مسافر تايلاند وأبي مساعدتكم

[بوخالد911]

هلا

جررب تروح جزيرة بوكيت

روووعة من قلب

وعندك مكتب موسى البانكوكي
وعنده مرشدين عرب ومسلمين

لا تحااتي

[Abdullah_89]

بوخالد911

يعطيك العافيه اخوي ماقصرت

[بوشاهين2]

أخوي دش على هذا الموقع www.booking.com وشوف الفندق وتقدر تشوف الغرف وأنصحك ماجيستك جراند بشارع العرب أو جي دبليو ماريوت . وهناك مكاتب كثيره بالنسبه للسياحة وأنا إن شاء الله رايح بتاريخ 16/9/2010م.

[مـــ الروح ـــلاك]

السلام عليكم ورحمة الله وبركاته

اجازة سعيدة اخوي وبخصوص فنادق تايلند بالنسبة لي احسن فندق في تايلند

ولو تروح ماتحس بالملل واذا كنت مع الاهل صدقني ماراح يحسون بالملل

السوق عندك وانت باللوبي فيه ممر بداخل لوبي الفندق يدخلك ثواني على مجمع ام بي كي اكبر

مجمع في تايلند بالدور السابع السينماات موجوده خبرك تايلند الساعه تسع تقفل

وفي خلال ثواني من لوبي الفندق ولا تحتاج سيارة تقدر تطلع على ثلاث الى اربع مجمعات تجارية

من اللوبي على ام بي كي تروح الدور الثاني باخر المجمع تطلع على محطة القطار كم خطوه

على الجسر انت بمجمع سيام ديسكفري من سيام ديسكفر كم خطوه انت بمجمع سيام سكوير

وممر من سيام سكوير يوديك على سيام براغون اكبر مجمع تلاقي فيه حتى الماركات العالمية

الحجز للفندق بالنت سمعت انه يكون ارخص واذا تبي تحجز روح سفريات الديرة بشارع المطار

وهم يجزون لك بهالفندق الفندق روعه ولو معاك الاهل الله يعينك ماراح تتلاقى معاهم في اليوم

الا عند الغدا او لين قفل المجمع والسوق

عنوان الفندق

http://www.agoda.com/asia/thailand/b...ess_hotel.html

[Rashid554]

انصحك بفندقين تعيش ملك

ماريوت
السوفتيل

ماريوت لاصق بشارع العرب
السوفتيل بوسط المدينه حق المجمعات كلها

عن تجربه

غرف واسعه + خدمة مميزه

الماريوت ميزته ان الحمام تكرم فيه هوز مايحتاي مطاره

[فارس قطر333]

اذا ممكن حد يفيدنا باسعار الفنادق وتكون فنادق ممتازه ونظيفه

[Abdullah_89]

والله ماعندي فكره عن اسعار الفنادق بس بشكل عام الفنادق العادية والنظيفة ماتتعدى 4000 بات يعني تقريبا 400 ريال قطري

اما بالنسبة للتنقل من بانكوك لبتايا انصحوني بالطيران الداخلي air asia او اي طيران داخلي اقتصادي وايد ارخص من الحجز عن طريق مكتب

انا عن نفسي باروح وماراح احجز ولا شي باروح لان يقولون فالمطار في ناس قاطة ويها وتساعدك تدور فندق ورخيص بالسعر اللي تبيه


وبالتوفيق للجميع