أماكن سياحية ؟ في الدوحة ،،،

[((غلا قطر))]

ممكن أتفيدوني أبغي أونس اعيالي وطلعهم اماكن سياحية غير المجمعات بصراحة مليت من المجمعات وحتى العيال تمللوا وين تقترحون علي اوديهم في الدوحة .

[eqahtani]

هههههههههههههههههههه
ماكو مكان

[بوحارب]

[بو_درويش]

احسن مكان سوق واقف
او شاليهات سيلين ( بس السعر نار نار )
وغيرة ما في

[وهم قطر]

ليش مافي اماكن

في الاسبوع على الاقل مره تروحون البحر والمره الي بعدها تغيرون بحر ثاني

أو العصر قبل المغرب بشوي تنزلون في روضه قريبه من الشارع العام وترتبون المكان وتجلسون لحد الساعه 9 في الليل وتسوون عشاكم من أجمل الحظات وبعد فتره تغيرون روضه ثانيه تكتشفون وتتعرفون على ريضان قطر

أو تروحون النقيان الطعوس من الساعه 4 العصر من جهه الشرق ضل الطعوس من الشمس

أو حديقه الحيوانات

أو محميه الدوسري أتفرجون على شي جديد عليكم

واذا تبون خصوصيه تامه في مزارع وشاليهات خاصه واستراحات وعزب كلها تتأجر


ماتشوفون الاجانب مستانسين لهم هالرحلات الخفيفه

وهكذا

[فزعـــــ قطر ـــــة]

اخوي عندك مجمع فيلاجيووو قسم الالعاب ..وعندك جنقل زون في الحياة بلازا وبعد اللاند مارك وسيتي سنتر..كلها مكيفه والحين قاعة المعارض مسوين مدينه ترفيهيه ..واذا تحب البحر أجر لك في سيلين كمن يوم

[بو الطيب]

اذى في الدوحه مالج الا :
1- سوق واقف
2- الكورنيش
3- الخليج الغربي
4- حديقة دحل الحمام او اسباير
ذي بالنسبه للدوحه ولاكن لو تطلعين برع الدوحه ترى تحصلين مناطق تستاهل
مثل المناطق الاثريه والطبيعيه لاكن يفضل برع الدوحه يكون معاج ريال محرم

[الـقـاسـي]

وهم قطر انت ملاحظ ان جو قطر في الصيف مش حق طلعات ..

وصدق مثل ماقالو الاخوان مافي مكان في قطر ..انا قسم بالله يضيق خاطري اذا جاني حد من السعوديه ولا الامارات ولا غيرها اتوهق ماعرف وين اوديهم ..

[وحيد-الشوق]

ما في مكان

شنو في في الدوحة قسم بالله ملل مابعده ملل ما في غير المجمعات وسوق واقف والبحر غيره شنو فيه والمتحف الاسلامي بتدخله مره وحده في حياتك فقط هههههههههههه

يليت بدال الفلوس الي رايحه برا يصرفونها على مشاريع سياحية وترفيهية

[البعد الخامس]

أهلا أختى العزيزة

بالفعل الصيف بدون سفر ممل للكبار قبل الصغار

ولكن دعينا نقتل الملل ببعض الأفكار البسيطة

التي نفذتها هذا الصيف

بحكم عدم سفري

فأغلبية الصيف قضيته هنا

ممكن الذهاب للكثبان الرملية والأستمتاع باللعب والتزحلق وسماع صوت الكثبان الرملية

نعم سماع صوت الكثبان الرملية الشبيهه بصوت الطائرات c130 و طائرات الهيلوكبيتر




أو الذهاب للبحر والأستمتاع بالسباحه أو أستأجار بوت بسائق والأستمتاع بصيد السمك

والشوي فالبحر يذهب الأكتئاب .




أو ممكن الذهاب للبر وعمل وجبه للأكل هناك وعمل بعض الألعاب القديمة للأطفال كالدورفة





الذهاب للسوق العماني والأستمتاع بالتجول به




الذهاب لأحدى المزارع بعد الأستئذان من صاحبها والتجول بها وعمل وجبة غداء وقضاء

نصف يوم هناك






هذا قليل مما فعلناه هذه السنه في الأجازة هذا الصيف

تحياتي