احترااام المواعيد

[بوخالد911]

هلا بكم

؛؛؛


من الشغلات اللي احبها هي :


أحترام المواعيد


وعدم احترامها يخليني أتنررفز وبسررعة


ولما باخذ موعد مع مثلا :

الشباب

عامل صيانة المكيفات

البايب فييتر

يعطووني موعد الساعة 4 عصراً

ولا يجوون بالوقت المحدد !!!!!
وأقوولهم : خلووكم مثل الأجاانب


س : هل أنت ملتزم بمواعيدك ؟

وشنوو تصررفك مع اللي يتأخرر بمواعيده ولا يحترمها؟



تحياتي قبل أن تجف كلماتي

؛؛؛



مسيوو / بوخالد911

[بو الجوري]

هلا بو خلووودي :.. شخبارك ؟

والله إنت نفسي :.. انا أحب ألتزم بالمواعيد :.. وأكره التأخير :..

ودايما أوصل مشاويري بدري :.. سواء عزومه أو رايح سنما أو أي شي :..
دايما مقدم ساعتي وساعة السياره والجوال 5 دقايق :..

وأحب التنظيم فالطلعات :..
يعني لازم يكون في جدول للشي اللي بنسويه :..
ما حب الشي العشوائي :.. والطلعات اللي بدون هدف :..

تحياتي قبل أن أجدول طلعاتي :..

[عزووز قطر]

الالتزام يكون على حسب نوع الموعد

يعني مثلاً طلعه شباب او مطعم ماتفرق لو تأخرت نص ساعة ،،

بس موعد رسمي مثل الاجتماعات في الدوام تحصلني موجود قبل الاجتماع بربع ساعة

[الأصيلة]

صادق والله يابوخالد
مافيه أحلى من احترام المواعيد والنظام...
يرتقي بصاحبه ويخلي الوقت له طعم ثاني...

الحمد الله أنا أحب الإلتزام بالمواعيد
ويمكن أسبق الموعد حتى ما أخسر الوقت...
وتأخيري لو 5 دقائق يسبب لي قلق
عكس بعض الناس مافيهم ذرة إحساس بالموعد
استهتار ولامبالاة...وهذا الشخص طبعا تتغير نظرتي فيه إذا كان دائم التأخير وبدون سبب...
ومن أيام ما كنت صغيرة وأنا أكره التأخير عن المواعيد أياً كان شكلها ومكانها...
تسلم على الطرح أخي خالد911

[لاجل QT]

احترام الموعيد يدل على تنظيم الشخص ودقتة في عملة واخلاصة

انا الحمدالله من النوع اللى المواعيد عندي مثل السيف ..

...اما بالنسبة للاشخاص اللى مايحترمون مواعيدهم ...عقابهم انة مانتعامل معاههم مرة ثانية ..خلة يطيح شغلهم في جبودهم...او تقديم شكوى للمسؤول عنهم

واسملة عليك من النرفزة ..عادي وسع صدرك

[بوحارب]

والله بعض الأحيان اسحب على اللي مواعدهم

[غزلان]

مثلك يابوخالد اكثر ماينرفزني عدم الألتزام بالموعد

الحمد لله قد ما اقدر التزم بوعدي واعتذر قبل بمده اذا ماقدرت.

لوحصل احد الطرفين اتأخر كم دقيقه مب مشكله المهم يبين انه حاول يلتزم بالحضور في موعده

وبعدين من الأتكيت الشخص الى حس انه مايقدر يلتزم يتصل او يرسل مسج يعتذر احسن من النطره.

متى بنتلعم الأتكيت؟

[عذوبـة قلم]

:
♥
:

س : هل أنت ملتزم بمواعيدك ؟

ج : انا من النوع الذي يلتزم في مواعيده .. وولكن آيضا حسب الموعد ..!!
وآهميتـه ..

فمثلا إجتماع عمل .. موعد مستشفى .. ومن هذه الآمور التي تلزمني وتقيد وقتي

اما مواضيع ثانويه .. مثل موعد عشاء .. زفاف .. وآمور آخرى
فالموضوع يختلف كوني "بارده" .. فانا من النوع اللي "ساعتين لين تبرز" ..!!
>> وهذا ما آكرهه في نفسي وآتمنى ان آغيره .. وآكون سريعه آكثر ..!!

س : وشنوو تصررفك مع اللي يتأخرر بمواعيده ولا يحترمها؟

ج : بالفطره " آتنرفـز" .. فانا لا آحب الانتظار من هذا النوع ..

بوخالد .. لكـ مني جزيل الشكر والتقدير على هذا الطرح
فـ إنتظار جديد مواضيعكـ ..

:
♥
:
.. ع ـذوبـة الـ ق ـلم ..
.♣.

[بوخالد911]

هلا بو خلووودي :.. شخبارك ؟

والله إنت نفسي :.. انا أحب ألتزم بالمواعيد :.. وأكره التأخير :..

ودايما أوصل مشاويري بدري :.. سواء عزومه أو رايح سنما أو أي شي :..
دايما مقدم ساعتي وساعة السياره والجوال 5 دقايق :..

وأحب التنظيم فالطلعات :..
يعني لازم يكون في جدول للشي اللي بنسويه :..
ما حب الشي العشوائي :.. والطلعات اللي بدون هدف :..

تحياتي قبل أن أجدول طلعاتي :..

زادك الله حررصا

وتسلم للنقطة المهمة


ولا هنت للاضافة القيمة

[روضه الجنة]

حتى انا اكرره شي عندي ان حد يتأخر على الموعد !!
والالتزام في المواعيد يدل على شخصية الشخص نفسه ودقته
يعطيكم العافية