::: لعشّاق تربية طيور الزينه، حياكم نتبادل الخبرات والآراء والصور :::

[هذلان]

السلام عليكم

موضوع طيب و مهم لهواه الطيور .. اتوقع اني اكثر واحد فيكم يحب الطيور و اكثر واحد فيكم مايتوفق فيهم .. خذت كاسكو 3 مرات و في كل مره يموت بعد كم شهو و خصوصا اذا قرب يتكلم زز وش السبب مادري .. هل بروده المكيف هل هو يضرب عن الاكل هل النظافه الزايده هي السبه .. مادري .. من عقب اخر كاسكو تعقدت و اكتفيت بالمشاهده .. نهايته كانت مؤلمه .. كنت في الشغل و اتصلولي الاهل يقولون لي الكاسكو صار مثل الخفاش متعلف في الخشبه بالمقلوب .. متمسك برجيله و راسه تحت .. عقب 10 دقايق مات .. ترى من حلاه الروح تعبان و مافيه حيل يوقف


عموما المعلومه الي ممكن اظيفها و هي من تجربه ان الكاسكو يوالف مع صاحبه بطريقه قويه اذا كان الي يربيه من الجنس الاخر .. يعني اذا الكاسكو ذكر تلقاه يوالف مع النسان الي في البيت اكثر من الرجال و العكس صحيح .

الي محتاجينه فعلا هو وجود سوق محترم للطيور بعيد عن الاستغلال من قبل العماله و بعض الاشخاص الي موجودين حتى في المنتدى عندنا

[إعلامي قطر]

تسلم اخوي على الموضوع.....
متابع ولو اني ما احب تربية الطيور..... من باب الفضول

الله يسلمك الشيخ..
وإن شاء الله بالفتره الجايه تحبهم..

..

[إعلامي قطر]

عجيب الموضووع

متاابعين..

وانا كان عندي كوكاتيل

كاان زماان

وينه عطينا سالفته ؟

..

[إعلامي قطر]

للأسف من فتره صادتني حساسيه وآخر شي طلع بسبة الطيور
اعشق الطيور كلها لكن تجري الرياح بما لا تشتهي السفن

والحين احب اشوفهم من بعيد ما اقدر اقرب صوبهم سببوا لي ازمة ربوا .. لكن متابع وياكم

سلامتك وماتشوف شر والله يشفيك ويعافيك إن شاء الله..

والله غريبه أول مره أدري إن الطيور تسبب أمراض على كثر
ماربيت وعرفت ناس يربون ولا مره حد إشتكى من هالشي
أخبر إللي عندهم القطاوه بس هم إللي إشتكوا..

عموماً تابعنا وفالك طيب ياهدهد سليمان
وإن شاء الله ماتشوف إلا إللي يرضيك..

وإذا عندك صور للطيور إللي ربيتها ياليت
تحط صورهم كلهم وهالشي مهم جداً بصراحه..

وياشباب ياليت الكل يحط الصور إللي عنده لطيوره
الخاصه أو على الأقل لطيور زينه هو صورهم بعدسته
وهالشي مهم جداً عشان نثري الموضوع ونشوف أيضاً
أكبر قدر ممكن من هالطيور إللي تفتح النفس بصراحه..

..

[مستثمر تحت التعليم]

السلام عليكم

موضوع طيب و مهم لهواه الطيور .. اتوقع اني اكثر واحد فيكم يحب الطيور و اكثر واحد فيكم مايتوفق فيهم .. خذت كاسكو 3 مرات و في كل مره يموت بعد كم شهو و خصوصا اذا قرب يتكلم زز وش السبب مادري .. هل بروده المكيف هل هو يضرب عن الاكل هل النظافه الزايده هي السبه .. مادري .. من عقب اخر كاسكو تعقدت و اكتفيت بالمشاهده .. نهايته كانت مؤلمه .. كنت في الشغل و اتصلولي الاهل يقولون لي الكاسكو صار مثل الخفاش متعلف في الخشبه بالمقلوب .. متمسك برجيله و راسه تحت .. عقب 10 دقايق مات .. ترى من حلاه الروح تعبان و مافيه حيل يوقف


عموما المعلومه الي ممكن اظيفها و هي من تجربه ان الكاسكو يوالف مع صاحبه بطريقه قويه اذا كان الي يربيه من الجنس الاخر .. يعني اذا الكاسكو ذكر تلقاه يوالف مع النسان الي في البيت اكثر من الرجال و العكس صحيح .

الي محتاجينه فعلا هو وجود سوق محترم للطيور بعيد عن الاستغلال من قبل العماله و بعض الاشخاص الي موجودين حتى في المنتدى عندنا

أخوي هذلان موضوعك مؤلم لأكن فيه بعض الأخطاء الرجاء تجنبها في تربية الكاسكو بالذات بالأضافه للأمزون ومنها
1 ــ عدم وضع الكاسكو في مكان بارد أو مقابل للمكيف وياحبذا ايكون في ممر به نسمة بروده خفيفه بدون تيار مباشر
2 ــ الكاسكو معروف أنه يحب صاحبه بغض النظر عن مخالفة الجنس فينصح بكثرة الجلوس معاه وكثرة محادثته وتكرير الكلام بأستمرار دون الضغط عليه ليتعلمها مع مراعات أخراجه من القفص بمعدل ثلاث ساعات على أقل تقدير في اليوم
3 ــ لشراء الكاسكو ينصح بصغار العمر من ست شهور الى ثمان شهور فهو أفضل فتره للتربيه مع الأخذ بالأعتبار بأن الطيور المحجله تكون تربية مزارع وهي الأفضل لأنها تكون في الغالب مطعمه ضد الأمراض وأنصح بعدم أخذ الطائر الوحش الذي يصدر أصواتاً تسمى في عرف المربيين (تجعير) وهو صوت مزعج ويصعب التخلص بسهوله
4 ــ النظافه مهمه جداً للطائر ومسكنه ( القفص ) وينصح بتحميم الطائر مره كل شهر حسب رأيي كافيه وبماء دافئ وينصح بمرش مثل المرشات التي عند الحلاقين على سبيل المثال والأنواع كثيره ويوضع بعد الدش في مكان به شمس وغير حار مثلاً من وراء زجاج وعدم وجود تيار هوائي بارد لكي لايصاب بالزكام وهو مرض متعب للطائر وأما بالنسبه للمسكن فأنصحك بتنظيف القفص كل يومين على أقصى حد فالنظافه مهمه لطيور

وأخيرا أنصحك بمتابعة منتديات الطيور وعندي لكم منتدي ممتاز لكافة الحيوانات والطيور أسمه

تو زوو (( http://www.2zoo.com/vb/index.php))

وأرجو الفائده للجميع

[هذلان]

مستثمر تحت التعليم

بيض الله وجهك ماقصرت .. اذا هالقصه مؤلمه ماني قايلك قصه الي قبله ثورت علي (رصاصه الرحمه)
اخوي ولا تقليل من معلوماتك الصحيحه الي ذكرتها اغلبها اعرفه و اعتقد الخلل في بيتي لانه صغير نوعا ما و مافيه مكان مناسب بمعنى الكلمه .. يا في الصاله و في الزاويه ابعد نقطه عن المكيف (وحشروني الجماعه يقولون لي يسوي ريحه في المكان) يا في ليوان في مقدمه البيت مغطي بالامنيوم و الزجاج بدوم مكيف ولكن منطقه مرور فقط

ان شاءالله لاسكنت بيت جديد باخذ لي 3 كاسكو يموت الي يموت و يعيش الي يعيش
او اني بقلب و بربي معزا

[مستثمر تحت التعليم]

مستثمر تحت التعليم

بيض الله وجهك ماقصرت .. اذا هالقصه مؤلمه ماني قايلك قصه الي قبله ثورت علي (رصاصه الرحمه)
اخوي ولا تقليل من معلوماتك الصحيحه الي ذكرتها اغلبها اعرفه و اعتقد الخلل في بيتي لانه صغير نوعا ما و مافيه مكان مناسب بمعنى الكلمه .. يا في الصاله و في الزاويه ابعد نقطه عن المكيف (وحشروني الجماعه يقولون لي يسوي ريحه في المكان) يا في ليوان في مقدمه البيت مغطي بالامنيوم و الزجاج بدوم مكيف ولكن منطقه مرور فقط

ان شاءالله لاسكنت بيت جديد باخذ لي 3 كاسكو يموت الي يموت و يعيش الي يعيش
او اني بقلب و بربي معزا

أخوي هذلان بالنسبه للريحه نعم فيه ريحه بس بسبب قلة النظافه والمعلومات الي تعرفها صحيحه بس المشكله هل تنفذها أم تتغاضى عنها ؟؟؟

أخوي تربية الكاسكو ممتعه وممله في نفس الوقت بس بالصبر النتيجه بتكون أكثر من رائعه

وبالله التوفيق

[هذلان]

أخوي هذلان بالنسبه للريحه نعم فيه ريحه بس بسبب قلة النظافه والمعلومات الي تعرفها صحيحه بس المشكله هل تنفذها أم تتغاضى عنها ؟؟؟

أخوي تربية الكاسكو ممتعه وممله في نفس الوقت بس بالصبر النتيجه بتكون أكثر من رائعه

وبالله التوفيق

النظافه مبالغ فيها .. يوميا الخدامه تبدل الجريده في ارضيه القفص و ايضا بليفه يمسحون الاصياخ في القفص و ارش عليه ماي بالبخاخ كل اسبوع و افتح جناحه و ارش من داخل .. انا ما انظف نفسي هالكثر

مع اني حرمت اخذ كاسكو لكنك شطيتني اخذ كاسكو مره ثانيه .

وين افضل محل او شخص يبيعهم فروخ و بسعر معقول ؟

[مستثمر تحت التعليم]

النظافه مبالغ فيها .. يوميا الخدامه تبدل الجريده في ارضيه القفص و ايضا بليفه يمسحون الاصياخ في القفص و ارش عليه ماي بالبخاخ كل اسبوع و افتح جناحه و ارش من داخل .. انا ما انظف نفسي هالكثر

مع اني حرمت اخذ كاسكو لكنك شطيتني اخذ كاسكو مره ثانيه .

وين افضل محل او شخص يبيعهم فروخ و بسعر معقول ؟

أضحك الله سنك ياهذلان بس قايل لك النظافه الزايده وخاصه في تسبيح أو ترويش الطائر خطأ كبير يكفي مره في الشهر خلال الصيف أذا كان في مكان بارد واما لوكان في مكان حار نسبياً فيحتاج مرتين فقط ولا تسمع كلام بعض الناس ............. المهم انصحك في محل في خريطيات اسمه مملكة الطيور على ما اعتقد بتلقاه مقابل باسكن روبنز فيه مصري اسمه ابراهيم شوفه ثراه فنان وانا شاري منه ثلاث كاسكوات واشترط عليه انه ايكون محجل وفي عمر ثمان شهور وانه يركب على اليد وياكل من اليد وصدقني من خلال تجاربي معاه الطيور الي خذتها منه ممتازه بس وصه أن القصه الي في جناح الكاسكو تكون في الريش الصغار وعدم مساس الكبار اي الثلاث ريشات الطوال لأن الطائر يحاول يقفز ويتحرك وهم يعملون له موازنه لاتصير مثلي في اول كاسكو وانا لين الحين اعاني وياه بسبب محاولته الطيران لتقليد الأخرين مما تسبب بجرح في صدره من ثلاث شهور ومازال ينزف كلما اخرجته من القفص وحاول ايطير طاح ورجع الجرح مره ثانيه ينزف مع اني ذهبت به الى بيطريين اثنين وعملو له خياطه مع ذلك لين الحي ما التأم جرحه 100%

الله ايوفقك أخي وتوفق فالي ايسر خاطرك والله الموفق

نصيحه أخيره أذا حبيت تاخذ كاسكو نصيحتي لك من واقع تجربه تأمل الطيور الي في المحلات ولاتاخذ علا طول شوفهم بتلاقي في حاجات بتلفت نظرك مثل حركه في العين او في المشيه او اي لمحه بتعجبكوأذا اقتنعت توكل على الله وأخذه بس لايزيد سعره عن 1800 ريال ومدرب مثل ماقلت لك (عليك بالكاسر وطلع فلوسك علشان يرضى البايع )

[faisalqatar]

بسم الله الرحمن الرحيم

اول شي احب اشكر صاحب الموضوع لانه فعلا موضوع حلو
وبما اني من عشاق الببغاوات يشرفني اني اشارك معاكم و اقولكم تجاربي الكثيرة في هالمجال

انا ربيت وايد انواع من الببغاوات و اول نوع كان عندي من زمان اهو الكوكتيل .. كان عندي تقريبا 6 ازواج منهم 4 طيور يطلعون على اليد و أليفين .. بديت حبي للببغاوات من هالطير الحلو

بعدها تطورت شوي و خذت لي الببغاء السنغالي اللي كان موجود بكثرة في سوقنا بس حاليا ما اتحصله الا نادر جدا مع انه نوع عادي مادري ليش ما يجيبونه

عقبها مادري شلي طق براسي و خلاني اخذ الببغاء اللي نفس الكاسكو واللي يسمونه (تمنه) وطبعا هاي من افشل الببغاوات لانه خواف و صعب تدريبه وطلع روحي واخرتها بعته ههههههههههههه ونصيحة لحد ياخذه لان صدقوني بتتحسفون.

لما بعت هالطير قلت باخذ لي كاسكو وخذت واحد ولكن للاسف ماكان عندي خبره في هالطيور وخذت لي واحد كبير و وحشي وتميت احاول ادربه لكن اكثر شي قدرت عليه انه يركب على اليد بس ما قدرت اخليه يسكت لازم يجعر .. وبعد قمت وبعته

و بعد فتره حصلت لي خوش درة هنديه تتكلم .. جان اخذها و تمت معاي فتره والله كنت احبها وايد وكانت تتكلم اتقول بتوه و مياو و السلام عليكم وكنت مستانس عليها وايد لكن للاسف مادري شصادها وطاح ريشها كااااامل ومابقى الا ريش الراس والذيل والجناح لكن الصدر والظهر كله طاح !!
تمت فتره و ماتت

عقب صار خاطري في كوكاتو وخذت لي كوكاتو بو عرف اصفر وكان أليف و مدرب وما شاءالله ريشه كامل وحلو وطبعا على ايام الرخص الكوكاتو المدرب كان سعره 2000 وانا خذته بـ 1800 والله بلاش هههههه المهم خذته وكنت هاده في البيت مثله مثل اي طير .. تم كم يوم وخذ ع الجو شوي ولا قام يتمشى و يقرض البيبان والنعل وانتوا بكرامه و ياكل الوايرات وعفس البيت هههههههههههههه
حطيته في القفص قام يصارخ وقلب لنا البيت جان اضطر ابيعه

بعد فتره صارت ازمة انفلونزا الطيور و سكروا الاستيراد و السوق صار فاضي ومافيه ولا شي .. ومرة وحده طلع واحد وحط اعلان في الجرايد ان عنده فروخ كاسكو وجان اطير من الوناسه ورحت وخذت من عنده واحد .. الله يهدينا ويهديه كان يبيع الطير بـ 4000 !!!!!!!!
بس من عشقي لهم خذت واحد وكان ما شاءالله جامبو و كبير واليف و يطقطق و يصفر
تم معاي تقريبا سنة وكان طير عجيب بمعنى الكلمة عاد اتعرفوني مستحيل الطير يقر في بيتنا لازم اغير .. جان اتطق في راسي سالفة المكاو
و بعت الكاسكو على احد الاعضاء الكرام في المنتدى وما شاءالله عليه علم الكاسكو اسامي عياله و لين يومكم انا متابع اخبار طيري و متواصل مع الريال بالمسجات .. المهم بعت الكاسكو وخذت لي بلو اند جولد مكاو .. فرخ عمره 6 شهور وأليف و رووووووعه .. علمته يقول بتوه و كوكو وكان شي عجيب وأليف لابعد درجة لكن عيبه انه وايد يتعلق في صاحبه .. فـ كان متعلق فيني بشكل غريب ويبيني العب معاه طول اليوم والله كان يصااااارخ من قمة راسه بس عشان اروح له .. تخيلوا والله لما اكون شايله واكلم حد ثاني يعضني ويصارخ عشان يقطع السالفه و اتفرغ له :s
والله ما اقص عليكم كان يغار لهالدرجة !!!
كان مزعج و يصارخ وحاله وطبعا صوت المكاو وايد عالي تم على هالحال وانا تميت اناحسه عشان ما يصارخ ومافي فايدة ليييييييييييين ما بعته خخخخ

وخلال هالفتره كنت ماخذ كاسكو يتكلم .. يقول السلام عليكم و يقول باي و يقول هلووو و بتوه

بس بعت الكاسكو على احد اعضاء هالمنتدى لعدم التفرغ

وتميت فتره بدون طير لييين ما خذت لي فرخ كاسكو جامبو وعجيب كان توه مفطوم عمره تقريبا 4 شهور
حطيته في غرفتي وكنت مدلعه ولما ابي ارقد اوديه مكان دافي عن البرد وتميت اعلمه الكلام وتعلم يقول كوكو ويطقطق ولكن للاسف مرض ووديته البيطري والبيطري الذكي عطاه ابره وطبعا الطير في هالعمر ما يستحمل الابره وانا راح هالشي من بالي
وماااااااااااااات و من بعدها ما خذت لي ولا طييير وهالكلام من ثلاث شهور لاني خلاص بروح ادرس في بريطانيا شهر تسعه وهناك اكيييييد باخذ لي شي هع

هاي كل تجاربي مع الطيور والصراحة استفدت وايد معلومات و خذت خبره كبيرة في التعامل معاهم
وان شاءالله لي رجعه مع الصور بدور لكم صور كل الطيور اللي عدوا علي وبحطهم لكم

و تقبلوا احترامي
فيصل..