استفسار بخصوص الخطوط الجويه السعوديه ( رحله داخليه)

[قدام]

السلام عليكم و رحمه لله و بركاته
اخواني الاعضاء :مبرووك عليكم رمضان و عسى الله يعوده علينا و عليكم اجمعين
عندي استفسار للاهل الخبره و التجربه في الخطوط الجويه السعوديه ( رحلات داخليه ) لاني ابي احجز عندهم من الدمام الي جده ( للعمره) ابي اعرف كيف الموااعيد عندهم و الرحلات تكون منتظمه """" لان العاده تكون الرحلات الداخليه مب ذاك الزووود
و شكراا

[بوعبدالله779]

اخوي روح الخطوط الجوية السعودية ولا اي مكتب سفريات ويعطونك كل الرحلات وتقدر تحجز وتاخذ التذاكر من الحين يا طويل العمر وعمره مقبوله مقدماً ولاتنسنا من دعاك الصالح

[صلاتي]

اخوي روح الخطوط الجوية السعودية ولا اي مكتب سفريات ويعطونك كل الرحلات وتقدر تحجز وتاخذ التذاكر من الحين يا طويل العمر وعمره مقبوله مقدماً ولاتنسنا من دعاك الصالح

الدعاء لا تنساني معاك

[صلاتي]

روح عن طريق مطار الدمام عندهم خوش موقف للسيارات

والساعة بريال واحد يا بلاش

[تحداني]

.. انا سمعت لقاء في اذاعه ام بي سي مره من المرات ..
يقولون ان التسهيلات موجوده .. والرحلات كثيره
وأسعارها جدا رمزيه والفرق بينها وبين سيارات النقل الجماعي 80 ريال ما اعرف 100 ريال
لا اتحاتي راح تلقى حجز .. وتقبل الله مقدما وعمره مقبوله ان شاء الله





الله ينور طريقك ويجملك برضى الرحمن

[المبتسم]

شهر 2 رحت بموتري لدمام وسافرت لجده بالخطوط السعوديه,,طيران حلو والمطار احلى والمواعيد شفتها مضبوطه 100% طبعا حجزت على موقعهم بالنت,,,وفي طيران ناس وواحد ثاني نسيت اسمه!!!نصحني صديق سعودي اني اخذ الخطوط السعوديه صج اغلى (500 ريال) لكن اضبط بالمواعيد...وطيران ناسا اذا تحجز بدري يكون ارخص

طبعا ينبهونك بالميقات بنص ساعه قبل الوصول للميقات,,انصحك تلبس الوزار تحت ثوبك وتصعد الطياره واذا وصلت الميقات تنزع الثوب وانت بمكانك لان الحمام والمصلى زحمه!!!

عمره مقبوله مقدما,,,واي سؤال حاضرين

[Arab!an]

طيران ناس وسما رحلاتهم داخليه ورخيصه

[المرحب]

روح عن طريق مطار الدمام عندهم خوش موقف للسيارات

والساعة بريال واحد يا بلاش

موقف المطار ما فيه كلام

لكن قبل تنزل من سيارتك تأكد من الطابق ورقم الموقف

وأما بالنسبه لأسعارهم بالغت شويات بأن الساعه بريال <<< بصراحه كثير

[Index Signal]

إحجز عن طريق موقعهم أفضل ..

بتظهر لك المواعيد و الأسعار و كل شي ..

و عندك طيران ناس يعتبر طيران إقتصادي ..

شوف الأثنين و إختار التوقيت إللي يناسبك .

[ابن مانع]

عندك طياران ناس وسما ادخل عن طريق النت واحجز وسعارهم رمزية وايد بس بدون خدمات لاكنها برخص انا رحت على ناس مرة رايح وجاي 190 ريال