::: لعشّاق تربية طيور الزينه، حياكم نتبادل الخبرات والآراء والصور :::

[هذلان]

اندمجت مع قصصك يا فيصل

موفق في حياتك الدراسيه القدمه و اتمنى تاخذ لك شي سنع هناك في بريطانيا لكن ما اوصيك علمه يسلم و علمه على نطق الشهاده .
يمكن يشتريه حد من عقبك و يسلم بسبته

[^امـ نواري^]

لفت إنتباهي بالفتره الأخيره زيادة عدد عشاق طيور الزينه وهذا شي طيب..

وانا من عشاق النظر الى هذه المخلوقات الجميله الرائعه .. سبحان الله
خوش موضوع وبالفعل الطيور تنحب وتونس وتعمل جو لطيف بالبيت ..
نبغي صور للطيور لوسمحتوا..
"لحد يقول قصه فيصل قطر .. مستثمر تحت التعليم .. هذلان .. غير مدعمة بالصور "
علشان الموضوع ياخذ قوته وجماله

نصيحه أخيره أذا حبيت تاخذ كاسكو نصيحتي لك من واقع تجربه تأمل الطيور الي في المحلات ولاتاخذ علا طول شوفهم بتلاقي في حاجات بتلفت نظرك مثل حركه في العين او في المشيه او اي لمحه بتعجبك وأذا اقتنعت توكل على الله وأخذه بس لايزيد سعره عن 1800 ريال ومدرب مثل ماقلت لك (عليك بالكاسر وطلع فلوسك علشان يرضى البايع )

1800 حلو هالسعر .. طيب يا اخ مستثمر تحت التعليم وين الاقي طير ومدرب وونيس ومايعض ؟

اول شي احب اشكر صاحب الموضوع لانه فعلا موضوع حلو
وبما اني من عشاق الببغاوات يشرفني اني اشارك معاكم و اقولكم تجاربي الكثيرة في هالمجال
و.... من بعدها ما خذت لي ولا طييير وهالكلام من ثلاث شهور لاني خلاص بروح ادرس في بريطانيا شهر تسعه وهناك اكيييييد باخذ لي شي هع ..........
هاي كل تجاربي مع الطيور والصراحة استفدت وايد معلومات و خذت خبره كبيرة في التعامل معاهم
وان شاءالله لي رجعه مع الصور بدور لكم صور كل الطيور اللي عدوا علي وبحطهم لكم
و تقبلوا احترامي
فيصل..

قصصك ومغامراتك مع الطير حلوة وتونس
وبانتظار الصور المدعمة للقصص ..
وبانتظار الرد على سالفة الطير

- - - - - - - - - - - - - - - - - - - - -
"طيب آنا متى حد بيشوف لي طير لبنتي ..

[MaRuKoO]

يا سلاام

انا بدايتي مع الطيور موب جديده يعني مروا علي اثنين غير الحالي بس بصراحه حاليا الي عندنا ثالث طير صج انه من اول ما وصل وانا كل يوم اعلم فيه ابيه يحفظ اسم بنتي ومافي فايده بس احس كل مالي احبه زياده

فديت طيرنا
اليوم لعب فينا لعب يقلد الضحكات من نوع كوكاتو وامس بغيت اضربه شرد قهرني جاي دفففففف يبي يعض ولدي
بس يحبني ما زعل علي خخخخخخ
سكنيو اعلامي عالموضوع

[مستثمر تحت التعليم]

أختي أم نواري

نعم انصحك بطير مدرب وبشرط محجل لأنه تربية مزارع وفي الغالب مايصارخ وأحسن مكان تعاملت وياه ذكرته للأخ هذلان في الصفحه رقم (2) شوفي العنوان بس مايكون متكلم لأن المتكلم ماب أقل من 3آلاف وفوق حسب عدد الكلمات

وشكرا

[إعلامي قطر]

بصراحة اعشق الطيور,,

بس اخاف من العيال يعذبونهم ويلعبون فيهم ههههه

تسلم اعلامي قطر

الله يسلمك..

..

[إعلامي قطر]

مشكور أخي اعلامي قطر أنا من محبي تربية الطيور منها للزينه ومنها للمتعه مثل الكاسكو والدوره عندي منها ثلاث مهدودين في البيت بس في اليل احطهم في اقفاصهم وعندي كاسكوين بس للأسف واحد منهم عطيته عمتي للأسف طيرها مات بغباء الخدامه حطته في الشمس يتشمس واحترق وانشوا ومات لأنها نسته وانشغلت في البيت ............ عاد اتصدق ايتكلم مثل الآدمي ومسيوم من فتره بــ10000 ولا باعته والظاهر انحسدت عليه !!!!! صج عين
بس ملاحظتي عن الكاسكو أنه تاخذه محجل وصغير أحسن صج يبيله صبر بس النتيجه ممتازه والي عندي توه 10شهور وتوه ايصفر ويطقطق ويحاول شوي ايتكلم بس ماينفهم له

متابع معاكم ولي قصص كثار ونصايح في مشاركاتي الجايه

صحيح الأفضل يكون صغير ومحجل وطبعاً حبذا لو كان جامبو..

بس ترى 10 شهور تعتبر سن مناسب وأكثر من مناسب للكلام ولازم تكثف
تدريبك له على الكلام خصوصاً بالأوقات إللي يكون رايق ومصحصح فيها..

أما إذا حسيته مب متقبل فخله وحاول تصيده بأكثر أوقات نشاطه وتركيزه..

نصيحه اختار كلمه ولا كلمتين تبيه يتعلمهم كبدايه ويكونون واضحين بالنطق
مثل (بتوه، باي، هاي، الو، تعال، روح، بابا، ماما، لااا، ووالخ) وسجلهم
بجوال ولا لابتوب وخله احذاه ويقعد يعيد المقطع لفتره لساعه مثلاً كل
يوم وهالطريقه نفعت ناس من قبل..

وفي ملاحظه مهمه تقدر تطبقها مستقبلاً إنك تعلمه بكل موقف كلمه معينه،
مثلاً لما تروح تقول له باي ولما تجي تقول له هلا ولما يجيبون لك الغدى
تقول له غدى وهكذا عشان يتبرمج على كلمات معينه بكل موقف
وهالطريقه حلوه كثير وتسوي جو غير طبيعي بالبيت..

..

[sara jsm]

كل مااقول بارد على هالموضوع انسى ,,
متابعتكم اكييييييييييييييد ,,
ولي عوده ان شاءالله بمشاركتي مع الصور

[إعلامي قطر]

موضوع حلو
بس ياليت كان شامل الحيوانات عشان نتبادل المعلومات

وعندي نوعين من الطيور

ولي رجعه مره 2

صعبه والله أختي لأن طيور الزينه لحالها قصه كبيره..
وودنا يكون لتوته ورفيجاتها موضوع خاص فيهم فقط لاغير..

..

[مستثمر تحت التعليم]

صحيح الأفضل يكون صغير ومحجل وطبعاً حبذا لو كان جامبو..

بس ترى 10 شهور تعتبر سن مناسب وأكثر من مناسب للكلام ولازم تكثف
تدريبك له على الكلام خصوصاً بالأوقات إللي يكون رايق ومصحصح فيها..

أما إذا حسيته مب متقبل فخله وحاول تصيده بأكثر أوقات نشاطه وتركيزه..

نصيحه اختار كلمه ولا كلمتين تبيه يتعلمهم كبدايه ويكونون واضحين بالنطق
مثل (بتوه، باي، هاي، الو، تعال، روح، بابا، ماما، لااا، ووالخ) وسجلهم
بجوال ولا لابتوب وخله احذاه ويقعد يعيد المقطع لفتره لساعه مثلاً كل
يوم وهالطريقه نفعت ناس من قبل..

وفي ملاحظه مهمه تقدر تطبقها مستقبلاً إنك تعلمه بكل موقف كلمه معينه،
مثلاً لما تروح تقول له باي ولما تجي تقول له هلا ولما يجيبون لك الغدى
تقول له غدى وهكذا عشان يتبرمج على كلمات معينه بكل موقف
وهالطريقه حلوه كثير وتسوي جو غير طبيعي بالبيت.. Omen

..

كلامك صحيح أخي العزيز

وبصراحه الواحد يتعب من كثرة التجارب والخساير شي ينفع وشي مامنه فايده ومن تجاربي اني شريت لهم جهاز ريكوردر أم بي 3 من مكتبة جرير بذاكره 2جيجا بايت وخزنت فيه الكثير من الأصوات التي لاتعد ولا تحصى وشريت سماعات مكبره للصوت وخذ طول ايوم شغال من الصبح لين اليل وبصراحه شفت بعض النتايج مع واحد من الثلاثه واثنين بس مركزين وبدون ردة فعل غير الألعاب المهمه لتسلية الطائر وكسر الملل عنده ومانصح بوضع اكثر من واحد في القفص لأنهم في حالة هواش مستمره كل واحد يبي الثاني ايحك راسه وهو الي مسيطر على المكان
مشكو ياخوي ونتمنى من الكل التفاعل ولي رجعه ثانيه أن شاء الله



والسلام عليكم ورحمة الله

[مستثمر تحت التعليم]

هذي صور ثنين من طيوري بس قولو ما شاء الله