سفرتي الى دبي ^.*

[شمعة الدوحه]

السلام عليكم ورحمة الله وبركاته

هذا تقرير سفرتي الى دبي في تاريخ 23 - 7-2010

كنت انا واخوي في هذه الرحله

صارت لي صدف حلوه واعتبرها احلى سفره بحياتي

وعلى فكره اول سفره لي لدبي .. قبل رحت ابوظبي بس

المهم كان يصادف يوم الجمعه طلعنا من البيت 6 الا ربع تقريبا لان طيارتنا الساعه 8

وهذي مقتطفات من الطريق على شارع سلوى




اهم شي الادويه اللي تبين ههههههههه



مرينا محطة البترول



وصلنا المطار الساعه 6 وشي تقريبا

خلصنا امورنا وصعدنا الى الطائره وكانت طيارة راس بوعبود اذا ماخاب ظني



قبل الاقلاع حطوا لنا موسيقى انما ايه رومانسيه من قلب



وهني فوق دبي سيتي



وهاقد وصلنا بالسلامة الى دبي




برب ولي عوده
لحد يرد وترى فيه اجزاء حلوه بالتقرير ويمكن اماكن ماعرفتوا عنها
تابعوووووني للنهايه

اقصد تابعونا وفالكم طيب

[شمعة الدوحه]

حجزنا الفندق واحنا بالمطار اسمه هوليدي ان البرشا جنب امارات مول

المهم خذنا تاكسي علشان نوفر فلوسنا للشوبينق والهياط نخليه حق آخر يوم اذا كان فيه فائض



مقتطفات من الطريق





هني يوم وصلنا الفندق








الرسيبشن
عاد شوفوا هذي ترى كله مكشره



برب

[بوحارب]

الحمدلله على السلامة

وانه توني امس من دبي بس للأسف مافيه تقرير

الجوال كان خربان وماقدرت اصور ههههههههه

في انتظار بقية التقرير

طيط

[sara jsm]

السلام عليكم ورحمة الله وبركاته

هذا تقرير سفرتي الى دبي في تاريخ 23 - 8-2010

ماشاءالله عليج سابقة الزمن
لي عوده عقب ماتخلصين

[شمعة الدوحه]

كنا حاجزين غرفه وصاله
كلفت 700 حق الليله اذا غرفتين 900
واحنا كنا نبي ليله وحده بس

اخوي قال موب لازم غرفه حقه خبركم الشباب يدبرون انفسهم يرقدون بأي مكان
وبراويكم بعدين شلون كان راقد





الصاله





تقريبا كنا بالفندق الساعه 10 قلنا بنريح شوي والساعه 1 نطلع علشان نتمشى

اخوي رقد وانا ماجاني نوم قلت يالله خل اسوي كرك



وبعدين رقدت تقريبا نص ساعه وعالساعه 1 قعدنا علشان نطلع

هذا مجمع امارات مول قلنا بنخليه آخر شي لانه جنب الفندق



كنا متوجهين الى دبي مول وهالصور عالطريق



نفق المترو



برج خليفه






وصولنا لدبي مول











دبي مول الحلو فيه مايضيع وايد شرح ووسيع ماشاء الله

وفيه شي حلو مسوينه شاشه باللمس تكتبون فيها اسم المحل اللي تبغونه ويطلع لكم مكانه وين بالضبط وفي أي دور
واحنا كنا نبي ( جوز كافيه ) علشان نتغدى فيه وعرفنا مكانه بالضبط



دبي اكواريوم ( نفق مائي )
صورته واحنا مارين ورجعنا له عقب وبتشوفون الصور في باقي التقرير



الماركات العالميه كلها هناك



هذا الممر اللي يروح لجوز كافيه حلوه حركة الفراشات اعجبتني



وصلنا الى مقصدنا
( جوز كافيه ) فيه الدور الاول اذا ماخاب ظني
فيه فرع منه في لندن وهذا فرعه الثاني في دبي واتوقع انه مافيه منه فروع ثانيه على حسب معلومات اخوي
انا اصلا ماكنت اعرف عنه ولا عن اكله بس هو قالي بخليج تاكلين شي ماراح تنسينه ولانه جربه في لندن

[شمعة الدوحه]

ماشاءالله عليج سابقة الزمن
لي عوده عقب ماتخلصين

ههههههههههههه دبه وحده زين نبهتيني
صححت التاريخ
ومابقولج شي دامج نبهتيني على خطأ

[شمعة الدوحه]

الحمدلله على السلامة

وانه توني امس من دبي بس للأسف مافيه تقرير

الجوال كان خربان وماقدرت اصور ههههههههه

في انتظار بقية التقرير

طيط

الله يسلمك بوحارب
هالتقرير من اسبوعين بس مافضيت انزله خبرك بينزس وومن
والحمدلله على سلامتك

[شمعة الدوحه]

يم يمييييي (روزاريتو )

وهو طبق عيش مع دجاج بس تشوفون شكله تقولون طبق حلى موب عيش

والله طاح في خاطري اللحين ياريت يفتحون فرع منه عندنا علشان اطيح فيه



هني عقب ماتم الهجوم وقصف عمارة العيش

الصوص الي في الصحن وايد لذيذ معاه ومايحلى الغدا بدون التباسكو



وهذي كيكة التمر ومعاها ايس كريم

شنو لذيذه



وهني عقب ماطلعنا نزلنا تحت ولقيت محل زهير مراد

حق البنات اللي يبون يروحون له

انا ادري انه اسعاره غاليه فمادشيت



هالطابق تحت الارضي



لقيت محل كان دايما في المعارض اسمه عود غاليري والمخمريه اللي عندي خلصت وزين اني صدتهم هناك ومالقيت الا حبه بس يالله احسن من لاشئ

هذا محل يسوي صوركم في كريستالات 2D

يعني من جهتين بس

هالحجم بـ 150



والحجم هذا بـ 250



اخوي سوى الحجم الصغير كانت عنده صوره بتلفونه ويطرشها لهم بلوتوث

وكان في خاطري اسوي بس ماصدت لي وحده عقب ماانتبهت شفت وحده اثيوبيه تشتغل معاهم

وعطيتها صوره معاي في الشنطه وسويت الحجم الثاني بس بشكل طولي لان الصوره طوليه

تاخذ نص ساعه لين مايخلصون او اقل بشوي

وهذا اسم المحل حق اللي يبي يروح



وهني رجعنا حق دبي اكواريوم



شوفوا الحشد الجماهيري الي برى يصورون



وفيه غواصين داخل




هني يوم دخلنا النفق والدخول حق الشخص الواحد 25 درهم



سبحان الله شوفوا شكلها على شكل فيس عيون وخشم وشفايف مرسومه رسم



هذا انا بسميه فهد البحر شوفوا شلون لونه سبحان الله



يمامي سمك قرش وياكثرهم اللي شفتهم



هذا بعد شوفوا فيسه حزين
سبحان الله




برب

[شمعة الدوحه]

طلعنا من دبي مول



متوجهين الى امارات مول



وصلنا للمجمع تقريبا عالساعه 4 ونص او 5



هذي المدينه الثلجيه صورتها من برى بس مادشيناها



خذنا ايس كريم وكنا ندور على محل الاعاب عندهم واخوي مضيع وتعبنا واحنا نمشي



محل باتشي



ماشاء الله مجمعاتهم كبيره وتتعبون وانتوا تمشون

وبالذات امارات مول يضيع وايد لان اكثر الممرات متشابهه

واخيرا وصلنا الى الالعاب

( ماجيك بلانيت )

وهاللعبه اللي ركبناها وياريتني ماركبت دار فيني راسي



ودشينا سينما الخيال وايد حلوه افلامهم



هذا اسم المدينه



وكان مطعم فرايديز جنبهم وقلنا بنتعشى



باستا بالربيان والدجاج وبعد ماتحلى الا بالتباسكو



يحليلها حبتيييييييييين



وبعدها رحنا شوبينق شوي وكنا منهكين من التعب بسبة المشي الواحد فينا يالله يالله انه يمشي

ورجعنا عالفندق الساعه 8 ونص تقريبا نبغي نريح لانه ورانا رجعه للدوحه اليوم الثاني عالساعه 10 الصبح

العفيسه عقب الشوبينق



هذي الكرستاله اللي شريتها قلت بجربها واطلعت شي

القاعده اللي تحتها تنشرى بروحها بعد وتولع ليتات احمر وازرق واخضر



صورتها لكم من الجهه اللي ماتبين فيها الصوره لانه من جهتين بس ورى وقدام

وهذي صوره عالطاير


وفي الصباح الباكر استيقظنا عالساعه 7 لانه 8 لازم نكون في المطار




هني كان راقد اخوي

خذ المربعات اللي عالكنبه وحطهم كلهم تحت والبرنوس خذناه من الكبت

شرايكم بالطريقه



صوره عالطاير

[شمعة الدوحه]

رجعتنا كانت السبت تاريخ 24\7\2010

السايق اللي كان ينطرنا برى هو نفسه اللي كنا معاه بتاكسي يوم الجمعه بس هالمره على لكزس اغلى بشوي من التاكسي بس موب وايد لانه مشوارنا بس كان للمطار



وداعاً برج خليفه



دوار المطار فيه مناظر شلالات اعجبتني





وصولنا للمطار









مدهش



عقب ماخلصنا الاجراءات قلنا خل نتريق لان باقي وايد عالطياره

مطعم غرفاوي ياسلااااااااااااام



خذنا بوفيه والسعر كان حلو وموب غالي نفس هني



بانكيك





عقب ماتريقنا نزلنا شوي السوق الحره

بعدها توجهنا للبوابات





صعودنا للطائره



كانت طيارة لحويله





وداعاً دبي







ورجعنا الى ديارنا سالمين

الخروج من مطار الدوحه







اتمنى يعجبكم التقرير

صج انه يوم بس حللناه عدل واستانسنا الحمدلله


اللحين الاشاره خضرا لتعليقاتكم وردودكم