخول وقت المغرب والحرص على ان تخلد للنوم وهي في القفص لا ان تترك طليقه تتحرك بحريه ويفضل القفص ان يكون كبير الحجم وليس ضيق مع توفر قليل من الحب والماء النظيف فيه كتصبيره حتى الصباح ويجب تغطيه القفص بشرشف ذو لون داكن ليعزلها عن اي اضواء او بروده في المكان ويحميها .
5- يجب رفع الشرشف مع عن القفص في ساعات الصباح الاولى وهو الوقت الطبيعي ليقظه الطيور وتبديل الماء والاكل وفتح الشباك بس طبعا الشبك يكون موجود واقفال التكييف وفتح باب القفص للطير ليتسنى له الخروج والوقوف على القفص وستلاحطون مدى استرخائه ونشاطه في نفض الريش وتنظيف نفسه ومن ثم تغريده ويجب التعامل معه بلطف ومناداته بأسمه اثناء تنظيف القفص بهدوء مما يبعث لديه احساس الامان والاستقرار ويفتح شهيته للاكل .
6- تعليم الاطفال عدم تخويفه او ازعاجه وتوفير الجو الهادئ له .
7- بعد وجبه الطعام الاولى في الصباح بعشرين دقيقه يكون الطير في حاله من الفرح والنشاط ويفضل ملاعبته بكور او قش اوخيوط سميكه ومناداته والتحدث معه ويكن الافضل تشغيل التلفاز لتسليته اكثر .
8- اعطائه ثلاث وجبات يوميا معتدله وبين الوجبات مداعبته بربع تفاحه او ذره او حتى قطعه من الخيار . استلطفاه في الذهاب والاياب امام القفص بحب شمس واطعامه باليد .

9- النظافه ثم النظافه ثم النظافه والعنايه بنظافه القفص والماء تغييره مرتين فاليوم ، وفهم تصرفاته فكثره التغريد والحركه ومحاوله الطيران دليل على احساس الجوع لذا يجب الاهتمام بهذه النقطه .
10 - عدم اهماله ويجب ان يكون تحت عينك معظم الوقت واعطائه الانتباه فهو عاطفي ويتفاعل مع من يعتني به ويتعلق به كالطفل .

واخيرا هنيئا لملاك الطيور الي افهموا طيورهم وصارت لهم علاقه قويه معاهم فهي مخلوقات جدا رائعه وتعيش سنوات طويله وتفهم صاحبها وتتعلق فيه وايد ووجودها يعطي جو من الحب والعطف .

وتذكروا هي ليست بجماد ومبدأ (( اشتري هالطير واجرب حظي واذا صار فيه شي بجيب غيره )) هذا مبدأ لا احبذه

انا طيري اقدم له ثلاث وجبات يوميا وبينها فواكه ، طبعا اطبق مع الطير كل ما ذكرت اعلاه ، هو عندي فالبيت كالطفل والله . اشتريته من خمسه ايام ولكن اصبحت علاقتي به قويه لدرجه ان سلوكه معاي وردود افعاله وكأنه في العش ، كالفرخ الصغير ويريد العاطفه والعنايه حتى وهو شبعان يبي يتدلل يهز جنحانه مثل الفرخ ويبي اطعمه بالفم بعض الحبات ليشعر بالامان والاهتمام ، طبعا اخطط ان ابتكر له العاب وتشغله بين الوجبات وتجعل يومه حافل ههههه

اتمنى استطعت ان اوصل شي من نمطي اليومي مع كوتشي كوتشي وراح انزل صور فالقريب له

[حبر وقرطاس]

رجعنا لكم مرة ثانية
بالرغم من اني ما اشوف اي تفاعل مع الموضوع
بس حبي للطيور بيخليني اكتب .. و اتمنى اشوف ردود ههه

سألني احد الاخوان في الخاص عن موضوع يعاني منه الكثير من محبين الافريقي (الكاسكو)
الكاسكو مثله مثل غيره من الببغاوات يحب الاهتمام و يحب يكون قريب من راعيه و في دراسة اثبتت ان الكاسكو في بعض الاحيان يتمنى انه يقيم علاقة كاملة مع صاحبه (من شدة الحب) ههههه سبحان الله

و الكاسكو اذا ما حصل الاهتمام الكافي من صاحبة و اذا حس ان صاحبه تغير عليه يبدا ينتف ريشه عشان يلفت الانتباه و اسباب ذلك عديدة منها:
- راعيه حابسه في القفص وما يطلعه من عقب ما كان يلعب معاه يوميا
- راعيه سافر ومحد غطى مكانه
- قاطينه بعيد عن الناس وما يشوف حد فـ يتملل
- يتعرض للضرب من راعيه او الاطفال

كل هالاسباب اتخلي الطير يتضرر نفسيا و يبدا ينتف ريشه

فـ كان سؤال احد الاخوان في الخاص عن كيفية علاج ذلك ,, و انه سأل دكتور بيطري و قال له هذا فايروس في الدم (وطبعا هالشيء مستبعد جدا)

قريت و سأل كثيرا عن هالموضوع و يعاني منه الكثير من مربين الافريقي و احيانا ببغاوات اخرى كالكوكاتو

الحل مب سهل ابدا و راح تتعب لذلك اللي عنده كاسكو يهتم فيه لان اذا وصل لهالمرحلة راح يتعب مع الطير .. علاجه مب مستحيل ولكن صعب جدا

صورة توضيحية لحالة الطير



من احد الحلول الاهتمام في الطير و محاولة الهائه عشان ما ينتف الريش
ممكن تستخدم طوق بلاستيكي و يكون عائق للطير ومايقدر ينتف ريشه ولازم تهتم فيه اكثر عشان ينسى موضوع الطوق

صورة توضيحية



و يمكن استخدام الكالسيوم الخاص للطيور و ينباع في المحلات و عند البيطري لانه يساعد على تقوية الريش

و في النهاية يمكنكم القراءه على الانترنت عن تجارب الناس في حل هذه المشكلة و الاستفادة من تجاربهم

و اي سؤال انا دايما حاضر

يؤسفني اشوف طير يوصل للمرحله هذه لان منشئها نفسي والنفس المها مبرح ، وهذا اكبر دليل على ان هذه الطيور ذات عاطفه قويه وتحب ان تشعر بالاهتمام وتعرضها للتخويف وعدم توفير الاستقرار لها او حرمانها فجاه من الاهتمام او من صاحبها كأن يتخلى عنها يجعلها في حاله اكتئاب وحزن شديد يؤدي بها لتساقط الريش

شي محزن
فاتقوا الله .. والطير الي يصير فيه هالشي يجب عدم اهماله ووضعه في قفص فزاويه وتركه يتعافى بنفسه لانه لن يتعافى يجب وضعه في مكان هادئ ومخاطبته والعطف عليه..

ياجماعه بادلوهم العاطفه واعتنوا فيهم

[حبر وقرطاس]

لدي اضافه انشالله تفيد اصحاب الطيور بشكل عام

وهو شي مجرب واسويه مع طيري اذا اخرج من البيت لساعات او

لا اتواجد في غرفه الجلوس لبضع ساعات

افتحوا اليوتيوب واكتبوا بالانجليزي


Birdsong 3 hours/Nature Sound healing music
هذا اسم مقطع باصوات الطيور يستمر ثلاث ساعات تجعل الطير يفرفش حتى لو انت / انتي مب حوله

[qatari_xp]

أشكركم على فكرة الموضوع
دخلت عالم الكاسكو من 5 أيام تقريباً شريته من واحد يقول انه يتكلم
بس قدامه ما يتكلم يقول يمكن علشانه مربي لحيه مطوع فاممكن يخاف منه
بس مع أهله وعياله يسولف
عموما خذته عندي اول يوم غرد وقلد أصوات الرنات بس ماتكلم
طلعت من البيت اعيالي اتصلوا فيني وقالو كوكو تكلم
انا حسيت بيكون مصيري نفس مصير المطوع معاه
عموما الي مايتسماش كوكو محد يأكله ولا يشربه ولايسبحه إلا انا
وعمره حول السنتين .... فا يا أهل الخبره شنو تنصحوني أسوي معاه
نسيت اقولكم خليته يطلع على اليد تقريباً من اول يوم
وهذي صورته يمكن احد يعرفه على فكره القنه الكلام ابيه يعيده وهو ولا كان احد يتكلم معاه

[حبر وقرطاس]

أشكركم على فكرة الموضوع
دخلت عالم الكاسكو من 5 أيام تقريباً شريته من واحد يقول انه يتكلم
بس قدامه ما يتكلم يقول يمكن علشانه مربي لحيه مطوع فاممكن يخاف منه
بس مع أهله وعياله يسولف
عموما خذته عندي اول يوم غرد وقلد أصوات الرنات بس ماتكلم
طلعت من البيت اعيالي اتصلوا فيني وقالو كوكو تكلم
انا حسيت بيكون مصيري نفس مصير المطوع معاه
عموما الي مايتسماش كوكو محد يأكله ولا يشربه ولايسبحه إلا انا
وعمره حول السنتين .... فا يا أهل الخبره شنو تنصحوني أسوي معاه
نسيت اقولكم خليته يطلع على اليد تقريباً من اول يوم
وهذي صورته يمكن احد يعرفه على فكره القنه الكلام ابيه يعيده وهو ولا كان احد يتكلم معاه

بسيطه اخوي اللي تسويه شي بسيط جدا الا وهو:
محد يعطيه اكل غيرك سو له جدول ثلاث وجبات فاليوم وانت الي تعطيه الاكل وتحطه له هذا شي والشي الثاني امنع اي حد من هلك او عيالك يعطيه غيرك هذا الشي بيحنن قلبه عليك هههه

الشغله الثانيه ياخي تغير عليه السكن والمكان اصبر عليه مده اسبوعين تقريبا بمجرد يرتاح ويتعود بتصيرون ربع

[qatari_xp]

بسيطه اخوي اللي تسويه شي بسيط جدا الا وهو:
محد يعطيه اكل غيرك سو له جدول ثلاث وجبات فاليوم وانت الي تعطيه الاكل وتحطه له هذا شي والشي الثاني امنع اي حد من هلك او عيالك يعطيه غيرك هذا الشي بيحنن قلبه عليك هههه

الشغله الثانيه ياخي تغير عليه السكن والمكان اصبر عليه مده اسبوعين تقريبا بمجرد يرتاح ويتعود بتصيرون ربع

تسلم اخوي حبر جاف قصدي حبر وقرطاس على الرد
بس هو يحب العيال كله يبيهم وهالشي مايضايقني اهم شي يشعر بالامان والثقه (ومسيرك توقع في الشبك ياطير )

عموما لتوطيد العلاقه بينا ومد جسور المحبه(حسستكم علاقة دبلوماسيه ) قلت اوديه البيطري اشيك عليه

واشوف محتاج فيتمينات والا اي شي الا الدكتور وانتوا بكرامه شكله واكيد متعود على الكلاب والقطاوه قام يمسح على راس الطير وبحركه خطافيه (متاثر بالمصارعه) زنط الطير واقلبه
والله انه كسر خاطري ابي اصك الدكتور كف بس كوكو بين ايديه
اخرتها قال مافيه شي وجاب لي فيتامين قالي حط له في الماي على طول الايام لين تخلص الغرشه وقعد يقرا النشره شكله يتطبب في كوكو

بعد ماطلعت من الدكتور حاولت امسح على راس كوكو لاول مره في حياته يجعر

شكله للحين خايف من حركة الزنط حسبي الله عليه من دكتور

[faisalqatar]

تسلم اخوي حبر جاف قصدي حبر وقرطاس على الرد
بس هو يحب العيال كله يبيهم وهالشي مايضايقني اهم شي يشعر بالامان والثقه (ومسيرك توقع في الشبك ياطير )

عموما لتوطيد العلاقه بينا ومد جسور المحبه(حسستكم علاقة دبلوماسيه ) قلت اوديه البيطري اشيك عليه

واشوف محتاج فيتمينات والا اي شي الا الدكتور وانتوا بكرامه شكله واكيد متعود على الكلاب والقطاوه قام يمسح على راس الطير وبحركه خطافيه (متاثر بالمصارعه) زنط الطير واقلبه
والله انه كسر خاطري ابي اصك الدكتور كف بس كوكو بين ايديه
اخرتها قال مافيه شي وجاب لي فيتامين قالي حط له في الماي على طول الايام لين تخلص الغرشه وقعد يقرا النشره شكله يتطبب في كوكو

بعد ماطلعت من الدكتور حاولت امسح على راس كوكو لاول مره في حياته يجعر

شكله للحين خايف من حركة الزنط حسبي الله عليه من دكتور

ههههههههه ضحكني وصفك لمسكة الطير
بس تره هذي الطريقة الوحيدة اللي ممكن تمسك فيها الطير لـ فحصه
صج انه بيزعل شوي بس مرده يرضى

حاول دايما اتكون قريب من الطير و مع الوقت بيتم يطلع الكلام اللي في جبده لما اتمر من صوبه بس عشان تعطيه ويه

بالتوفيق و اذا عندك اي استفسار انا و الاخوان موجودين ومابنقصر معاك ان شاء الله